Deut 5:27 - Kaqchiquel Bible

²⁷ Wakami, xaxe k'a rat yabe richin nawak'axaj ronojel ri xtubij ri Jehová y k'ari' xtabij chiqe, y roj kan xtiqak'axaj y kan xtiqaben ri xtubij chiqe, xecha'.

Deut 5:27 ပူးပေါင်းရင်းမြစ်များ

Ex 18:20

Kan tak'utu' k'a chikiwech ronojel ri pixa' y ri ch'aqa' chik ruchojmilal, richin chi tikik'uaj jun utzilej bey y utzilej banobel.

Ex 19:8

Y konojel k'a ri winaqi' kan junan k'a xech'on y xkibij: Roj kan xtiqaben k'a ronojel ri rubin-pe ri Jehová, xecha'. Y ri Moisés xuk'uaj k'a chire ri Jehová ri ch'abel ri xkibij ri winaqi'.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Ex 24:3

Xeri' ri Moisés xqaqa k'a pe y xorucholo-qa ronojel ri pixa' y ronojel ri ch'abel ri xubij-pe ri Jehová chire. Y jari' toq ri winaqi' rik'in jun kich'abel xech'on y xkibij: Kan xtiqaben k'a ronojel ri rubin-pe ri Jehová, xecha'.

Wuj Richin ri Jeremías 42:5

K'ari' ri winaqi' xkibij chik chuwe: Ja ri Jehová ri xtiq'aton-tzij pa qawi', wi man niqaben ta ri xtubij-pe chawe richin niqaben roj.

Wuj Richin ri Jeremías 42:6

Utz o man utz ta ri xtubij-pe, roj kan xtiqanimaj rutzij ri Jehová ri qa-Dios, ri achoq ik'in xatqateq-wi richin chi utz yojbe y kan qitzij na wi xtiqanimaj rutzij ri Jehová ri qa-Dios, xecha'.

Deut 5:26

Roma xa kan man jun k'a wineq ri nak'axan ri ruch'abel ri Dios ri nich'on pa jun ruxaq-q'aq' y nik'ase' ta kan, achi'el ri xqak'axaj roj.

Deut 5:28

Rokik yech'on wik'in, ri Jehová Dios xubij chuwe: Kan xinwak'axaj ronojel ri achike xkibij ri winaqi', y kan xqa' k'a chinuwech.

Hebreos 12:19

Xkak'axaj xq'ajan ri trompeta, y xkak'axaj chuqa' toq xch'on-pe ri Dios kik'in. Jak'a rije' xkik'utuj utzil chi man chik tich'on-pe kik'in,

Wuj Richin ri Josúe 24:24

Konojel k'a ri winaqi' xkibij chire ri Josué: Kan ja k'a ri Jehová ri qa-Dios ri xtiqasamajij, y kan xtiqaben k'a ronojel ri xtubij rija', xecha'.