Deut 5:25 - Kaqchiquel Bible

²⁵ Jak'a wi roj xtiqak'axaj jun bey chik ri ruch'abel ri Jehová ri qa-Dios, xa kan xqojken k'a y xqojruk'is ri q'aq' ri'.

Deut 5:25 ပူးပေါင်းရင်းမြစ်များ

Deut 18:16

Re' kan roma keri' ri xik'utuj chire ri Jehová ri qa-Dios, toq xch'on qik'in pa ruwi' ri juyu' Horeb, ri q'ij toq xqamol-qi' chiri'. Jari' toq rix xibij chi man niwajo' ta chik niwak'axaj ri ruch'abel ri Jehová ri qa-Dios, ni man niwajo' ta chik nitz'et ri jun nimalej ruxaq-q'aq' ri', richin keri' man yixken ta.

Hebreos 12:29

Roma ri qa-Dios kan achi'el q'aq' ri kan nuk'is ronojel.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

Deut 33:2

Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Hebreos 12:19

Xkak'axaj xq'ajan ri trompeta, y xkak'axaj chuqa' toq xch'on-pe ri Dios kik'in. Jak'a rije' xkik'utuj utzil chi man chik tich'on-pe kik'in,

Wuj Richin ri Rutikeribel 3:10

Y rija' xubij: Xinwak'axaj chi atk'o wawe' pa qejoj, y xinxibij-wi' roma in ch'anel y roma ri' xinwewaj-wi', xcha'.

Ex 20:18

Y toq konojel k'a ri winaqi' xkak'axaj ri koqolajay, ri koyopa', ri xupubel y xkitz'et chi ri juyu' nibuqulin; rije' k'a nej xebepa'e-pe y yebaybot roma ri kixibin-ki'.

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.

Deut 18:17

K'ari' ri Jehová xubij chuwe: Ja' kan utz wi ri xkibij.