Deut 5:23 - Kaqchiquel Bible

²³ Jak'a rix y ri ite-itata' xiwak'axaj ri ch'abel ri' chupan ri q'equ'm y xitz'et ri juyu' rik'in ruxaq-q'aq'. Konojel k'a ri aj-raqen y ri rijita'q taq achi'a' ri k'o kiq'ij xe'apon wik'in

Deut 5:23 ပူးပေါင်းရင်းမြစ်များ

Deut 18:16

Re' kan roma keri' ri xik'utuj chire ri Jehová ri qa-Dios, toq xch'on qik'in pa ruwi' ri juyu' Horeb, ri q'ij toq xqamol-qi' chiri'. Jari' toq rix xibij chi man niwajo' ta chik niwak'axaj ri ruch'abel ri Jehová ri qa-Dios, ni man niwajo' ta chik nitz'et ri jun nimalej ruxaq-q'aq' ri', richin keri' man yixken ta.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.

Deut 9:15

Toq yin xiqaqa-pe pa ruwi' ri juyu' ri nibiron pa q'aq', nuk'amon-pe pa nuq'a' ri ka'i' tz'alem taq abej richin ri rujikibel-tzij.