Deut 5:20 - Kaqchiquel Bible

²⁰ Man tibananej chi kan ja ri qitzij niq'alajirisaj chirij ri iwachpochel y xa man keri' ta.

Deut 5:20 ပူးပေါင်းရင်းမြစ်များ

Ex 20:16

Man tiyek tzij chirij jun chik iwinaq.

Ex 23:1

Kan man jun bey k'a titz'uk-tzij. Man tito' jun wineq ri xa makuwineq y rix kan nibij chi man jun rumak.

Wuj Richin Etamabel-Tzij 19:9

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun tzij, xa pa kamik xtapon-wi.

Wuj Richin Etamabel-Tzij 19:5

Jun wineq ri xa nutz'uk ri banobel ri yeruq'alajirisaj chirij jun wineq, xa xtiqaqa ruk'ayewal pa ruwi'; y kan qitzij wi chi ri wineq ri nitz'ukun-tzij, man xtikolotej ta el.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin Etamabel-Tzij 6:19

ri tz'ukuj-tzij ri yebanatej pa q'atbel taq tzij, y ri wineq ri nitz'uku oyowal chikikojol rach'alal.

1 Rey 21:13

Xepe k'a ri e ka'i' achi'a' ri e banoy taq etzelal y xetz'uye' k'a chuwech ri Nabot y xkibij chi ri Nabot xuyoq' rubi' ri Dios y xuyoq' ri rey. Y keri' ri winaqi' xkelesaj-el ri Nabot chiri' pa tinamit, y xkik'eq k'a chi abej richin xken.

San Mateo 19:18

Ri ala' ri' xuk'utuj k'a chire ri Jesús achike chi pixa' ri'. Y ri Jesús xubij: Man kakamisan; wi k'o awixjayil, man takanoj jun chik ixoq; man kateleq'; man tatz'uk-tzij.