Deut 5:2 - Kaqchiquel Bible

² Ri Jehová ri qa-Dios xuben jun jikibel-tzij qik'in roj israelita ri chiri' pa ruwi' ri juyu' Horeb.

Deut 5:2 ပူးပေါင်းရင်းမြစ်များ

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Ex 24:8

K'ari' ri Moisés xberuk'ama-pe ri nik'aj chire ri kik' ri e ruya'on chupan ri nima'q taq k'ojelibel y xuchikaj pa kiwi' ri winaqi' y xubij: Rik'in re kik' re' niq'alajin ri jikibel-tzij ri nuben ri Jehová iwik'in y chuqa' nijike' kan pa kiwi' ri ch'abel ri xebitej-qa, xcha'.

Ex 19:1

Chirij re', ri israelita xe'el-pe pa Refidim; y chupan k'a ri q'ij toq xtz'aqet oxi' ik' chi ke'el-pe pan Egipto, chupan ri q'ij ri', jari' toq xe'apon pa ruwa-taq'aj ri k'o chunaqaj ri juyu' Sinaí. Y chiri' xek'oje-wi-qa chuwech-pe ri juyu'.

Ex 34:10

Y ri Jehová xubij chik chire ri Moisés: Wakami k'a, yin xtinbenbana' chik rutzil jun tununri'il iwik'in. Chuqa' chikiwech ri awinaq kan xkenben k'a meyel taq banobel, ri kan man jun bey e banatajineq ta ri pa taq tinamit ri ek'o chuwech re ruwach'ulew. Kan konojel k'a ri winaqi' kichin ri tinamit ri ek'o-pe chi taq inaqaj, xtikimey ri nimalej nusamaj yin Jehová y kan xtikimey k'a ri xtinbenbana' iwik'in rix.

Deut 5:1

Ri Moisés xerumol k'a konojel ri ruwinaq e richin ri rutinamit Israel y xuq'alajirisaj k'a chike y xubij: Tiwak'axaj rix nuwinaq, ri pixa' ri ninya' chiwe wakami; kan tiwetamaj k'a jebel y kan tibana' k'a.

Deut 29:1

Y keri' chupan ri q'ij ri' ri Moisés xtane' chubixik chike ri ruwinaq re ruka'n jikibel-tzij re', toq k'a ek'o na chiri' pa Moab. Y ri nabey jikibel-tzij xban ojer kan chiri' pan Horeb.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 34:13

Yin Jehová ri i-Dios kere' ninbij: Yin xinben jun jikibel-tzij kik'in ri ite-itata' ri q'ij toq xenwelesaj-pe pa ruwach'ulew Egipto, toq ek'o pa ximonri'il y xinbij chike chi

Wuj Richin ri Malaquías 4:4

Kan xtoqaqa ta k'a chi'ik'u'x ri nupixa' ri xinya' chire ri Moisés ri nusamajel chiri' pa juyu' Horeb. Ri pixa' ri' rachibilan ri ch'aqa' chik ruchojmilal ri xinya' chire richin tubij chiwe rix aj-Israel.

Deut 1:6

Ri Jehová ri qa-Dios, xch'on qik'in pan Horeb y xubij: Janila ix yalojineq-qa, chuxe-pe re juyu' re'.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

2 Rey 17:35

Ojer kan ri Jehová xuben jun jikibel-tzij kik'in ri winaqi' aj-Israel y xubij chike: Man ke'iwilij y man tiya' kiq'ij ch'aqa' chik dios, ni man ke'isuj kamelabel chikiwech.

Wuj Richin ri Jeremías 11:4

Re jikibel-tzij re' xinya' chike ri iwati't-imama' toq xenwelesaj-pe pa ruwach'ulew Egipto, akuchi rije' xkitej janila poqon, toq xek'oje' achi'el pa jun horno akuchi niya'erisex-wi ri q'eqapueq. Chupan ri q'ij ri' xinbij chike chi tikak'axaj ri nuch'abel y tikibana' ronojel re'. Y wi keri' nikiben, rije' xke'ok nutinamit y yin xkinok ki-Dios, xicha' chike.