Deut 5:13 - Kaqchiquel Bible

¹³ Waqi' q'ij k'a xkixsamej y xtiben ronojel ri isamaj rix;

Deut 5:13 ပူးပေါင်းရင်းမြစ်များ

Ez 20:12

Y chuqa' xinya' chike ri q'ij richin uxlanen richin jun retal chiqakojol, richin tiketamaj chi yin Jehová xench'er richin xe'ok wichin yin.

San Lucas 23:56

Toq xetzolej ri ixoqi' ri', xekibanala' kutzil jubulej taq aq'om richin jari' nibekiya' kan chirij ri Jesús. Y xe'uxlan k'a chupan ri jun uxlanibel-q'ij ri', kan achi'el nubij chupan ri pixa' ri richin ri Moisés.

Ex 23:12

Waqi' k'a q'ij yixsamej y chupan ri ruwuq q'ij kan xkixuxlan k'a, richin chi ye'uxlan chuqa' ri ibóyix y ri ibur. Y chuqa' richin ye'uxlan ri kalk'ual ri isamajela', ri e alaxineq pan iwachoch y ri man e iwinaq ta.

Ex 20:9

Waqi' k'a q'ij k'o richin niben ri isamaj y chupan ri q'ij ri' tibana' kan ronojel.

Ex 34:21

Waqi' k'a q'ij xkixsamej y chupan ri ruwuq q'ij kan xkixuxlan k'a, roma ri' chupan ri ruq'ijul ri tikoj y ri ruq'ijul ri q'atoj kan k'o chuqa' chi yixuxlan chupan ri ruwuq q'ij.

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

Deut 5:12

Kan tiya' k'a rejqalen ri q'ij richin uxlanen, y kan ruk'amon chi nich'er chuwe yin, achi'el k'a ri xinbij yin Jehová ri i-Dios.

Deut 5:14

y jak'a ri ruwuq q'ij, jun q'ij richin uxlanen y kan ruk'amon chi nich'er chuwe yin Jehová ri i-Dios. Kan man jun k'a samaj xtiben chupan ri q'ij ri': Ni rix, ni ri ik'ajol, ni ri imi'al, ni ri isamajela' ri e yuqul pa samaj iwik'in, ni ri iwaj-ik'a', ni ri ibóyix, ni ri ibur, ni man jun chike ri iwawej, ni ri man iwinaq ta ri ek'o iwik'in; richin chi ri isamajela' chi achi'a' chi ixoqi' ye'uxlan chuqa' achi'el rix.