Deut 5:12 - Kaqchiquel Bible

¹² Kan tiya' k'a rejqalen ri q'ij richin uxlanen, y kan ruk'amon chi nich'er chuwe yin, achi'el k'a ri xinbij yin Jehová ri i-Dios.

Deut 5:12 ပူးပေါင်းရင်းမြစ်များ

Wuj Richin ri Nehemías 13:15

Y yin xintz'et chuqa' chi ek'o nuwinaq ri yesamej chupan ri q'ij richin uxlanenri'il. Ch'aqa' yepitz'on uva rik'in kaqen, ch'aqa' ye'eran trigo ri banon pa boraj, y ch'aqa' nikibanala' kejqa'n ri kibur rik'in tzeqaj uva, rik'in vino, rik'in wíkix. Y ronojel re' nikik'en-pe richin nikik'ayij pa Jerusalem. Y roma ri' kan janila k'a xench'olij, y xinbij chike richin man chik tikiben kere' chupan ri q'ij richin uxlanenri'il.

Ex 16:23

Y ri Moisés xubij k'a chike: Ri Jehová kan rubin chik k'a: Chua'q, jari' ri q'ij richin uxlanen richin ri Jehová. Roma ri' kan ja re wakami tibana' kan ri ikaxlan-way y chuqa' tiroqowisaj kan ri k'o chi nitej chua'q y ronojel ri man nikusaj ta qa, utz chi niyek kan richin chua'q, xcha' ri Moisés.

Ex 16:30

Y keri' ri winaqi' xe'uxlan k'a chupan ri jun ruwuq q'ij ri'.

Ex 31:13

Kach'on kik'in ri awinaq y tabij chike: Chi'iwonojel rix man timestaj chi k'o chi nichajij ri q'ij richin uxlanen, roma re' kan wichin yin. Ja retal re' chuwe yin y chiwe rix chi wiq chi tanaj richin niwetamaj chi ja yin Jehová ri ix nuch'aron wichin yin.

Ex 31:15

Waqi' q'ij k'a xtiban samaj y jak'a ri ruwuq q'ij ri' kan q'ij k'a richin uxlanen, q'ij ch'aron chuwe yin y roma ri' xabachike k'a ri xtisamej chupan ri q'ij ri', kan qitzij na wi chi kan xtikamisex.

Wuj Richin ri Isaías 56:6

Wi ri man e iwinaq ta xkinkitzeqelibej richin yinkisamajij yin, y rije' xkinkajo' yin richin nikiya' nuq'ij, y wi nikichajij ri q'ij richin uxlanenri'il richin man yemakun ta, wi nikichajij ri jikibel-tzij ri xkiben wik'in yin,

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Wuj Richin ri Jeremías 17:22

Chuqa' man tiwelesaj-pe ri iwejqa'n, ni man tiben isamaj chupan ri q'ij richin uxlanenri'il. Xa kan tiya' k'a rejqalen ri q'ij ri' achi'el xubij ri Jehová chike ri ánima qati't-qamama', xkacha' chike.

Marcos 2:27

Ri uxlanibel-q'ij xban richin jun utzil chire ri wineq, y man ja ta ri wineq xban richin ri uxlanibel-q'ij.

Deut 5:13

Waqi' q'ij k'a xkixsamej y xtiben ronojel ri isamaj rix;