Deut 4:8 - Kaqchiquel Bible

⁸ ¿Akuchi kami nilitej-wi jun nimalej ruwach'ulew ri kan k'o pixa' ri kan e choj achi'el ri ninya' chiwe wakami?

Deut 4:8 ပူးပေါင်းရင်းမြစ်များ

Wuj Richin Bix Chire ri Dios 119:86

Ri apixa' rat kan ja wi ri' ri qitzij. Tabana' utzil Jehová kinato', roma xa man jun achike ta roma in kitzeqeliben,

Wuj Richin Bix Chire ri Dios 119:96

Ronojel k'a ri kan jebel kibanik xa kan e k'isel. Jak'a ri apixa' rat, ri' kan man jun bey xtik'is.

Romanos 3:2

Ja k'a kan k'iy utz ri ruk'amon-pe chiqe. Ri nabey, ja ri ruch'abel ri Dios ri uxqanen kan pa qaq'a'.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Wuj Richin Bix Chire ri Dios 89:14

Rat kan jantape' k'a naq'et-tzij pa ruchojmilal y jantape' naben ri nabij, ri awajowabal kan nitz'etetej.

Wuj Richin Bix Chire ri Dios 97:2

Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Wuj Richin Bix Chire ri Dios 119:144

Ri ach'abel rat kan jantape' choj. Tabana' utzil taya' nuna'oj richin yik'ase' rik'in.

Wuj Richin Bix Chire ri Dios 119:160

Ronojel ri ach'abel kan e qitzij; ri ruchojmilal ri q'atoj-tzij kan richin k'a q'asen.

Os 8:12

Yin kan jantape' k'a xink'ut chikiwech ri nupixa', jak'a rije' xa xkiben chire chi achi'el xa man niq'ax ta chikiwech.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Wuj Richin Bix Chire ri Dios 119:138

Ri ach'abel ri achilaben kan, kan e choj-wi y kan yebanatej ri nubij.

Wuj Richin ri Isaías 42:21

Kan xinnimirisaj y xinya' ruq'ij ri nupixa', roma yin kan jantape' ninben pa ruchojmilal.