Deut 4:7 - Kaqchiquel Bible

⁷ Roma ¿k'o kami jun tzobaj winaqi' richin jun nimalej ruwach'ulew, ri k'o ta ki-dios chikinaqaj rije', achi'el rubanon ri Jehová ri qa-Dios qik'in roj, ri kan yojruto' toq k'o niqak'utuj chire?

Deut 4:7 ပူးပေါင်းရင်းမြစ်များ

Wuj Richin Bix Chire ri Dios 145:18

Kan naqaj atk'o chike konojel ri ye'ajowan awichin, roma rik'in ronojel kánima at koyoben.

Wuj Richin Bix Chire ri Dios 34:18

Ri Jehová kan naqaj k'o chike ri niq'axon kánima richin nrelesaj ri q'axo'n ri'. Chuqa' kan yeruto' ri man jun chik oyobenri'il k'o kik'in.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin Bix Chire ri Dios 148:14

Rija' kan ruya'on k'a nimalej uchuq'a' chire ri rutinamit, konojel ri israelita kan tikiya' ruq'ij, roma ja rije' ri ek'o más naqaj chire rija'. ¡Kan tinimirisex k'a ruq'ij ri Jehová!

Wuj Richin ri Isaías 43:4

Roma chinuwech yin kan janila iwejqalen, kan janila iruwaq'ijaj, y yin kan janila yixinwajo'. Roma ri' kan xkenjech k'a achi'a' pa kamik richin yixinkol rix, y xkenya' ch'aqa' chik ruwach'ulew pa ruk'exel ri ik'aslen rix.

Deut 5:26

Roma xa kan man jun k'a wineq ri nak'axan ri ruch'abel ri Dios ri nich'on pa jun ruxaq-q'aq' y nik'ase' ta kan, achi'el ri xqak'axaj roj.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Wuj Richin ri Q'axanri'il 23:9

K'a re wawe' pa ruwi' re jun nimalej abej yentzu-wi-qa. K'a re wawe' pa jotol-el chire re juyu' re' yentz'et-wi-qa. Yin yentz'et chi rije' e jun tinamit ri kan kiyon nikajo' yek'oje'. Rije' kan man e junan ta kik'in ri ch'aqa' chik tzobaj winaqi'.

Hechos 17:27

Xuben ronojel re' richin roj niqakanoj ri Dios, stape' roj oj achi'el moyi'. Jak'a xa man nej ta k'o-wi, xa kan naqaj k'o-wi-pe chiqe.

Deut 4:32

Tik'utuj k'a chirij ri ojer kan, kan k'a ja toq ri Dios xutz'uk-pe ri achin chuwech re ruwach'ulew. Kixbiyin k'a, k'a pa rutikeribel y k'a pa ruk'isibel chire ri ruwach'ulew richin nik'utuj wi k'o jun bey k'uluwachitajineq re nimalej banobel re'.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

Wuj Richin Bix Chire ri Dios 34:17

Ri choj kik'aslen yech'on rik'in ri Jehová y kan yerak'axaj, y kan yerukol chire ronojel ri tijoj-poqonal.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Wuj Richin Bix Chire ri Dios 147:20

Y re' kan man rubanon ta kik'in ri man nikitzeqelibej ta rija'. Ri man ketaman ta ri rupixa'. Kan tinimirisex k'a ruq'ij ri Jehová.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.