Deut 4:6 - Kaqchiquel Bible

⁶ Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Deut 4:6 ပူးပေါင်းရင်းမြစ်များ

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin Bix Chire ri Dios 111:10

Wi k'o ta jun nrajo' nok aj-na'oj, k'atzinel chi tik'oje' rukiy ri Jehová chuwech. Roma ri' konojel ri nikitaqej ri rupixa', kan e aj-na'oj. Kan jantape' k'a tiya'ox ruq'ij ri Jehová.

2 Timoteo 3:15

Roma kan k'a at ko'ol toq xawetamaj-pe ri tz'ibatel kan chupan ri loq'olej ruch'abel ri Dios. Y ri ch'abel ri' xuya' ana'oj y xuk'ut chawech chi k'o chi xakuquba' ak'u'x rik'in ri Cristo Jesús richin xakolotej chupan ri amak.

1 Rey 4:34

Konojel q'atoy taq tzij richin ri ch'aqa' chik ruwach'ulew ri akuchi apowineq-wi rutzijol ri Salomón chi janila runa'oj, xepe rik'in richin nokak'axaj-el ri etamabel ri'.

Santiago 3:13

Wach'alal, wi ek'o chi'ikojol ri kan k'o kina'oj y k'o etamabel kik'in, kan ruk'amon chi nikik'ut chupan ri kik'aslen y rik'in ri utzilej taq kibanobal. Y re' k'o chi nuben rik'in qasanri'il.

Wuj Richin ri Jeremías 8:9

Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

Wuj Richin Etamabel-Tzij 1:7

Ri wineq ri kan k'o rukiy ri Dios chuwech, chiri' k'a xtipe-wi ronojel ri runa'oj ri nik'atzin chire. Jak'a ri wineq nakanik kan nrixowaj ri na'oj y ri tijonik.

Wuj Richin Bix Chire ri Dios 19:7

Ri rupixa' ri Jehová kan tz'aqet y kan nuya' k'ak'a' qak'aslen; ri ruchojmilal ri xuya' ri Jehová, kan richin q'asen y nuben chire ri maneq retamabal chi nok aj-na'oj.

Wuj Richin ri Malaquías 3:12

Y keri' konojel k'a ri winaqi' ri e richin ch'aqa' chik ruwach'ulew xtikibij chi kan utz ruwa-iq'ij roma ri iruwach'ulew kan rayixel ruwech. Yin Jehová ri in k'iytisanel richin ronojel ri yibin.

Dn 1:20

Ri rey kan xubij k'a chike ri alaboni' ri' chi nikiq'alajirisaj na'oj y nojibel chire. Keri' ronojel ri xuk'utuj chike, ri kan nrajo' etamabel y nojibel kan xq'alajin k'a chuwech chi ri ketamabal rije' kan ik'owineq k'a lajuj bey chikiwech ri aj-itza' y ri aj-q'ija' ri ek'o chupan ri ajawaren.

Wuj Richin Etamabel-Tzij 14:8

Kan q'alaj wi k'a toq ri wineq k'o runa'oj, roma kan jebel nuchajij-ri' chire ri rubanobal; jak'a ri maneq runa'oj y roma ri' ch'obon man ch'obon nuben, xa ruyon k'a nuq'ol ri'.

Dn 4:9

Beltsasar, ri at aj-raqen pa kiwi' ri etamanela'; yin kan q'axineq k'a chinuwech chi ri Dios kan ruya'on ri nojibel chawe, y kan man jun k'a ri ewatel ri man ta natz'et rat. Wakami k'a taq'alajirisaj chinuwech ri xintz'et pa wachik', y ri nel chi tzij.

Deut 29:9

Kan titaqej k'a ri ruchojmilal y kan tibana' ri achike ri nubij, richin keri' kan ronojel k'a utz xtel chiwech ri xtiben.

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Deut 32:47

Roma re ch'abel re' man xabachike ta ri man ta k'o rejqalen. Re' xa kan jare' ri ik'aslen, y roma re pixa' re' kan xkixk'ase' k'iy juna' chuwech ri ruwach'ulew ri xtiya'ox chiwe richin niwichinaj kan ri k'o juk'an chik chire ri raqen-ya' Jordán, xcha'.

Ez 5:5

Yin Jehová ri in rajaw ronojel ri xibin chawe ri k'o chi naben y kere' xinbij: Ri tinamit Jerusalem, ja yin ri xibanon chire richin xk'oje' pa kinik'ajal nima'q taq tzobaj winaqi' richin re ruwach'ulew.

Os 8:12

Yin kan jantape' k'a xink'ut chikiwech ri nupixa', jak'a rije' xa xkiben chire chi achi'el xa man niq'ax ta chikiwech.

Wuj Richin Bix Chire ri Dios 19:8

Ri pixa' ri nuya' ri Jehová kan e choj; kan nuben chi nikikot ri ránima ri wineq. Ri ruch'abel ri Jehová, kan e ch'ajch'oj, y kan nusaqirisaj ri runaq'-ruwech ri wineq.

Wuj Richin Etamabel-Tzij 1:4

Re' chuqa' kan richin chi ri maneq ok ketamabal ye'ok nowineq, richin chi ri k'a e ak'uala' na nik'oje' ketamabal y nikiya' rukojol ri utz y ri man utz ta.

Wuj Richin Etamabel-Tzij 1:5

Ri aj-na'oj ri kan nrak'axaj re', ri retamabal nibe más pa jotol, y ri kan niq'ax chuwech, kan xtretamaj k'a ri achike ruk'amon chi nuben.

Wuj Richin Etamabel-Tzij 14:34

Ri chojmilej k'aslen kan nuben k'a chike ri winaqi' richin jun ruwach'ulew chi k'o kiq'ij; jak'a ri mak xa jun k'ixbel chike ri winaqi' richin jun ruwach'ulew.

Wuj Richin ri Isaías 42:21

Kan xinnimirisaj y xinya' ruq'ij ri nupixa', roma yin kan jantape' ninben pa ruchojmilal.