Deut 4:43 - Kaqchiquel Bible

⁴³ Richin ri rutzobaj kan ri Rubén, k'o ri tinamit Béser ri k'o pa taq'aj richin ri tz'iran ruwach'ulew. Richin ri rutzobaj kan ri Gad, k'o ri Ramot pa Galaad. Y richin ri nik'aj tzobaj richin ri Manasés k'o ri Golán pa Basán.

Deut 4:43 ပူးပေါင်းရင်းမြစ်များ

Wuj Richin ri Josúe 20:8

Y ri juk'an chik ruchi' ri raqen-ya' Jordán, chuwech-apo ri tinamit Jericó, xkicha' k'a ri tinamit Béser, ri k'o pa tz'iran ruwach'ulew, y re' k'o pa taq'aj chupan ri kiruwach'ulew ri tzobaj richin ri Rubén; y chupan ri ruwach'ulew Galaad xkicha' ri tinamit Ramot ri kichin ri tzobaj richin ri Gad; y chupan ri ruwach'ulew Basán xkicha' ri tinamit Golán, y re' kichin ri tzobaj richin ri Manasés.

1 Crón 6:80

Y chike ri tzobaj richin ri Gad xya'ox kan ri tinamit Ramot richin ri Galaad, ri Mahanaim,

1 Crón 6:71

Ri e rijatzul kan ri Guersón xya'ox kan chike ri tinamit Golán ri k'o pa ruwach'ulew Basán y ri tinamit Astarot rik'in ri kisoq'olbal. Y ri tinamit ri' ek'o pa ruwach'ulew kichin ri tzobaj richin kan ri Manasés ri k'o pa relebel-q'ij chire ri raqen-ya' Jordán.

1 Rey 4:13

Ri Ben-guéber ja rija' ri k'o pa ruwi' ri ruwach'ulew akuchi k'o-wi ri tinamit Ramot richin Galaad y ri kokoj taq kitinamit ri xek'oje' pa ruq'a' ri Jaír ruk'ajol kan ri Manasés. Chuqa' pa ruq'a' rija' k'o-wi ri ruwach'ulew Argob ri k'o pa ruwach'ulew Basán, akuchi ek'o-wi oxk'al e nima'q taq tinamit ri ya'on tz'aq chikij y ya'on rutz'apebal-ruchi' y e ya'on ch'ich' chirij ri banon rik'in q'enq'oj-pueq.

Wuj Richin ri Josúe 21:38

Ri tzobaj richin ri Gad xujech kan ri tinamit Mahanaim, Hesbón, Jazer y ri Ramot richin ri Galaad. Y ri Ramot ri' tinamit richin tobel kichin ri winaqi' ri chaq k'ate' nikiben jun kamik. Re' e kaji' tinamit rik'in ri kisoq'olbal.

Wuj Richin ri Josúe 21:27

Ri e rijatzul kan ri Guersón, ri rijatzul kan ri Leví, xya'ox ka'i' tinamit chike koma ri nik'aj tzobaj richin ri Manasés: Ri tinamit Beesterá y ri tinamit Golán ri k'o pa ruwach'ulew Basán. Y ri Golán ri' jun tinamit richin tobel kichin ri winaqi' ri chaq k'ate' nikiben jun kamik: Ri ka'i' tinamit ri' rik'in kisoq'olbal.

Deut 4:42

richin chiri' niberuto-wi-ri' jun wineq ri chaq k'ate' xukamisaj kan jun wineq ri man jun etzelanik k'o chikikojol; y chupan k'a jun chike ri tinamit ri' xtuto-wi-ri' richin nikolotej.

Deut 4:44

Jare' k'a ri jalajoj ruwech pixa', ri xuya' ri Moisés chike ri ruwinaq:

Wuj Richin ri Josúe 21:36

Ri tzobaj richin ri Rubén xkijech kan ri tinamit Béser, Jahas,

1 Crón 6:63

Ri e rijatzul kan ri Merarí, xeya'ox pa sakinik y xkik'ulumaj kan kablajuj tinamit; ri tinamit ri' ek'o chupan ri kiruwach'ulew ri tzobaj richin Rubén, ri Gad y ri Zabulón.

1 Crón 6:66

Jujun chike ri e rijatzul kan ri Quehat xkik'ulumaj kan ri kitinamit kichin ri tzobaj richin kan ri Efraín.