Deut 4:39 - Kaqchiquel Bible

³⁹ Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Deut 4:39 ပူးပေါင်းရင်းမြစ်များ

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

1 Crón 17:20

Jehová, man jun chik k'o achi'el rat, y man jun chik dios ri k'o ta chawech. Y ronojel re' kan qetaman chik roj.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin Bix Chire ri Dios 115:3

Ri qa-Dios roj k'o k'a chila' chikaj. Ronojel ri nurayij chi nuben, kan rubanon.

Wuj Richin Bix Chire ri Dios 135:6

Ronojel ri nrajo' nuben ri Jehová, kan nuben. Keri' nuben chikaj y chuwach'ulew, chupan ri nimalej taq palou, y k'a chupan-qa ri ruxe'.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

Wuj Richin ri Isaías 43:10

Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.

Wuj Richin ri Isaías 44:8

Man tik'en rukiy, ni man tixibij-iwi', roma yin kan xinbij-pe chiwe pa rutikeribel chi ja yin ri in i-Dios. Kan ja rix ri xixtz'eton ronojel chi kan man jun chik Dios k'o achi'el yin. Y rix kan man jun chik akuchi xiwewaj ta iwi', roma yin in jun achi'el nimalej abej.

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Dn 4:35

Chawech rat, ri winaqi' ri ek'o chuwech re ruwach'ulew xa man jun kejqalen, Rat kan naben achi'el ri niqa' chawech; keri' ri chikaj y keri' chuqa' chuwech re ruwach'ulew. Kan man jun k'a wineq ri nitikir ta niq'aton awichin, Kan man jun ri nik'utun chawe ri achike roma keri' naben. Keri' xinbij chire ri nimalej Dios.

Os 7:2

Kan man nikich'ob ta k'a qa chi yin kan nutzuliben ronojel ri nikiben. Wakami kan e nojineq chik k'a chire ri itzel taq kibanobal; ronojel re' kan nutzuliben yin.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

Deut 32:12

Kan xaxe ri Jehová ri xok uk'uey kibey rije', y man ja ta ri dios kichin ri tinamit.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

Deut 6:4

Tiwak'axaj k'a rix nuwinaq: Ri Jehová ri qa-Dios kan xaxe rija' ri k'o, y man jun chik achi'el rija'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

Wuj Richin ri Josúe 2:11

Toq roj xqak'axaj re' kan xk'is ruchuq'a' ri qánima, y konojel ri achi'a' kan kixibin-ki' iwoma rix, roma ri Jehová ri i-Dios rix, kan jari' ri Dios richin chila' chikaj y richin re ruwach'ulew.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.