Deut 4:36 - Kaqchiquel Bible

³⁶ Ri Dios xch'on-pe qik'in chila' chikaj richin xojrupixabaj, y re wawe' chuwech re ruwach'ulew xuk'ut jun nimalej q'aq' y chupan ri' xch'on-pe qik'in.

Deut 4:36 ပူးပေါင်းရင်းမြစ်များ

Ex 19:19

Ri xupubel, ronojel mul kan más k'a niq'ajan-pe. Ri Moisés nich'on k'a rik'in ri Dios y ri Dios kan nuk'uluba' k'a ri ruch'abel, rik'in achi'el ruch'abel koqolajay.

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Wuj Richin ri Nehemías 9:13

Y k'ari' rat xaqaqa-pe pa ruwi' ri juyu' Sinaí richin xach'on kik'in rije' richin xaya' ronojel pixa' y ruchojmilal ri kan e choj.

Deut 4:33

Kan man jun k'a tinamit rak'axan ta ri ruch'abel ri Dios ri nich'on-pe pa runik'ajal jun nimalej q'aq', achi'el ri xqak'axaj roj; y man xojken ta.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Hebreos 12:18

Roj ri qaniman chik ri Jesucristo, man chuxe' ta k'a ri juyu' Sinaí oj apowineq-apo, ni man niqachop ta, achi'el xkiben ri qati't-qamama' ojer kan. Rije' xek'oje' chuxe' ri juyu' ri' nijino pa q'aq', kan q'equmatajineq y k'o jun nimalej kaq'iq' rachibilan koqolajay.

Ex 24:16

Y ri ruk'ojlen ri Jehová xok'oje' k'a qa pa ruwi' ri juyu' Sinaí. Y ri sutz' ri k'o chiri', waqi' k'a q'ij xutz'apej rij ri juyu'. Y chupan ri ruwuq q'ij, ri Jehová xroyoj k'a ri Moisés ri k'o chiri' pa runik'ajal ri sutz'.

Deut 8:5

Kan tiqatz'eta' k'a jebel, achi'el toq jun tata'aj nuya' ri rutojbalil rumak ri ruk'ajol, kan keri' chuqa' nuben ri Jehová ri qa-Dios, kan oj ruya'on-pe pa tijoj-poqonal.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Deut 4:12

K'ari' ri Jehová xch'on-pe qik'in pa runik'ajal ri q'aq'; kan xqak'axaj k'a ri ruch'abel, xaxe man xqatz'et ta ri achike rubanik.

Deut 4:15

Toq ri Jehová xch'on qik'in pa runik'ajal ri q'aq' ri chiri' pan Horeb, stape' man xqatz'et ta ri achike rubanik, man rik'in ri' kan tichajij jebel iwi',