Deut 4:35 - Kaqchiquel Bible

³⁵ ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

Deut 4:35 ပူးပေါင်းရင်းမြစ်များ

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.

Wuj Richin ri Isaías 45:5

Ja yin Jehová y kan man jun chik. Kan man jun chik Dios k'o. Yin kan xtinya' awuchuq'a', stape' rat man jani awetaman ta nuwech.

Wuj Richin ri Isaías 44:8

Man tik'en rukiy, ni man tixibij-iwi', roma yin kan xinbij-pe chiwe pa rutikeribel chi ja yin ri in i-Dios. Kan ja rix ri xixtz'eton ronojel chi kan man jun chik Dios k'o achi'el yin. Y rix kan man jun chik akuchi xiwewaj ta iwi', roma yin in jun achi'el nimalej abej.

Deut 4:39

Roma ri' tiwetamaj y tik'oje' chi'ik'u'x chi ri Jehová kan ja rija' ri rajaw ri kaj y ri ruwach'ulew, y kan man jun chik achi'el rija'.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin Bix Chire ri Dios 83:18

Tabana' ronojel re' richin niketamaj, chi ri abi' rat, Jehová, y chi kan xaxe rat yaq'aton-tzij pa ruwi' ri ruwach'ulew.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Ex 15:11

¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.

Marcos 12:32

Y ri etamanel chirij ri pixa' xubij: Tijonel, kan qitzij ri xabij chi xaxe jun Dios k'o, y man jun chik.

Deut 32:23

Ri ruk'ayewal k'a ri xtinya' pan iwi' kan kejqalon-pe-ki' kan achi'el ch'ab xkenk'aqala-pe chiwij, ch'ab ri xa man jun bey yek'is.

Marcos 12:29

Y ri Jesús xubij: Ri nabey chire ronojel pixa' ja ri nubij: Tiwak'axaj k'a rix aj-Israel. Ri Jehová ri qa-Dios kan xaxe rija' ri k'o, y man jun chik achi'el rija'.

Wuj Richin Bix Chire ri Dios 58:11

K'ari' xtikibij ri choj kik'aslen: Qitzij na wi kan k'o nuch'ek ri jun ri kan choj ruk'aslen; kan qitzij na wi chi k'o jun Dios ri niq'aton-tzij pa ruwi' ri ruwach'ulew, xkecha'.

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

1 Corintios 8:6

Jak'a roj qetaman chi xaxe jun Dios k'o, y ri' ja ri Tata'ixel. Rik'in k'a rija' peteneq-wi ronojel, y nrajo' chi roj niqaya' ruq'ij. Chuqa' qetaman chi xaxe jun ajaw k'o; y ri' ja ri Jesucristo. Xaxe roma rija' oj k'es, y k'o ronojel.

Ex 8:10

Ja ri chua'q ninwajo' yin, xcha' ri rey. Y ri Moisés xubij k'a kan: Keri' xtibanatej richin nawetamaj chi kan man jun chik achi'el ri Jehová ri qa-Dios roj.

Ex 9:14

Roma wi man keri' ta xtaben, wakami yin xtinteq-pe ronojel ruwech nima'q taq ruk'ayewal pan awi' rat, pa kiwi' ri aj-raqen y pa kiwi' konojel ri awinaq, richin chi tawetamaj chi kan man jun chik Dios k'o chuwech re chuwach'ulew, ri achi'el yin.

Deut 6:4

Tiwak'axaj k'a rix nuwinaq: Ri Jehová ri qa-Dios kan xaxe rija' ri k'o, y man jun chik achi'el rija'.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

Deut 32:12

Kan xaxe ri Jehová ri xok uk'uey kibey rije', y man ja ta ri dios kichin ri tinamit.

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

1 Rey 8:60

richin tiketamaj konojel tinamit richin chi jun ruwach'ulew, chi ri Jehová jari' ri Dios y man jun chik achi'el rija'.

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin ri Isaías 43:10

Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.

Ex 8:6

Y ri Aarón xutzeqej k'a ri ruch'ame'y pa kiwi' ri ya' richin Egipto y kan chijun k'a kiruwach'ulew xnoj chi xkalet.

2 Sam 7:22

Roma ri', kan man jun chik más nim chawech rat nimalej Jehová. Y man jun bey k'a qak'axan chi k'o ta chik jun Dios achi'el rat.

2 Sam 22:32

Roma ri' xa kan xaxe k'a ri Jehová ri Dios k'o. Kan man jun chik achike ta xtito'on qichin.

1 Crón 17:20

Jehová, man jun chik k'o achi'el rat, y man jun chik dios ri k'o ta chawech. Y ronojel re' kan qetaman chik roj.