Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Deut 4:34 - Kaqchiquel Bible

34 Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,

အခန်းကိုကြည့်ပါ။ ကော်ပီ




Deut 4:34
35 ပူးပေါင်းရင်းမြစ်များ  

Xuben ronojel re' rik'in nimalej uchuq'a': Roma ri rujoyowanik rija' kan richin jantape'.


¿Achike k'a ri' ri rey ri k'o ruq'ij? Ja ri Jehová ri kan janila ruchuq'a' y kan man jun k'a xibinri'il rik'in. Ja ri Jehová ri kan nich'akon chupan ri oyowal.


Re meyel taq banobel re' kan xuben k'a chikiwech ri ojer qati't-qamama' chupan k'a ri ruwach'ulew Egipto, ri chiri' pa tinamit Soan.


Titzu', ri e rijatzul ri Israel janila xewinaqir, y más kuchuq'a' chiqawech roj.


Xeri' ri Jehová xubij chik chire ri Moisés: Tayaka' ri aq'a' chikaj richin chi tiqaqa jun nimalej q'equ'm pa ruwi' chijun ri Egipto; q'equ'm ri xa kan tikirel richin chi nichap, xcha'.


Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.


Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.


Ri Jehová xerukol k'a ri israelita chupan ri q'ij ri' pa kiq'a' ri aj-Egipto y ri israelita xekitz'et chi ri kich'akul ri aj-Egipto e punupuxineq chuchi' ri Kaqa-Palou, e kaminaqi' chik.


¿Achike ta k'a jun chik dios ri k'o, achi'el rat Jehová? ¿Achike ta k'a jun chik, ri kan nimalej Dios y kan Loq'olej? Ri yatikir naben rat, kan meyel y xaxe rat ri yabanon richin.


Rix kan xitz'et k'a jebel ri xinben yin kik'in ri aj-Egipto, ri xinben richin xixink'en-pe wawe' wik'in yin, achi'el xa ta xixpe pa ruwi' ruxik' jun kot.


Jak'a re wakami ninwajo' chi yabe rik'in ri rey richin ri Egipto, richin chi ye'awelesaj-pe ri winaqi' israelita ri e nuwinaq yin, xcha' ri Jehová.


Wakami k'a kabiyin y tabebij chike ri awinaq: Ja yin Jehová, y ja yin xkinelesan-el iwichin chuxe' ri kowilej taq samaj y xkixtotej k'a el chuwech ri ilinri'il, y rik'in ri nimalej wuchuq'a', yin xtinq'et-tzij pa kiwi' rik'in nima'q taq ruk'ayewal.


Jak'a yin kan xtinkowirisaj k'a ri ránima ri rey, stape' kan xtinben k'a k'iy ruwech meyel taq banobel re wawe' pan Egipto.


Y ri winaqi' nikibij: Jak'a rat Jehová, kan takusaj k'a ri awuchuq'a'. Kan takusaj achi'el xakusaj ri ojer kan kik'in ri winaqi' chi wiq chi tanaj. Ja rat xak'ajin richin ri Rahab*f12* y xakamisaj ri nimalej chikop ri'.


Kan yakatajineq janila woyowal y roma ri' kan xtinben oyowal iwik'in rix rik'in nimalej wuchuq'a'.


Kan xe'awelesaj k'a pe ri awinaq Israel chupan ri ruwach'ulew Egipto rik'in nima'q y meyel taq banobel. Rik'in nimalej awuchuq'a' xaben chike ri aj-Egipto chi e k'iy chike rije' kan xkik'en janila rukiy.


y roma ri' toq roj xojch'on k'a rik'in ri Jehová y rija' kan xrak'axaj ri qach'abel. Xuteq k'a jun ángel richin xojrelesaj-pe pan Egipto y wakami ojk'o wawe' pa Cadés, tinamit ri k'o chunaqaj ri k'ulba't richin ri aruwach'ulew.


Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.


Kan tiqanimirisaj k'a ri rubi' ri Jehová, roma kan xuben k'a nima'q taq banobel ri kan nak'en rukiy qoma roj, y re' kan xqatz'et.


Kan tiq'ax k'a chiwech wakami, ronojel ri xiwetamaj chirij ri xuben ri Jehová qik'in richin chi xojrutijoj chuwi tijoj-poqonal, roma kan ja rix xixtz'eton y man ja ta ri iwalk'ual. Rix kan xitz'et k'a ri runimirinen y ri nimalej ruchuq'a'.


Xe'awelesaj-pe pan Egipto rik'in nimalej awuchuq'a'; xe'awelesaj-pe rik'in nima'q y meyel taq banobel. Toq xe'awelesaj-pe, ri aj-Egipto kan xkik'en rukiy.


Kan xitz'et k'a ronojel ri nima'q taq tejtobenik y ri nima'q taq retal y ri meyel taq banobel ri xuben.


Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.


ni man jun nijunamex ta rik'in roma ri uchuq'a' ri xk'oje' rik'in, y ri nima'q taq banobel ri kan nak'en rukiy ri xuben chuwech chijun ruwach'ulew Israel.


Toqaqa k'a chi'ik'u'x toq xixxime' pa samaj pan Egipto, y yin Jehová ri in i-Dios rik'in k'a wuchuq'a' xixinwelesaj-pe, y roma ri xinben iwik'in, roma ri' k'o chi nichajij ri q'ij richin uxlanen.


Rix xtibij chike: Roj xojxime' pa samaj kik'in ri aj-Egipto, jak'a ri Jehová xojrelesaj-pe chiri' rik'in ri nimalej ruchuq'a'.


Tich'obo' rij ri nima'q taq banobel ri xitz'et, ri man jun bey itz'eton, ri xuben ri Jehová Dios ri k'o ronojel uchuq'a' rik'in toq xojrelesaj-pe ri chiri' pan Egipto. Keri' chuqa' xtiberubana' ri Jehová Dios kik'in konojel ri tinamit ri ixibin-iwi' chikiwech.


Roma ri' tabana' utzil takuyu' rumak re tinamit re', roma re' kan awichin rat, rat xatelesan-pe qichin pan Egipto rik'in ri nimalej awuchuq'a', xicha'.


Jak'a toq ri ite-itata' xech'on wik'in yin Jehová, yin xinya' jun q'equ'm chikikojol rije' y ri aj-Egipto, y xinben chike ri aj-Egipto richin xerumuq ri palou ri'. Rix kan xiwetamaj k'a ronojel ri xinben pan Egipto. Y rix kan xiq'axaj k'a k'iy juna' pa tz'iran ruwach'ulew.


Roma ri', kan tiqasaj-iwi' chuwech ri Dios, roma rija' kan k'o-wi ruchuq'a'. Richin keri' toq xtapon ri q'ij, rija' xtunimirisaj iq'ij.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ