Deut 4:3 - Kaqchiquel Bible

³ Rix xitz'et ri achike xuben ri Jehová kik'in ri qawinaq ri xkiya' ruq'ij ri Baal chiri' pa juyu' Peor; roma kan konojel ri qawinaq ri xetzeqeliben ri wachibel Baal, kan xeruk'is ri Jehová ri qa-Dios.

Deut 4:3 ပူးပေါင်းရင်းမြစ်များ

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Os 9:10

Ri Dios nubij: Kan achi'el ri uva ri k'o pa tz'iran ruwach'ulew, keri' xinwil ri tinamit Israel. Kan achi'el k'a ri nabey taq ruwech ri wíkix, keri' xentz'et ri ite-itata'. Jak'a rije' xa kan xkiya' ruq'ij ri Baal-peor, xa xkich'er kan ki' richin xkiya' kik'ix, xa xkiben k'a chi xenwetzelaj kan yin, achi'el ri xekiyala' kiq'ij.

Wuj Richin ri Q'axanri'il 26:64

Y chike konojel ri winaqi' ri e rijatzul kan ri Israel, ri xe'ajlex ojer kan roma ri Moisés y ri nimalej sacerdote Aarón, ri chiri' pa tz'iran ruwach'ulew Sinaí, man jun chik chike ri winaqi' ri' ri k'es ta chupan re jun ajlanik re'.

Wuj Richin ri Q'axanri'il 31:16

Roma rije' xa xkitzeqelibej ri itzel pixabanik ri xuya' ri Balaam richin xe'ok jun tzaqibel kichin ri achi'a' israelita, toq xa xkijel kan ri kibey chiri' pa Baal-peor. Y roma ri' ri Jehová ojer kan xuya-pe ruk'ayewal pa kiwi' ri qati't-qamama'.

Deut 11:7

Kan ja rix k'a ri xixtz'eton ronojel ri nima'q taq banobel ri xerubanala' ri Jehová.

Deut 4:4

Jak'a chi'iwonojel rix ri kan xitzeqelibej ri Jehová ri qa-Dios, jare' k'a ix k'es na re wakami.

Wuj Richin ri Josúe 22:17

¿Kan man jun k'a chiwech rix, toq xojmakun roma xqaya' ruq'ij ri dios Baal-peor? Y k'a re wakami man jani qojch'ajch'ojir chuwech ri Jehová. Roma ri mak ri' rija' xuya' q'ij chi k'iy qawinaq xeken.