Deut 4:28 - Kaqchiquel Bible

²⁸ Y chiri' k'a nibeya' kiq'ij wachibel ri e banon koma achi'a', wachibel ri e banon rik'in che', y chuqa' ri e banon rik'in abej. Ri man yetzu'un ta, ri man ye'ak'ex ta, ri man yewa' ta y chuqa' ri man yeseqon ta.

Deut 4:28 ပူးပေါင်းရင်းမြစ်များ

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Wuj Richin ri Jeremías 16:13

Roma ri' xkixinwelesaj-el chupan ri iruwach'ulew y xkixinq'axaj chupan jun chik ruwach'ulew ri man jun bey itz'eton; ni rix y ni ta ri iwati't-imama'. Y chiri' xke'iya' kiq'ij ch'aqa' chik dios chi paq'ij chi chaq'a', roma yin man xtinjoyowaj ta chik iwech y kan man xkiniman ta chik chiwe, xkacha' chike.

Wuj Richin ri Isaías 46:7

K'ari' nikiya-el chuwi-kitele'n richin nikik'uaj. Kan nikiya' k'a pa ruwi' jun k'ojelibel. Y kan chiri' k'a nik'oje-wi, y man nitikir ta nisilon-el juba'. Stape' k'o ta jun nich'on rik'in, ri wachibel ri' man nich'on ta pe, ni man nitikir ta nukol chupan jun q'axo'n.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Ez 20:39

Jak'a rix israelita ke'isamajij ri i-dios, y pa ruk'isibel chire ronojel, xkiniwak'axaj k'a yin. Y chupan ri q'ij ri' man chaq xtiyoq' ri nubi' rik'in ri isipanik chuwech ri wachibel ri niya' kiq'ij.

Wuj Richin ri Isaías 45:20

Ri Dios nubij chike ri winaqi' kichin ri ch'aqa' chik ruwach'ulew: ¡Timolo-pe-iwi' y kixanpe! Kixjel-pe iwonojel rix ri xixkolotej kan. Kan maneq kina'oj ri yetelen wachibel ri xa rik'in che' banon-wi, y kan yech'on rik'in jun dios ri xa man nitikir ta nikolon.

Wuj Richin ri Isaías 44:9

Ri Isaías nubij: Konojel ri yebanon kichin ri wachibel, xa kan man jun kejqalen; roma stape' kan jebel ok rubanik ri yekiben chike, xa kan man jun yek'atzin-wi. Y ri winaqi' ri nikiya' kiq'ij ri wachibel xa e moyi'. Xa man jun ketaman, y roma ri' xa kan yek'ixbitej.

1 Sam 26:19

Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

Wuj Richin ri Jeremías 10:9

Ri saqipueq ri ya'on chikij ri wachibel ri nikiya' kiq'ij xa k'amon-pe pa ruwach'ulew Tarsis. Chuqa' ri q'anapueq xa k'amon-pe chiri' pa ruwach'ulew Ufaz. Y ri kitziaq xa banon rik'in tzieq raxroj, y keq. Ronojel re' xa e banon koma ri kan jebel yetikir yekiben re samaj re'.

Wuj Richin ri Jeremías 10:3

Ri bey ri kik'uan re winaqi' re' man jun nik'atzin-wi, roma rije' xa nikichoy jun che' pa k'echelaj. Y k'ari' nibekiya' kan chire jun ajanel richin nuben jun wachibel chire.

Ez 20:32

Xa kan k'o chik pan iwi' richin niben achi'el nikiben ri ch'aqa' chik ruwach'ulew ri nikiya' kiq'ij ri che' y ri abej. Re' man jun bey chik xtik'uluwachitej.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Apocalipsis 9:20

Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

Deut 29:17

Y chuqa' xitz'et ri itzel taq kibanobal ri xekiben rije', toq xekiben wachibel ri e banon rik'in che', rik'in abej, rik'in saqipueq y q'anapueq. Y ri winaqi' ri' jari' ri nikiya' kiq'ij.

Wuj Richin ri Isaías 26:14

Jak'a re wakami, xa xeken yan el rije', y man xkek'astej ta chik pe. Rat kan xaya' tijoj-poqonal pa kiwi', y kan jumul xe'ak'is chuwech re ruwach'ulew, y kan man jun chik natabel kichin ri xk'oje' kan.

Wuj Richin ri Isaías 44:12

Ri samajiy q'eqapueq nuya' pa q'aq' ri q'eqapueq ri nusamajij, K'ari' nuben rutzil rik'in jun bajibel. Y toq nusamajij xa xtibenum-pe, xtichaqi'j ruchi' y xtik'is ruchuq'a'

2 Rey 17:40

Jak'a ri israelita ri' xa man xkak'axaj ta; xa kan xkiben k'a achi'el ri kibanon-pe.

Wuj Richin ri Isaías 44:11

Kan konojel k'a ri nikiya' ruq'ij ri wachibel xa xkek'ixbitej. Ri xebanon kichin ri wachibel ri' xa e relik taq winaqi'. Wi ta konojel rije' nikimol-ki' richin nikito-ki' chinuwech yin, rije' xa xtikixibij-ki', y xtel itzel kitzijol.

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.