Deut 4:27 - Kaqchiquel Bible

²⁷ Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Deut 4:27 ပူးပေါင်းရင်းမြစ်များ

Wuj Richin ri Chojmirisabelri'il 26:33

Y yin kan xkixintaluj k'a el ri chikikojol ri winaqi' pa taq kiruwach'ulew, y yin kan xtinya' k'a pe labal pan iwi' richin chi xkixkamisex. Kan xtitole' k'a kan ri iruwach'ulew, y ri itinamit kan xkek'is k'a.

Ez 32:26

Chiri' chuqa' ek'o-wi ri aj-labal aj-Mésec y ri aj-Tubal ri xeken pa labal, ri xkiya' kan jun nimalej xibinri'il chikikojol ri winaqi'. Ri achi'a' ri' man xkiya' ta nuq'ij,

Ez 12:15

K'a ja toq xkentaluj-el pa taq ruwach'ulew jari' toq xtiketamaj chi ja yin ri' ri in Jehová.

Wuj Richin ri Nehemías 1:3

Rije' xkibij k'a chuwe: Ri qawinaq ri ek'o kan chupan ri qaruwach'ulew nikiq'axaj jun nimalej ruk'ayewal y k'ixbilal. Y ri tinamit Jerusalem k'a ja na rubanon, ek'o ram richin ri tz'aq e wulatejineq chiri' y ri ruchi' ri tinamit e k'atineq, xecha' chuwe.

Wuj Richin ri Rutikeribel 11:4

Chirij re' xkibij chik: Tiqapaba' jun tinamit y jun torre y re torre re' xtapon k'a chila' chikaj, richin keri' xtel qatzijol y man xqojtalutej ta chuwech re ruwach'ulew, xecha'.

Wuj Richin ri Rutikeribel 34:30

Y ri Jacob xubij chike ri Simeón y ri Leví: Rix janila xiniya' pa ruk'ayewal roma xe'ikamisaj kan re rajaw re ruwach'ulew re'. Wakami xtikimol k'a pe ki' chiqij ri e rijatzul kan ri Canaán y ri Feres y roj xa man oj k'iy ta ok ri achi'a'; xkinkikamisaj k'a yin y ri e aj pa wachoch, xcha' chike.

Deut 29:28

Y rik'in k'a ri janila royowal, ri Jehová xerelesaj-el chupan re kiruwach'ulew, y xerutaluj-el pa ch'aqa' chik ruwach'ulew, achi'el re niqatz'et k'a re q'ij re', xkecha'.

Deut 30:3

K'ari' rija' xtuben chiwe chi xkixtzolej-pe chupan ri ximonri'il, kan xtujoyowaj iwech chi'iwonojel y xkixberuk'ama-pe akuchi ix rutalun-el y kan xkixrumol chik k'a jun bey chupan ri iruwach'ulew.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Wuj Richin Bix Chire ri Dios 44:11

Xojajech k'a achi'el toq nuk'uex jun karne'l richin nibekamisex. Xa xojataluj k'a el chikikojol winaqi' ri man yatkitzeqelibej ta rat.

Wuj Richin Bix Chire ri Dios 106:27

Xerutaluj pa ch'aqa' chik tinamit, y chiri' xerukamisaj-wi chikikojol ri winaqi' ri'.

Wuj Richin ri Isaías 17:6

Jak'a kan k'o k'a juba' ri xtik'oje' kan, achi'el yek'oje' kan jujun aceituna toq nisilox ri che'. Xa kan keri' xtiban kik'in ri winaqi' israelita. Yin Jehová ri k'o ronojel uchuq'a' pa nuq'a' ri yibin.

Wuj Richin ri Jeremías 16:13

Roma ri' xkixinwelesaj-el chupan ri iruwach'ulew y xkixinq'axaj chupan jun chik ruwach'ulew ri man jun bey itz'eton; ni rix y ni ta ri iwati't-imama'. Y chiri' xke'iya' kiq'ij ch'aqa' chik dios chi paq'ij chi chaq'a', roma yin man xtinjoyowaj ta chik iwech y kan man xkiniman ta chik chiwe, xkacha' chike.

Ez 20:23

Chuqa' chiri' pa tz'iran ruwach'ulew xinya' nutzij y xinbij chike chi xkentaluj-el chuwech chijun ruwach'ulew,

Ez 22:15

Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Dn 9:7

Rat ajaw kan at choj-wi, jak'a roj xa sachineq qak'u'x; keri' ri ek'o pa Jerusalem, y keri' chuqa' ri ch'aqa' chik qawinaq israelita ri ek'o nej naqaj chupan ch'aqa' chik ruwach'ulew, ri akuchi xojataluj-wi rat, roma xqapaba-qi' chawech.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.

Deut 28:36

Ri Jehová xtuben chiwe chi rix y ri i-rey xkixuk'uex-el pa jun chik ruwach'ulew ri man itz'eton ta rix ni ri qati't-qamama' man xketamaj ta y chiri' rix kan xtiya' k'a kiq'ij ch'aqa' chik dios ri e banon rik'in che' y abej.

Wuj Richin Bix Chire ri Dios 44:12

Xojak'ayij-el y xa man jun qajel xak'utuj, kan man jun k'a xach'ek kan richin xojajech-el.

Ez 11:16

Roma ri' ri Dios xuya' re jun rutzijol re' chuwe, ri nubij rija' pa kiwi' ri man xebe ta pa ximonri'il. Kere' k'a nubij: Yin xinelesan-el kichin rije' chi'ikojol rix y xentaluj pa taq ruwach'ulew richin e nuchajin jebel chiri' ka'i-oxi' q'ij.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.