Deut 4:25 - Kaqchiquel Bible

²⁵ Toq rix ek'o chik iwalk'ual, iwiy-imam y xixrijix yan chupan ri ruwach'ulew ri', man ke'ibanala-q'anej wachibel e paban o xabachike wachibel ri man niqa' ta chuwech ri qa-Dios richin man niyek royowal.

Deut 4:25 ပူးပေါင်းရင်းမြစ်များ

Deut 4:16

richin chi man yixyojtej y ye'ibanala-q'anej paban taq wachibel, ruwachibel jun achin, jun ixoq o jun chik wachibel.

1 Corintios 10:22

¿Niwajo' rix richin niyek royowal ri Dios? ¿Kan yixtikir kami rix nipaba-iwi' chuwech rija' rik'in ri ibanobal?

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

2 Rey 21:2

Kan itzel k'a xuben chuwech ri Jehová. Roma xa xuben ri k'ixbel taq banobel ri man niqa' ta chuwech ri Jehová achi'el yekiben ojer kan ri winaqi' ri ek'o chiri', ri e relesan chik el ri Jehová ri chiri' pan Israel.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

Ex 32:7

Jari' toq ri Jehová xubij chire ri Moisés: Kabiyin-qa, roma ri atinamit ri xawelesaj-pe chila' pa ruwach'ulew Egipto, wakami xa xyojtej ri rubanik ri kibanobal.

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Deut 28:45

Wi rix man xtinimaj ta rutzij ri Jehová ri qa-Dios, ni man xtitaqej ta ronojel ri rupixa' ri xuya' rija' chiwe, ronojel re itzel oyonik re' xtipe pan iwi' y xtik'oje' chi'ikojol k'a toq xkixk'is na el chuwech re ruwach'ulew.

Deut 28:61

Y chirij re', xkeruteq-pe ch'aqa' chik yabil y ch'aqa' chik ruk'ayewal ri man e tz'ibatel ta chupan re wuj re', ronojel k'a re' xtuya' pan iwi', k'a toq xkixk'is na jumul.

Deut 32:5

Jak'a ri ik'aslen rix xa q'ayineq; ri tz'ilolej k'aslen xa iwik'in rix peteneq-wi. Rix xa man ruk'amon ta chi ix ralk'ual ri Dios, roma xa imalin kan rija' y ri ik'aslen xa xotoxik.

Wuj Richin ri Josúe 24:20

Wi niya' kan ri Jehová y nisamajij jun chik dios ri man ja ta qa-Dios roj, rija' xtuya' ri ruk'ayewal pan iwi' y xkixruk'is, stape' kan jebel rubanon chiwe, xcha'.

Wuj Richin Bix Chire ri Dios 78:58

Xkiyek k'a royowal rik'in ri akuchi nikiya-wi kiq'ij wachibel pa ruwi' taq juyu'. Xkiyek k'a royowal roma xkiya' ruq'ij ri wachibel e toch'on.

Ex 20:4

Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Deut 16:22

Man jun wachibel paban tiben rik'in abej richin niya' ruq'ij, roma re' kan nretzelaj ri Jehová ri qa-Dios.

Deut 30:18

wi keri' xtiben, yin kan ninbij k'a chiwe chi kan xkixken chi'anin. Y kan man xkixyaloj ta el chuwech ri ruwach'ulew ri'.

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.