Deut 4:19 - Kaqchiquel Bible

¹⁹ Y chuqa' toq yixtzu'un-q'anej chikaj y nitz'et ri q'ij, ri ik', ri ch'umila' y ronojel ri ek'o chikaj, man tipe pan iwánima richin niya' kiq'ij y kan yixok kisamajel. Roma ri Jehová Dios ruya'on ronojel re' kichin konojel ri winaqi' ri ek'o chuwech re ruwach'ulew.

Deut 4:19 ပူးပေါင်းရင်းမြစ်များ

Romanos 1:25

Rije' man nikajo' ta nikak'axaj ri qitzij chirij ri Dios, xa yekitzeqelibej ri man e qitzij ta. Man nikiya' ta ruq'ij, ni man nikisamajij ta ri Dios. Xa ja ri e rubanon rija', xa jari' ri nikiya' kiq'ij y yekisamajij, stape' kan ja ri Dios ri nik'atzin chi ninimirisex rubi' richin jantape'. Kan keri' ta k'a.

Deut 17:3

o wi nuya' kiq'ij ri ch'aqa' chik dios y kan nixuke' chikiwech, y nuya' ruq'ij ri q'ij, ri ik', ri ch'umila' ri ek'o chikaj, ri kan rubin kan ri Jehová Dios chi man tiban keri';

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

2 Rey 17:16

Xa xkiya' k'a kan ri pixa' richin ri Jehová ri ki-Dios, y xa xkiben k'a ruwachibel ka'i' nima-alaji' achija' taq wákix ya'erisan pa q'aq'. Chuqa' xkiben ruwachibel ri Asera, y xkiya' kiq'ij ri ch'umila', ri ik', ri q'ij y ronojel ri ek'o chuwech ri kaj, y xkisamajij k'a ri Baal.

Wuj Richin ri Rutikeribel 2:1

Kere' k'a toq xk'achoj kibanik ri kaj y ri ruwach'ulew y ronojel ri ek'o chila' chikaj y ronojel ri k'o chuwech re ruwach'ulew.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

San Mateo 5:45

Richin keri' kan niq'alajin-wi chi rix ix ralk'ual ri aj-chikajil qatata'. Roma rija' kan utz wi k'a pa qawi' qonojel. Kan k'a chila' chikaj nuben-pe chi k'o ri rusaqil ri q'ij pa kiwi' ri winaqi' e utz y pa kiwi' ri winaqi' e itzel; kan k'a chila' k'a chuqa' nuben-pe chi k'o job pa kiwi' ri winaqi' e choj y ri man e choj ta.

Wuj Richin ri Jeremías 8:2

Y ri baq ri' xketorix kan chuwech ri q'ij, ri ik' y ri ch'umila' ri kan janila xekajo' rije', xekisamajij, xekitzeqelibej, xekik'ulubej y xekiya' kiq'ij. Y ri baq ri' kan man jun k'a xtisik'on-el kichin richin xkemuq. Xkek'oje' kan chiri' pan ulew achi'el ri pamaj.

Wuj Richin ri Sofonías 1:5

keri' chuqa' konojel ri nikiya' kiq'ij ri xmotza' pa ruwi' ri kachoch; chuqa' ri nikiya' nuq'ij yin rokik nikiya' ruq'ij ri ki-dios Milcom.

Ez 8:16

Y xiruk'uaj chik el pa ruwa-jay richin ri rachoch. Y ri akuchi niban-wi oken chire ri jay ri' ri chiri' chuwa-jay chunaqaj ri porobel, xentz'et jubama e juwineq wo'o' achi'a' ri kiya'on kan kij chuwech ri rachoch ri Jehová. Y yetzu'un k'a kela' pa relebel-q'ij y kilukuban-qa-ki' k'a pan ulew richin nikiya' ruq'ij ri q'ij.

Wuj Richin ri Jeremías 33:25

Yin Jehová ninbij: Wi yin man ta nubanon jun jikibel-tzij rik'in ri paq'ij y ri chaq'a' y wi man ta nuya'on ri pixa' pa ruwi' ri kaj y ri ruwach'ulew,

Wuj Richin ri Jeremías 31:35

Kan qitzij na wi chi ja yin xiya'on ri q'ij richin chi nisaqirisan ri paq'ij. Chuqa' ja yin ri xibanon ri ik' y ri ch'umil richin chi yesaqirisan chi'aq'a'. Ri nubi' ja ri Jehová ri k'o ronojel uchuq'a' pa ruq'a'. Y chuqa' ja yin ri xibanon chire ri palou richin nisilon ruwi' y nibolqo't.

Wuj Richin ri Jeremías 19:13

Ri kachoch ri rey y ri ch'aqa' chik jay ri ek'o pa tinamit Jerusalem kan xke'ok achi'el ri Tófet, roma pa ruwi' ri iwachoch xisuj-wi pom chikiwech ri xmotza' ri ek'o chuwech ri kaj. Chuqa' roma xitix vino chikiwech ch'aqa' chik dios. Ronojel re' xke'ok man ch'ajch'oj ta achi'el ri Tófet, xkacha'.

2 Rey 23:11

Chuqa' xerelesaj-el ri kiwachibel kiej y ri carruaje ri ek'o chuchi' ri rachoch ri Jehová, ri xekiya' kan ri ch'aqa' chik rey richin nikiya' ruq'ij ri q'ij, y xuporoj k'a. Ronojel re' k'o chiri' chunaqaj ri rachoch ri jun tata'al rubini'an Natán-mélec.

Deut 4:18

o ruwachibel jun chikop ri nuqirirej-ri' pa ruwi' ri ulew, o ruwachibel jun ker o jun chikop richin ya'.

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Deut 13:10

Kan tik'aqa' k'a chi abej y keri' niken, roma xrajo' xixruch'er kan rik'in ri Jehová ri qa-Dios ri xojelesan-pe pan Egipto ri akuchi xixxime' pa samaj.

Ez 18:6

Rija' man xtiwa' ta kik'in winaqi' ri yenimaq'ijun pa ruwi' taq juyu' richin nikiya' kiq'ij wachibel, ni man xtukuquba' ta ruk'u'x kik'in ri wachibel ri achoq ik'in nikikuquba' kik'u'x ri winaqi', ni man xtik'oje' ta rik'in rixjayil ri rachpochel, ni man xtik'oje' ta qa rik'in ri rixjayil rija' toq k'o yabil richin chi ik' chire.

Wuj Richin ri Rutikeribel 1:14

Y ri Dios xubij k'a: Kek'oje' ri yesaqirisan ri kaj richin ri rukojolil ri paq'ij y ri chaq'a'; y xtik'atzin richin retal ri ik', ri q'ij, y ri juna'.

2 Crón 33:3

Rija' xuchojmirisaj chik el jun bey ri akuchi nikiya-wi kiq'ij ri wachibel ri pa ruwi' taq juyu' ri e ruyojon kan ri Ezequías, ri rutata'. Chuqa' xeruben chik q'anej jun bey ri porobel kichin ri Baal, y ri che' ruwachibel ri Asera. Xuya' kiq'ij ri ch'umila', ri ik' y ri q'ij,

Wuj Richin Bix Chire ri Dios 19:3

Man rik'in ta k'a tzijonik nubij, man nak'axatej ta k'a ri ruch'abel;