Deut 4:12 - Kaqchiquel Bible

¹² K'ari' ri Jehová xch'on-pe qik'in pa runik'ajal ri q'aq'; kan xqak'axaj k'a ri ruch'abel, xaxe man xqatz'et ta ri achike rubanik.

Deut 4:12 ပူးပေါင်းရင်းမြစ်များ

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Ex 20:22

Ri Jehová xubij chik chire ri Moisés: Tak'uaj k'a ri nuch'abel chike ri awinaq y tabij chike: Wakami rix kan itz'eton chik k'a toq kan k'a chila' chikaj xich'on-pe iwik'in.

Wuj Richin ri Isaías 30:21

Y wi xtichop xtich'er kan iwi' rik'in, jari' toq xtiwak'axaj chi xtuk'ut ri rubey chiwech.

Wuj Richin ri Isaías 40:18

Ri Dios man jun achoq ik'in nijunamex-wi, ni man nijunamex ta rik'in jun wachibel.

Wuj Richin ri Isaías 40:3

K'o k'a jun q'ij k'o jun ri xtipe, y kan janila kow xtich'on y xtubij: Tachojmirisaj k'a jun bey chupan ri tz'iran ruwach'ulew richin ri Jehová. Tabana' jun choj laj bey richin ri qa-Dios.

Wuj Richin ri Isaías 40:6

K'o k'a jun chik ri xbin chuwe chi kisik'in. Jak'a yin xinbij chire ri achike ninsik'ij, y xubij chuwe chi tinbij chi konojel ri winaqi' man richin ta q'asen yek'oje' re wawe', chi ri winaqi' xa e achi'el ri q'ayis. Y ri kiruwaq'ijaj man niyaloj ta, xa kan e achi'el ok ri kotz'i'j ri ek'o pa juyu'.

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:3

Chirij k'a ri Juan ch'owineq-wi kan ri q'alajirisey ruch'abel ri Dios ri rubini'an Isaías toq xubij:*f7* K'o k'a jun q'ij k'o jun ri xtipe chupan ri tz'iran ruwach'ulew, y kan janila kow xtich'on y xtubij: Tichojmirisaj k'a jun bey richin ri Jehová. Tibana' jun chojilej bey richin ri qa-Dios, nicha'.

Deut 10:4

Ri Jehová kan xutz'ibaj chik chuwech, achi'el ri xutz'ibaj-pe pa nabey ri lajuj rupixa', y xuya' chik pe chuwe. Re' kan junan k'a rik'in ri ch'abel ri xubij chiqe toq xch'on pa ruwi' ri juyu' pa jun ruxaq-q'aq' chupan ri q'ij richin molojri'il.

Deut 4:11

Rix kan xixjel k'a apo y xojk'oje' chiri' chuxe' ri juyu' ri'; y ri juyu' nibiron k'a pa q'aq', y ri ruxaq q'aq' kan nej k'a napon-wi-el, ri rusibil ri q'aq' ri' kan achi'el sutz' xuben, y xuq'equmarisaj ri juyu'.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Deut 4:15

Toq ri Jehová xch'on qik'in pa runik'ajal ri q'aq' ri chiri' pan Horeb, stape' man xqatz'et ta ri achike rubanik, man rik'in ri' kan tichajij jebel iwi',

Deut 4:33

Kan man jun k'a tinamit rak'axan ta ri ruch'abel ri Dios ri nich'on-pe pa runik'ajal jun nimalej q'aq', achi'el ri xqak'axaj roj; y man xojken ta.

Deut 4:36

Ri Dios xch'on-pe qik'in chila' chikaj richin xojrupixabaj, y re wawe' chuwech re ruwach'ulew xuk'ut jun nimalej q'aq' y chupan ri' xch'on-pe qik'in.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Deut 5:4

Kan ja ri Jehová xch'on-pe qik'in pa runik'ajal ri q'aq' ri chiri' pa ruwi' ri juyu' ri'.

Deut 9:10

Ri Jehová xuya' k'a chuwe ri ka'i' tz'alem taq abej ri kan ja rija' xtz'iban y chiri' e tz'ibatajineq-pe ronojel ri ruch'abel, achi'el ri xubij chiwe pa ruwi' ri juyu' pa runik'ajal ri q'aq', ri q'ij toq qonojel xqamol-qi'.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Hebreos 12:19

Xkak'axaj xq'ajan ri trompeta, y xkak'axaj chuqa' toq xch'on-pe ri Dios kik'in. Jak'a rije' xkik'utuj utzil chi man chik tich'on-pe kik'in,