Deut 34:8 - Kaqchiquel Bible

⁸ Ri israelita xkoq'ej k'a ri Moisés juwineq lajuj q'ij pa taq'aj richin Moab.

Deut 34:8 ပူးပေါင်းရင်းမြစ်များ

Wuj Richin ri Rutikeribel 50:3

Y richin xkaq'omaj xk'atzin k'a kawineq q'ij chike. Roma kan ja q'ij ri' nik'atzin richin niban rutzil jun ch'akulaj. Ri aj-Egipto xkichajij k'a oxk'al lajuj q'ij richin bis roma ri Israel.

Wuj Richin ri Q'axanri'il 20:29

Y toq ri winaqi' xkitz'et chi ri Aarón man xtzolej ta chik pe, chi'anin k'a xq'ax chikiwech chi xa xken kan, y roma ri' konojel winaqi' xek'oje' k'a pa bis juwineq lajuj q'ij.

Wuj Richin ri Rutikeribel 50:10

Y toq xe'apon k'a pa ruwach'ulew Goren-ha-atad ri k'o pa relebel-q'ij chire ri raqen-ya' Jordán, chiri' xkiben k'a jun nimalej oq'ej, y ri José kan xuchajij k'a wuqu' q'ij roma ri rukamik ri rutata'.

Hechos 8:2

Jak'a ek'o jujun achi'a' ri xbekimuqu' ri Esteban y xkoq'ej roma kan k'o-wi k'a ri Dios pa kánima.

Wuj Richin ri Isaías 57:1

Ri winaqi' ri kan ronojel nikiben pa ruchojmilal, toq yeken-el, xa man jun niniman chike. Chuqa' yeken ri winaqi' ri janila e utz, jak'a man jun achoq chuwech ta niq'ax-wi chi xelesex-el ruk'aslen richin man nutej ta chik poqon chuwech re ruwach'ulew.

1 Sam 25:1

Xken k'a ri Samuel y konojel ri israelita xbekimuqu' kan pa rutinamit Ramá, roma chiri' k'o-wi ri rachoch, y konojel janila xe'oq' chirij. Y ri David xberewaj-ri' chupan ri tz'iran ruwach'ulew rubini'an Parán.

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

2 Sam 11:26

Toq ri Betsabé xrak'axaj chi xken ri rachijil, kan xbison y xuchajij ri rubis.