Deut 34:3 - Kaqchiquel Bible

³ Chuqa' xutz'et ri ruwach'ulew ri k'o pa xokon k'a pa Sóar y ri taq'aj ri k'o chuchi' ri raqen-ya' Jordán k'a pa Jericó, ri nibix tinamit richin Palma chire.

Deut 34:3 ပူးပေါင်းရင်းမြစ်များ

2 Crón 28:15

K'ari' xekanox achi'a' richin xekichop ri winaqi' ri xejach kan pa kiq'a', y xekiwiq ri maneq kitziaq kikusan, rik'in ri k'o rejqalen ri majon-pe chuwi-kiq'a' ri aj-Judá. Chuqa' xya'ox kixajab ri maneq kixajab; Xetzuq k'a y xya'ox-el jubulej taq aq'om chikij. Chirij re' xech'okobex-el chikij taq bur konojel ri maneq kuchuq'a' richin yebiyin, y xebekiya' kan k'a pa tinamit Jericó, ri chuqa' nibix Tinamit Richin Palma chire, y xebeya'ox kan kik'in ri kachkiwinaq. K'ari' rije' xetzolin pa Samaria.

Wuj Kichin ri To'onela' 3:13

Re rey re' xeroyoj ri e rijatzul ri Amón y ri e rijatzul ri Amalec, y xeyakatej chikij ri israelita y xkichop ri Tinamit Richin Palmera.

Wuj Kichin ri To'onela' 1:16

Ri e rijatzul ri Jetro, rujinan ri Moisés, xe'el-el chupan ri Tinamit Richin Palmera ri chuqa' nibix Jericó chire, y xebe chikij ri e rijatzul ri Judá pa tz'iran ruwach'ulew ri k'o pa xokon, ri k'o chunaqaj ri tinamit Arad, y xebek'oje' k'a chiri' pan Arad, chikikojol ri aj chiri'.

Wuj Richin ri Rutikeribel 19:22

Xa ja ri nik'atzin chi nakol yan el awi', roma yin man jun yitikir ninben, k'a toq rat xkatapon na chupan la ko'ol tinamit la', xcha' ri ángel chire. Y roma ri' xbix Sóar chire roma ko'ol ok.

Wuj Richin ri Q'axanri'il 34:3

Ri pa xokon k'o ri tz'iran ruwach'ulew Sin y ri ruchi' ri ruwach'ulew Edom. Ri pa relebel-q'ij nitiker-pe pa Tzayi-Choy,

Wuj Richin ri Rutikeribel 14:8

Jari' k'a toq ri rey richin ri Sodoma, richin ri Gomorra, richin ri Admá, richin ri Seboím y richin ri Bela, ri nibix chuqa' Zoar chire; xebe chuwa-taq'aj ri rubini'an Sidim e kachibilan-el ri aj-labal y xbekichapa' oyowal.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.