Deut 34:12 - Kaqchiquel Bible

¹² ni man jun nijunamex ta rik'in roma ri uchuq'a' ri xk'oje' rik'in, y ri nima'q taq banobel ri kan nak'en rukiy ri xuben chuwech chijun ruwach'ulew Israel.

Deut 34:12 ပူးပေါင်းရင်းမြစ်များ

Deut 26:8

Xe'awelesaj-pe pan Egipto rik'in nimalej awuchuq'a'; xe'awelesaj-pe rik'in nima'q y meyel taq banobel. Toq xe'awelesaj-pe, ri aj-Egipto kan xkik'en rukiy.

Deut 34:11

Ri Dios xuteq richin xuben ronojel ruwech nima'q taq banobel richin retal pan Egipto chuwech ri rey y ri rusamajela' y chuwech chijun ri ruwach'ulew. Y kan man jun chik k'a wineq xk'oje' achi'el ri Moisés,

Wuj Richin ri Josúe 1:1

Kere' k'a xbanatej chirij ri rukamik ri Moisés: K'o k'a jun achin rubini'an Josué ruk'ajol kan ri Nun y ri achin ri' ja rija' ri to'onel richin ri Moisés ri rusamajel ri Jehová; y toq kamineq chik el ri Moisés, ri Jehová xubij chire ri Josué:

Deut 4:34

Kan man jun chik k'a dios ri nuben achi'el xuben ri qa-Dios roj, ri xojrucha' chikikojol ri ch'aqa' chik nimalej tzobaj winaqi' achi'el xuben qik'in roj richin xojrelesaj-pe pan Egipto, ri kan rik'in k'iy tejtobenik, rik'in nima'q taq retal, rik'in nima'q taq banobel, rik'in labal y rik'in nimalej uchuq'a'. Rik'in k'a ronojel banobel re' ri kan xe'itz'et rik'in ri runaq' taq iwech, xojrelesaj-wi-pe,