Deut 34:1 - Kaqchiquel Bible

¹ Chirij ri' ri Moisés xel k'a el chiri' pa taq'aj richin ri Moab y xjote-el pa ruwi' jun chike ri juyu' Pisgá y xapon pa ruwi' ri juyu' Nebo, ri k'o chuwech-apo ri Jericó. Chiri' ri Jehová xuk'ut chuwech chijun ri ruwach'ulew Canaán, ri nitiker-el pa Galaad y napon k'a pa Dan.

Deut 34:1 ပူးပေါင်းရင်းမြစ်များ

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Wuj Richin ri Josúe 19:47

Jak'a ri tzobaj richin ri Dan man xech'akon ta chikij ri tinamit ri ek'o chupan ri ruwach'ulew ri xya'ox chike; roma ri' xbekibana-q'anej oyowal kik'in ri winaqi' ri e richin ri tinamit Lésem ri k'o pa xaman, y xech'akon chikij y xekikamisaj chi espada konojel ri ek'o chiri'. Xek'oje' chupan ri tinamit ri', y xkijel k'a ri rubi' y xubini'aj Dan; re' natabel richin ri ánima kitata'.

Deut 32:49

Kabiyin pa ruwi' taq juyu' Abarim, y kajote-el pa ruwi' ri jun chike ri juyu' Nebo ri k'o wawe' pa ruwach'ulew Moab. Tatz'eta' ri juk'an chik chire ri raqen-ya' Jordán, pa ruchojmilal ri Jericó, y tatz'eta' ri ruwach'ulew Canaán ri xtinbenya' chike ri awinaq richin nikichinaj.

Wuj Richin ri Q'axanri'il 27:12

Y chirij re', ri Jehová xubij chire ri Moisés: Kajote-pe re chuwi' taq juyu' richin ri Abarim y xtatz'et ri ruwach'ulew ri xtinbenya' chike ri awinaq.

Wuj Kichin ri To'onela' 18:29

y xkijel k'a rubi', y xkibij Dan chire, achi'el ri rubi' ri kitata', ri ruk'ajol kan ri Israel.

Deut 34:4

Y ri Jehová xubij: Jare' ri ruwach'ulew ri xinsuj chike ri Abraham, ri Isaac y ri Jacob toq xinbij chi chike ri kijatzul xtinya-wi. Yin xinya' q'ij chawe richin natz'et re ruwach'ulew re', jak'a rat xa man xkatok ta chupan, xcha'.

Deut 32:52

Xa roma ri' kan k'a nej xtatz'et ri ruwach'ulew ri xtinya' chike ri awinaq richin xtikichinaj, jak'a rat man xkatapon ta chupan, xcha' ri Jehová.

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Wuj Richin ri Q'axanri'il 21:20

Y toq xe'el chik k'a el ri chiri' pa Bamot, xe'apon ri pa taq'aj ri k'o chupan ri ruwach'ulew Moab, pa ruwi-el ri juyu' rubini'an Pisgá ri akuchi niq'alajin chijun ri tz'iran ruwach'ulew.

Wuj Richin ri Rutikeribel 14:14

Y toq ri Abram xrak'axaj chi ri Lot, ri ruch'utik'ajol xuk'uex-el koma ri rey ri xech'akon, rija' xuya' kikamisabal ri samajela' ri e alaxineq pa rachoch. Xebe e 318 achi'a' y xekitzeqelibej k'a pa tinamit rubini'an Dan.

Wuj Richin ri Rutikeribel 13:14

Y toq ri Lot xuch'er yan el ri', jari' toq ri Jehová xubij chire ri Abram: Wakami k'a katzu'un nej y tatz'eta' la ulew la k'o pa xaman, la k'o la pa xokon, la k'o la pa relebel-q'ij y la k'o la pa qajbel-q'ij,

Wuj Richin ri Q'axanri'il 23:14

K'ari' ri Balac xuk'uaj-el ri Balaam pa jun ulew rubini'an Sofim, pa ruwi' ri juyu' Pisgá. Y kan xaxe xe'apon chiri', ri Balac kan jari' xerupaba' chik q'anej wuqu' porobel richin kamelabel y xusuj jun nima-alaj achij wákix y jun achij karne'l pa kiwi' chikijujunal ri porobel richin niporox chijun.

Wuj Richin ri Josúe 22:9

Keri' ri aj-labal e richin ri tzobaj richin ri Rubén, ri Gad y ri nik'aj tzobaj richin ri Manasés xkich'er k'a kan ki' kik'in ri kiwinaq israelita chiri' pa Siló ri k'o pa ruwach'ulew Canaán. Y rije' xkichop-el bey richin ye'apon pa kiruwach'ulew Galaad, ri ya'on kan chike richin xkichinaj achi'el xubij ri Jehová, toq k'a k'es na ri Moisés.