Deut 33:9 - Kaqchiquel Bible

⁹ Rix kan más k'a xiwajo' ri jikibel-tzij chikiwech ri ite-itata'. Rix kan más k'a xiwajo' xinimaj ri ruch'abel ri Dios chikiwech ri iwach'alal, y ri iwalk'ual.

Deut 33:9 ပူးပေါင်းရင်းမြစ်များ

San Lucas 14:26

Wi k'o jun ri nipe wik'in richin yirutzeqelibej y xa man yirajo' ta más chuwech ri rute-rutata', chuwech ri rixjayil, ri e ralk'ual, ri e rach'alal o man yirajo' ta más chuwech-qa rija', re wineq re' man ruk'amon ta nok nutijoxel.

San Mateo 12:48

Jak'a ri Jesús xubij chire ri xbin-apo keri': ¿Achike k'a ri nte' y e achike k'a ri wach'alal?, xcha'.

San Mateo 10:37

Ri wineq ri kan más yerajo' ri rute-rutata' ke chinuwech yin, xa kan man ruk'amon ta richin yinkitzeqelibej yin. Ri te'ej-tata'aj ri kan más yekajo' ri kalk'ual chinuwech yin, kan man ruk'amon ta chi yinkitzeqelibej.

Gálatas 1:10

¿Y achike nibij rix? ¿Ninben kami yin chi utz yitz'et koma ri winaqi', o ninben chi utz yitz'et roma ri Dios? Yin man ninben ta chi yiqa' chikiwech ri winaqi'. Roma wi ta keri' ninben, man ta xinok rusamajel ri Cristo.

2 Corintios 5:16

Roj re wakami y ri chiqawech-apo man jun chik wineq ri xtiqatzu', achi'el nikitzu' ri aj-ruwach'ulew. Stape' roj chuqa' xqach'ob chirij ri Cristo, chi rija' xa achi'el xabachike wineq. Jak'a re wakami man chik keri' ta niqach'ob chirij.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin ri Jeremías 18:18

Chirij ri' ri winaqi' xkibij: Qach'obo' k'a rij achike niqaben chire ri Jeremías, roma jantape' ek'o ri e sacerdote ri yech'on chirij ri pixa', ri achi'a' aj-na'oj ri nikiya' pixabanik chiqe y ri ch'aqa' chik e q'alajirisey ruch'abel ri Dios ri nikiya' rutzijol chiqe. Qojch'on k'a itzel chirij y man qojniman chire, xecha-qa.

Wuj Richin ri Achin Job 37:24

Roma ri', konojel winaqi' nikiqasaj-ki' chuwech y nikiya' ruq'ij, chuwech ri Dios kan man jun k'a kejqalen ri xa kiyon nikina-ki' chi janila kina'oj.

1 Crón 17:17

Y pa ruwi' re', chawech rat kan ti juba' ok: Nata' Dios, kan xach'on yan chikij ri nuk'ajol yin, ri in asamajel. Y chuqa' kan xinatz'et achi'el jun achin ri kan k'o rejqalen. ¡Jehová Dios!

Wuj Richin ri Chojmirisabelri'il 21:11

Y man tok-apo ri akuchi k'o jun kamineq, stape' rute' o rutata', y wi xtuben keri' man ch'ajch'oj ta chik chinuwech yin.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Rutikeribel 29:32

Y ri Lea kan xyawej k'a kan chirij ak'ual y toq xk'oje' ri ak'ual xubini'aj Rubén. Y re bi'aj re' nel chi tzij titz'eta'. Y chuqa' xubij: Ri Jehová xutz'et chi yin janila xibison, y roma ri' xk'oje' re ti wal re', y wakami kan xkinajowex roma ri wachijil, xcha'.

1 Timoteo 5:21

Chuwech ri Dios y chuwech ri ajaw Jesucristo y chikiwech ri ángel ri e cha'on roma ri Dios, kan ninbij k'a chawe rat Timoteo, chi tabana' ronojel re' kik'in ri qach'alal, y man jun rukojol taben.

1 Tesalonicenses 2:4

Xqabila' ri utzilej ch'abel richin kolotajik chiwe, roma ja ri Dios ri xya'on re samaj re' chiqe. Rija' retaman chi niqajo' niqaben ri niqa' chuwech, y man ja ta ri niqa' chikiwech ri winaqi'.

Wuj Richin Bix Chire ri Dios 119:57

Jehová kan ja rat ri' ri ronojel ri wichin yin; kan nubin chi kan jantape' xtinnimaj ri ach'abel.