Deut 33:3 - Kaqchiquel Bible

³ Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Deut 33:3 ပူးပေါင်းရင်းမြစ်များ

San Lucas 10:39

Ri Marta k'o k'a jun rach'alal rubini'an María. Y re María re' xtz'uye' k'a chiraqen-qa ri Jesús, richin keri' nrak'axaj ri ruch'abel ri Dios ri nutzijoj.

Wuj Richin ri Malaquías 1:2

Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

Hechos 22:3

Yin kan in jun judío. Xaxe k'a yin xinalex ri pa tinamit Tarso ri k'o pa ruwach'ulew Cilicia, jak'a kan ja re wawe' pa Jerusalem xik'iy-wi. Ja ri nimalej achin ri rubini'an Gamaliel ri xtijon wichin. Xirutijoj k'a rik'in ronojel ri nubij chupan ri pixa' ri ya'on kan chike ri ojer qati't-qamama'. Roma kan rurayibel k'a ri wánima, richin ninben rusamaj ri Dios, achi'el chuqa' ri irayibel chi'iwonojel rix chupan re q'ij re'.

San Lucas 8:35

Jak'a ri winaqi' ri xe'ak'axan-pe ri xk'uluwachitej, xepe richin xokitz'eta'. Toq xe'oqaqa rik'in ri Jesús, kan jari' toq xkitz'et chi ri achin ri xek'oje' itzel taq espíritu rik'in, tz'uyul-apo chunaqaj ri Jesús, rukusan rutziaq y kan choj chik rubanik. Jak'a ri winaqi' ri' xa xkixibij-ki'.

San Lucas 2:46

Xbanatej k'a, chi k'a pa rox q'ij xkil ri ak'ual ri chiri' pa rachoch ri Dios. Rija' tz'uyul-apo kik'in ri achi'a' e etamanela' chirij ri pixa', nrak'axaj ri nikibij y k'o chuqa' ri yeruk'utula-apo chike.

Os 11:1

Ri Dios nubij: Toq ri winaqi' israelita k'a juba' kek'iy-q'anej, yin kan janila xenwajo'. Keri', kan k'a pan Egipto xenwoyoj-wi ri e achi'el nuk'ajol.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Wuj Richin Etamabel-Tzij 2:1

Wi rix walk'ual alaboni', kan nik'ul k'a ri nuch'abel, y kan niya' ri chiri' pan iwánima, ri nupixa' ri ninya' chiwe,

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.

Wuj Richin Bix Chire ri Dios 47:4

Rija' kan nucha' k'a ri k'o chi niqichinaj kan roj. Kan ja ri ruwach'ulew ri xuya' chire ri Jacob, roma janila xrajo'.

Wuj Richin Bix Chire ri Dios 31:15

Pan aq'a' k'a rat k'o-wi ri nuk'aslen. Kinakolo' k'a chikiwech ri e etzelanel wichin, y ri kan chaq in kitzeqeliben.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

1 Tesalonicenses 1:6

Rix xojiwojqaj roj, y chuqa' kan xiwojqaj ri Dios. Stape' xitej-poqon, kan xik'ul ri xqatzijoj chiwe. Y re' xik'ul rik'in kikoten ri nuya' ri Loq'olej Espíritu.

San Mateo 23:2

Pa rubi' ri Moisés, e tz'uyul ri etamanela' chirij ri pixa' y ri fariseo richin nikich'ob rij ri pixa'.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.

Wuj Richin ri Molojri'il 9:1

Yin xinch'ob yan ronojel re', y xq'ax chinuwech chi ri choj kik'aslen y ri e aj-na'oj ek'o pa ruq'a' ri Dios. Man qetaman ta ri achike niqak'uluwachij, roma man niq'ax ta chiqawech ri peteneq chiqawech-apo.

Wuj Richin ri Jeremías 2:2

Kabiyin pa tinamit Jerusalem y tabij chike ri winaqi' chi ja ch'abel re' ri ninbij yin chike: Noqaqa k'a chinuk'u'x chi ri pa rutikeribel, ri ite-itata' kan kiniman-wi nutzij, achi'el nuben jun ixjayilonel ri k'a juba' tik'ule', ri janila nrajo' ri rachijil. Ri ite-itata' kan xinkitzeqelibej pa tz'iran ruwach'ulew.