Deut 33:2 - Kaqchiquel Bible

² Y xubij k'a: Ri Jehová k'a pa ruwi' ri juyu' Sinaí xpe-wi; kan k'a pa ruwach'ulew Seír oj rusaqirisan-pe; kan xyik'lun k'a pe pa ruwi' ri juyu' ri k'o pa Parán. Y pa 1,000 ángel ek'o rik'in, y pa rijkiq'a' ruk'amon-pe jun achi'el q'aq' nitzu'un.

Deut 33:2 ပူးပေါင်းရင်းမြစ်များ

Apocalipsis 5:11

Chirij ri' xintz'et k'a chi e janila k'iy ángel ri kisutin-rij ri jun ri tz'uyul chupan ri tz'uyubel richin q'atbel-tzij, ri e kaji' ri k'o kik'aslen y ri achi'a' ri k'o kiq'ij. Y ri ángel ri ek'o kan janila e k'iy, ri kan man ajlatel ta.

Wuj Richin ri Habacuc 3:3

Ri ojer, ri Dios kan xel-pe pa tinamit Temán. Ri Loq'olej qa-Dios xel k'a pe pa ruwi' ri juyu' Parán. Ri ruruwaq'ijaj kan xunojisaj k'a ruwech ri kaj; chijun ri ruwach'ulew xnoj rik'in bix chire rija'.

Judas 1:14

Rix iwak'axan chirij ri Enoc, ri jun rijatzul kan ri Adán, ri xalex chikikojol ri ruwuq sol winaqi'. Rija' xuq'alajirisaj k'a ri xkik'uluwachij ri itzel taq winaqi' ri xek'oje' toq xk'oje' rija'. Y kere' k'a xubij: Tiwak'axaj k'a. Ri ajaw kan xtipe e rachibilan-pe janila e k'iy ri kan e loq'olej,

Hechos 7:53

Kan pa kiq'a' k'a ri ángel xik'ul ri pixa', jak'a rix man ninimaj ta, xcha' ri Esteban.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Hebreos 2:2

Wi ri ruch'abel ri Dios ri xya'ox chike ri winaqi' koma ri ángel kan qitzij, y wi ri ruk'ayewal xqaqa pa kiwi' roma man xkinimaj ta,

Hebreos 12:20

roma kan janila xkixbij-ki', roma bin chike chi ri xtijel-apo rik'in ri juyu', xtikamisex chi abej; stape' wineq o chikop.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

Gálatas 3:19

¿Y achike k'a nik'atzin-wi ri pixa'? Re' xya'ox k'a xaxe richin keq'alajin-pe ri mak, y richin nukusex toq k'a oyoben na ri rijatzul kan ri Abraham, ri achoq chire xsuj-wi chi nuya' urtisanik pa ruwi' ri ruwach'ulew. Y toq ri Dios xuya' ri pixa', xuya' chike ri ángel, y re ángel re' xkiya' chire ri Moisés. Y ja k'a rija' xok q'axey-tzij. Y pa ruk'isibel, ri Moisés xuya' chike ri winaqi'.

Gálatas 3:10

Jak'a wi niqajo' niqakol-qi' roma ri pixa', xa kan xtiqaqa-wi k'a ruk'ayewal pa qawi', roma xa man yojtikir ta niqaben ronojel ri nubij ri pixa' ri', roma ri ruch'abel ri Dios nubij*f6* chi ri man nuben ta ronojel ri nubij chupan ri wuj richin ri pixa', kan niqaqa ruk'ayewal pa ruwi'.

2 Corintios 3:9

Roma wi xa kan k'o ruq'ij ri jikibel-tzij ri nibin chi ri winaqi' kan ek'o chuxe' ri ruk'ayewal ri Dios, kan más wi k'a ruq'ij ri k'ak'a' jikibel-tzij, ri kan nuben chiqe chi man jun qamak.

2 Corintios 3:7

Toq xban ri nabey jikibel-tzij, xtz'ibex chuwech tz'alem taq abej y kan xq'alajin ri ruq'ij-ruk'ojlen ri Dios, y ri ruwech ri Moisés kan xch'ich'an. Y stape' ri saqil ri' xa beneq-qa ruk'isinen, ri winaqi' judío kan man xetikir ta xkitzu' ruwech ri Moisés. Y ri nabey jikibel-tzij ri' xa xuk'en-pe ri kamik.

Deut 5:22

Jare' k'a ri ruch'abel ri Jehová toq xch'on qik'in qonojel, pa ruwi' ri juyu' y pa runik'ajal ri q'aq', ri sutz' y ri nimalej q'equ'm y xak'axatej k'a ri ruch'abel y man jun ch'abel ri xuya' ta ruwi'. Y ja ch'abel re' ri xutz'ibaj-pe chuwech ka'i' tz'alem taq abej y xuya-pe chuwe yin.

Gálatas 4:24

Re tzij re' jun k'ambel-na'oj, roma re ka'i' ixoqi' re', nuk'exewachuj ri ka'i' jikibel-tzij ri xuben ri Dios. Ri Agar, achi'el ri jikibel-tzij ri xban pa ruwi' ri juyu' Sinaí. Y konojel k'a ri ye'alex keri', ye'alex chupan ri ximonri'il.

Ex 23:20

Yin kan xtinteq k'a el jun ángel chiwech rix, richin chi yixruchajij chupan chijun ri ibey y ja rija' ri xtuk'uan ri ibey k'a toq xkixapon na chupan ri ruwach'ulew ri nunaban chiwe.

Wuj Richin ri Q'axanri'il 10:12

Jari' toq ri israelita xkichop-el binen, richin xe'el-el ri chiri' pa tz'iran ruwach'ulew Sinaí. Ri sutz' kan nipataj k'a ri beneq chikiwech ri winaqi' y xbepa'e', k'a toq xe'apon na ri pa tz'iran ruwach'ulew rubini'an Parán.

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

Dn 4:13

Yin in kotz'ol y nutzuliben k'a ri che' toq xintz'et k'a chi chaq k'ate' chila' chikaj xbeqaqa-pe jun ángel

1 Rey 11:18

Xe'el k'a el chiri' pa Madián y xebe k'a pa Parán y chiri' xekikanoj-el ka'i-oxi' chik achi'a' richin xekachibilaj-el, y k'ari' xe'apon pan Egipto. Y rije' xbekik'utu-ki' chuwech ri rey richin Egipto, y ri rey ri' xuya' chire ri Hadad jun rachoch, rulew, y ronojel ri nik'atzin chire richin nutej.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.