Deut 33:16 - Kaqchiquel Bible

¹⁶ Ri ruwach'ulew kan ta k'a xtuya' chiwe ronojel ruwech beyomel. Xtiqaqa ta más rutzil ri Jehová pan iwi' rix chikiwech ri iwach'alal. Ronojel re' xtuben ri Jehová ri xch'on-pe chupan ri k'ix ri nik'a'on pa q'aq'.

Deut 33:16 ပူးပေါင်းရင်းမြစ်များ

Hechos 7:35

Kan ja ri Dios ri xtaqo-el ri Moisés chikikolik ri ruwinaq, y chi kan ja chuqa' rija' ri nuk'uan kichin. Y ri xto'on richin ri Moisés, ja ri ángel ri xuk'ut-ri' chuwech chupan ri ruxulu' kiej, y nik'at. Re Moisés re', jare' ri xetzelex koma ri ruwinaq, y achoq chire bin-wi: ¿Achike biyon chawe chi nim aq'ij y yatikir chuqa' naq'et-tzij pa qawi'?, keri' kibin chire.

Wuj Richin Bix Chire ri Dios 24:1

Chijun ri ruwach'ulew y ronojel ri k'o chuwech kan e richin ri Jehová. Chijun ri ruwach'ulew y konojel ri e k'es chuwech kan e richin-wi rija'.

Marcos 12:26

Pa ruwi' chi ri kaminaqi' kan xkek'astej-wi-el, rix kan jebel iwetaman ri tz'ibatel kan roma ri Moisés, toq rija' xutz'et ri jun q'ayis ri nijino pa q'aq', y chiri' xbech'on-pe ri Dios rik'in y xubij chire: Ja yin ri in Dios ri nikiya' ruq'ij ri Abraham, ri Isaac y ri Jacob, xcha' ri Dios chire.

Wuj Richin ri Jeremías 8:16

Kan k'a kela' pa tinamit Dan, xak'axatej chi e peteneq chik ri e etzelanel qichin y nikixupuj pa kitza'n ri kiej. Y toq yeyijij kan nisilon chijun ri ruwach'ulew. Yepe richin nokik'isa' kan ri ruwach'ulew y ronojel beyomel, konojel ri qatinamit y qonojel roj, xkixcha'.

Wuj Richin Bix Chire ri Dios 89:11

Kan awichin k'a rat ri kaj y ri ruwach'ulew. Chijun ri ruwach'ulew y ronojel ri k'o chuwech, ja rat xabanon,

Wuj Richin Bix Chire ri Dios 50:12

Wi ta yin yinum, man ta ninbij chawe rat, roma kan wichin yin ri ruwach'ulew y ronojel ri k'o chuwech.

Wuj Richin ri Rutikeribel 49:26

Re urtisanik re ninya' chawe yin ri in atata', kan más k'a nim, chuwech ri urtisanik ri xink'ul kan yin chuwi-ruq'a' ri nata'. re urtisanik re' xtapon k'a más k'a kela' ke chikiwech ri q'asen taq juyu'. Kan ja rat ri xacha'ox chikikojol ri awach'alal, richin chi nak'ul kan re urtisanik re', xcha'.

Wuj Richin ri Rutikeribel 43:32

Ri José xk'oje' ruyon pa jun mesa y ri rach'alal xek'oje' pa jun chik mesa, y pa jun rox mesa chiri' xek'oje' ri aj-Egipto. Roma chikiwech ri winaqi' aj-Egipto kan man ruk'amon ta chi yewa' junan kik'in ri winaqi' hebreo.

Wuj Richin ri Rutikeribel 37:36

Jak'a ri aj-Madián xbekik'ayij kan ri José pan Egipto, chire jun achin rubini'an Potifar, jun aj samaj richin ri rey y aj-raqen pa kiwi' ri chajinela'.

Wuj Richin ri Rutikeribel 37:28

Y toq yeq'ax yan el ri chiri' ri k'ayinela', ri e rijatzul kan ri Ismael, ri aj kela' pa Madián, jari' toq ri rach'alal ri José xbekelesaj-pe ri pa jul, y xkik'uaj-q'anej richin nikik'ayij-el chike ri winaqi' ri'. Keri' toq xkik'ayij-el ri José, chi juwineq raqen saqipueq, y xuk'uex el k'a pan Egipto.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

1 Corintios 10:28

Jak'a wi k'o ta jun ri nibin chiwe chi ri ti'ij ri niya'ox chiwe richin nitej xa sujun chik chikiwech wachibel, rix kan man k'a titej ri ti'ij ri', roma wi rix xtitej, xa xtiben chi niq'axo ri ránima ri xbin chiwe, y man roma ta chi niq'axo ri iwánima rix. Y rik'in juba' ek'o chiwe rix ri yech'obon y nikibij-qa pa taq kánima: ¿Kan roma kami ri ruch'obonik rija' yin k'o chi ninq'et-wi' chire ri k'o chi ninben?

1 Corintios 10:26

Roma ri ruch'abel ri Dios*f13* nubij chi ronojel kan rik'in rija' peteneq-wi; richin k'a rija' re ruwach'ulew y ronojel ri yek'iy chuwech.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Wuj Richin ri Rutikeribel 37:8

Jak'a ri rach'alal xkibij chire: ¿Xtaq'et ta k'a tzij rat pa qawi' roj? ¿Kan xkatok ta k'a aj-raqen chiqakojol?, xecha'. Xketzelaj k'a más roma ri rachik' roma kan xutzijoj chike.

Ex 2:2

Re ixoq re' xyawej kan chirij jun chik ti ral, y toq xalex ri ak'ual xutz'et chi ti ala' y kan janila ti jebel ok, y roma ri' xrewaj oxi' ik'.

Wuj Richin ri Q'axanri'il 26:28

Ek'o k'a e 52,700 aj-labal chupan ri tzobaj richin ri Manasés y ri e aj-raqen pa kiwi' rije' ja ri Maquir, ri Galaad, ri Iézer, ri Hélef, ri Asriel, ri Siquem, ri Semidá, ri Héfer, ri Selofhad ri man xek'oje' ta ruk'ajol y xaxe rumi'al ri xek'oje'. Ri xtani' ri' kibini'an: Mahlá, Noá, Hoglá, Milcá y ri Tirsá.