Deut 33:12 - Kaqchiquel Bible

¹² Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

Deut 33:12 ပူးပေါင်းရင်းမြစ်များ

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

San Mateo 23:37

K'ari' ri Jesús xch'on pa ruwi' ri Jerusalem y xubij: Aj-Jerusalem, aj-Jerusalem, ¿achike k'a roma toq ye'ikamisala' ri e q'alajirisey ruch'abel ri Dios? ¿Achike k'a roma toq ye'ikamisala' chi abej ri yeruteq-pe ri Dios chi'ikojol? Yin, kan janila k'a bey ri xinwajo' chi xixinmol ta wik'in, achi'el nuben ri kite-ek' kik'in ri taq ral, yerumol chuxe' ri ruxik'. Jak'a rix xa man xiwajo' ta.

Wuj Richin Bix Chire ri Dios 91:4

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

Wuj Richin ri Isaías 51:16

Yin ri kan xinrik' ri kaj, y xinben ri ruwach'ulew, y xixincha' rix aj-Sión. Roma ri' ja rix ix nuwinaq. Yin kan xinya' ri nuch'abel pan ichi', y kan yixinto' rik'in ronojel, achi'el xa ta nuya'on ri nuq'a' pan iwi' richin imujal.

Wuj Richin ri Isaías 37:35

Yin kan xtinto' re tinamit re', y kan xtinkol, roma kan xinjikiba' nutzij, y chuqa' roma ri wajowabal chire ri David ri nusamajel.

Wuj Richin ri Isaías 37:22

Ja bix re' ri xubij ri Jehová pa ruwi' rija': Ri tinamit Sión kan xtimulun ruk'u'x chawij rat Senaquerib. Chuqa' ri tinamit Jerusalem kan xtitze'en chawij. Kan xtikiben kipalej chawij rokik rat xkatanimej.

2 Crón 11:1

Y toq ri ch'aqa' chik tzobaj richin ri tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam.

1 Rey 12:21

Y toq ri Roboam xapon ri chiri' pa tinamit Jerusalem, rija' kan jari' xuteq koyoxik ri achi'a' richin ri tzobaj richin Judá y Benjamín. Chikikojol konojel ri', xerucha' k'a e 180,000 aj-labal, richin nibekibana' oyowal kik'in ri lajuj chik tzobaj israelita, y keri' nitzolin ta chik chijun ri ajawaren pa ruq'a' ri Roboam, ruk'ajol kan ri Salomón.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Wuj Richin Bix Chire ri Dios 132:14

Xabij k'a chi wawe' k'a xkak'oje-wi jantape', richin naq'et-tzij tibe-q'ij tibe-seq.

Wuj Kichin ri To'onela' 1:21

Jak'a ri tzobaj richin ri Benjamín man xekoqotaj ta pe ri e rijatzul ri Jebús ri ek'o pa Jerusalem. Y roma ri' ri tzobaj richin ri Benjamín y ri tzobaj richin Jebús xek'oje-qa junan ri chiri'.

Ex 28:12

Re ka'i' abej re' xkeya' chuwi-rutele'n ri efod ri banon rik'in lino, richin jun natabel kichin ri winaqi' israelita. Ri Aarón xkeruk'uaj k'a ri chuwi' taq rutele'n, richin chi yin nintz'et y xke'oqaqa chi nuk'u'x.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Deut 32:11

Ri Jehová kan xuben chike achi'el nuben ri kot toq yerutijoj ri taq ral. Xerutijoj toq xerisq'opej kan pa kaq'iq' richin xketamaj yexik'an. Xeruk'ul pa ruwi' ri ruxik' richin xeruto'. Keri' k'a xuben ri Jehová kik'in ri qate-qatata'.

Deut 33:11

Ri nimalej Jehová, kan xtrurtisaj ta k'a ronojel ri xtiben, y xtuk'ul ta k'a rik'in kikoten ri isamaj. Chuqa' kan tuqasaj k'a kiq'ij ri e etzelanel iwichin, richin keri' man xkeyakatej ta chik pe chiwij.

Wuj Richin Bix Chire ri Dios 60:5

Tabana' utzil, kan ke'akolo' k'a ri kan e wajowan-pe, ke'akolo' k'a rik'in ri awuchuq'a' y kan tawak'axaj ri nuch'owen.

1 Sam 10:20

K'ari' ri Samuel xuben chi xejel-apo konojel ri tzobaj richin ri Israel y xchatej kan ri tzobaj richin ri Benjamín.

2 Sam 12:24

Chirij re' ri David xukuquba' ruk'u'x ri Betsabé ri rixjayil. Xk'oje' chik k'a jun bey rik'in, y rija' xk'oje' k'a jun chik ti ral. Y re ak'ual re' xubini'aj Salomón, y re' kan janila k'a xajowex roma ri Jehová.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

Wuj Richin ri Jeremías 12:7

Y ri Jehová xubij chik: Kan janila yenwajo' ri nuwinaq, jak'a wakami xtinmalij kan ri wachoch y chuqa' xkenmalij kan rije' y kan xkenjech kan pa kiq'a' ri e etzelanel kichin.