Deut 33:10 - Kaqchiquel Bible

¹⁰ Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

Deut 33:10 ပူးပေါင်းရင်းမြစ်များ

Wuj Richin Bix Chire ri Dios 51:19

K'ari' xtak'awomaj ri sipanik ri xkeya'ox chawe rat pa ruchojmilal; Y xtiqaben pa ruchojmilal ri sipanik ri yeporox jumul, k'ari' xtiporox ri nima-alaj achij wákix pa ruwi' ri porobel chawech rat.

Wuj Richin ri Chojmirisabelri'il 10:11

Y chuqa' ye'itijoj ri iwinaq rik'in ronojel pixa' ri nuya'on chiwe, ri kan iwichin rix ri nuya'on chik chire ri Moisés, xcha' ri Jehová.

Ez 43:27

Keri' xtiben chi wuqu' q'ij y ri ruwaqxaq q'ij, ri sacerdote xtikichop nikisuj ri chikop richin niporox jumul y ri kamelabel richin niq'alajirisan chi junan iwech wik'in. K'ari' xkixink'awomaj chik pe y kan xkixqa' chinuwech. Yin Jehová ri yibin, xcha' chuwe.

1 Sam 2:28

Chikikojol k'a konojel ri tzobaj richin ri Israel, yin xixincha' rix richin xixok nu-sacerdote richin nisuj kamelabel pa ruwi' porobel y niporoj pom chinuwech y richin nikusaj ri tzieq banon rik'in lino, retal ri isamaj. Y xinya' q'ij chike ri aj pa kachoch ri iwati't-imama' richin nikik'en kan juba' chire ronojel sipanik ri nikisuj ri nutinamit.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Wuj Richin ri Nehemías 8:18

Y ronojel k'a q'ij ri Esdras xusik'ij k'a ri wuj richin ri pixa', k'a toq xapon na ri ruwaq q'ij xqaben jun nimalej molojri'il achi'el nubij ri pixa'.

2 Crón 30:22

Ri Ezequías xumatioxij k'a chike ri e levita ri kan k'o nojibel kik'in richin xkiben re samaj re'. Kan xkitej k'a ri ti'ij ri xsuj richin kamelabel chupan ri wuqu' q'ij ri', y chuqa' ri ti'ij ri richin ri sipanik ri nuq'alajirisaj chi ri winaqi' junan kiwech rik'in ri Jehová.

2 Crón 26:18

Y xkipaba' k'a ki' chuwech ri rey Ozías, y xkibij chire: Rey Ozías, man naporoj pom chuwech ri Jehová, roma re samaj re' man ruk'amon ta chi rat yabano, ja roj ri oj sacerdote ri oj rijatzul kan ri Aarón ri oj cha'on kan richin niqaben. Katel-pe chiri' qajaw, chupan ri jay richin ri Dios, roma kan yamakun-wi chuwech ri Jehová, rija' kan man xtunimirisaj ta ri abi' roma ri naben, xecha' chire.

Deut 24:8

Rik'in juba' nipe ta chiwij jun itzel laj yabil ri nutaluj-ri' kan titaqej k'a ronojel ri nikibij ri e sacerdote levita chiwe ri nubin yin chike.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 16:40

Richin keri' xok kan jun natabel chikiwech ri winaqi' israelita, chi xaxe ri e rijatzul ri Aarón ri utz nikisuj pom chuwech ri Jehová. Y wi k'o jun xabachike wineq ri nibanon keri', kan xtuk'uluwachij k'a achi'el ri xuk'uluwachij ri Coré y ri e tzeqelibey richin. Kan kere' k'a ri xubij ri Jehová chire re tinamit roma ri Moisés.

Wuj Richin ri Chojmirisabelri'il 1:17

K'ari' nuchop pa taq ruxik' y nuper-qa juba'. Y ri sacerdote xtuporoj pa ruwi' ri si' ri k'o pa ruwi' ri q'aq', jun sipanik poron richin nijubulin chinuwech, xcha' ri Jehová.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Wuj Richin ri Chojmirisabelri'il 16:12

Chirij ri' nuk'uaj-apo jun porobel-pom ri k'o el racheq-q'aq' chupan, ri elesan-el chupan ri porobel richin kamelabel. Y chuqa' nuk'uaj-apo ka'i' moq' jubulej pom ri kan jebel chik jok'on ruwi'. Xtuk'uaj k'a ronojel re', y nok-apo k'a chirij ri tzieq ri tasbel rupan ri wachoch.

Wuj Richin ri Chojmirisabelri'il 16:13

Y xtuya' k'a ri pom pa ruwi' ri q'aq' toq k'o chik chinuwech yin, richin chi ri rusibil ri pom xtunojisaj ruwi' ri tz'apebel ruwi' ri káxa richin chi man nutz'et ta ri ruwi', y keri', man niken ta.

Deut 33:11

Ri nimalej Jehová, kan xtrurtisaj ta k'a ronojel ri xtiben, y xtuk'ul ta k'a rik'in kikoten ri isamaj. Chuqa' kan tuqasaj k'a kiq'ij ri e etzelanel iwichin, richin keri' man xkeyakatej ta chik pe chiwij.

Wuj Richin ri Esdras 7:10

roma ri Esdras kan xucha' ruk'u'x richin xunik'oj ri pixa' ri xuya' ri Jehová chike, chuqa' xuben ri nubij y xucha' chuqa' ruk'u'x richin yerutijoj ri ruwinaq.

Deut 27:14

Ri e levita xtikibij rik'in uchuq'a' ri ch'abel, y ri ch'aqa' chik winaqi' xtikik'uluba-pe ri kich'abel y xtikibij: Kan keri' wi. Y keri' k'a xtikiben rik'in ronojel ri ch'abel ri xtikibij. Y ja ch'abel re' ri xtikibij: Itzel xtiqaqa pa ruwi' ri wineq ri xtibanon wachibel y kan nuya' ruq'ij, stape' nuya' ri akuchi man tz'etel ta; roma re banobel re' kan man niqa' ta chuwech ri Jehová, Itzel xtiqaqa pa ruwi' ri wineq ri man nuya' ta kejqalen ri rute-rutata'. Itzel xtiqaqa pa ruwi' ri wineq ri xtijel-apo pa k'ulba't richin numej kan juba' rulew ri k'o chunaqaj. Itzel xtiqaqa pa ruwi' ri wineq ri xtuben chire jun moy chi nujel rubey. Itzel xtiqaqa pa ruwi' ri wineq ri man nuben ta pa ruchojmilal rik'in ri jun ri man ruwinaq ta, ri meba' o ri malka'n. Itzel xtiqaqa pa ruwi' ri xtik'oje' rik'in ri rixjayil ri rutata', roma xtuqasaj ruq'ij ri rutata'. Itzel xtiqaqa pa ruwi' ri wineq ri xtik'oje' rik'in jun chikop. Itzel xtiqaqa pa ruwi' ri xtik'oje' rik'in ri yijrana'. Itzel xtiqaqa pa ruwi' ri xtik'oje' rik'in ri rujite'. Itzel xtiqaqa pa ruwi' ri wineq ri nikamisan richin jun chik wineq stape' pan ewel. Itzel xtiqaqa pa ruwi' ri wineq ri nuk'ul méro richin nukamisaj jun wineq ri xa man jun rumak. Itzel xtiqaqa pa ruwi' ri wineq ri man xtiniman ta y man xtutaqej ta ri ch'abel richin ronojel ri pixa'.

Wuj Richin ri Hageo 2:11

Ri Jehová ri k'o ronojel uchuq'a' pa ruq'a' nuk'utuj chiwe rix sacerdote, pa ruwi' ri rupixa'.

Wuj Richin ri Hageo 2:12

Wi k'o ta jun ri nuk'uaj chupan ri rutziaq, juba' ti'ij ri kan ch'aron chik y ri tzieq ri' chaq k'ate' xik'o-el rik'in jun kaxlan-wey, o jun q'utun chaq'arisan, ri vino, ri aceite, o xabachike na jun chik ri nitij, ronojel re', ¿xke'ok kami ch'aron chuqa'? Y ri sacerdote xkibij chi man keri' ta.