Deut 32:7 - Kaqchiquel Bible

⁷ Toqaqa k'a chi'ik'u'x ri ojer kan toq xtz'ukutej-pe ri qatinamit, y kan tich'obo' k'a kij jebel ri juna' ri e q'axineq chik kan. Tik'utuj chike ri ite-itata' richin chi tikitzijoj chiwe, y chuqa' tik'utuj chike ri e rijita'q taq achi'a' ri kan k'o kiq'ij richin chi tikitzijoj chiwe.

Deut 32:7 ပူးပေါင်းရင်းမြစ်များ

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

Wuj Richin ri Isaías 46:9

Toqaqa k'a chi'ik'u'x ronojel banobel ri xebanatej ojer kan. Ja yin ri Dios, y man jun chik achi'el yin. Yin ri Dios y kan man jun chik dios k'o.

Deut 4:32

Tik'utuj k'a chirij ri ojer kan, kan k'a ja toq ri Dios xutz'uk-pe ri achin chuwech re ruwach'ulew. Kixbiyin k'a, k'a pa rutikeribel y k'a pa ruk'isibel chire ri ruwach'ulew richin nik'utuj wi k'o jun bey k'uluwachitajineq re nimalej banobel re'.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

Ex 13:14

Y toq ri chua'q-kabij xtikik'utuj chiqe ri qalk'ual chi achike roma kere' niqaben, roj xtiqabij k'a chike: Roj janila k'a k'iy juna' ri xojyuqe' pa samaj ri pan Egipto y k'a ja na ri Jehová ri xkolon-pe qichin, rik'in ri nimalej ruchuq'a' rija'.

Wuj Kichin ri To'onela' 6:13

Ri Gedeón xubij chire: Wajaw yin, wi ri Jehová k'o qik'in roj, ¿achike k'a roma toq niqaq'axaj ronojel re'? ¿Akuchi k'o-wi ri meyel taq banobel, ri kitzijon kan ri qati't-qamama' toq xkibij chi ri Jehová xerelesaj-pe pan Egipto? ¿Wakami achike k'a roma toq oj rumalin kan y oj rujachon pa kiq'a' ri aj-Madián?, xcha'.

Wuj Richin Bix Chire ri Dios 119:52

Xoqaqa k'a chinuk'u'x ri pixa' ri xe'aya' ojer, y yin kan rik'in k'a ri' nukuquban-wi nuk'u'x.

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin Bix Chire ri Dios 10:6

Kan nubij k'a qa pa ránima: Yin man jun xtitzaqon wichin; stape' xtibe-q'ij xtibe-seq, man jun ruk'ayewal xtinwil, nicha-qa.

Ex 12:26

Rik'in juba' ri iwalk'ual xtikik'utuj chiwe: ¿Achike roma ninimaq'ijuj re q'ij re'?

Wuj Richin Bix Chire ri Dios 78:5

Rija' xuya' pixa' chiqe roj ri oj rijatzul kan ri Jacob. Ri rupixa' kan xuya' k'a chiqe roj qonojel. Y xubij k'a chike ri qate-qatata' chi tikik'utu' chikiwech ri kalk'ual,

Deut 8:2

Y toqaqa k'a chi'ik'u'x ri tijoj-poqonal ri xqak'owisaj-pe toq xojruk'en-pe ri Jehová ri qa-Dios re kawineq juna' re', chupan re tz'iran ruwach'ulew, richin xqetamaj ta ri qasanri'il chuwech rija' y richin xojrutejtobej, chuqa' richin xretamaj ri achike k'o pa qánima y wi niqayek ri rupixa' o ni.

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.