Deut 32:51 - Kaqchiquel Bible

⁵¹ Roma rix ix ka'i' xixmakun chinuwech chikikojol ri iwinaq, man xinimaj ta nutzij chiri' chuchi' ri ya' Meribá-cadés pa tz'iran ruwach'ulew Sin, y man xiya' ta nuq'ij chikiwech rije'.

Deut 32:51 ပူးပေါင်းရင်းမြစ်များ

Wuj Richin ri Q'axanri'il 27:14

Roma chi ix ka'i' rix kan man xinimaj ta nutzij ri chiri' pa tz'iran ruwach'ulew Sin ri chiri' chuchi' ri ya' pa Meribá ri k'o pa Cadés, toq ri winaqi' xeyakatej richin xkich'ojij kiya' y rix kan chikiwech ri winaqi' xiben-wi chi achi'el xa man jun ok nuq'ij, xcha' ri Jehová.

Wuj Richin ri Q'axanri'il 20:24

Rat Aarón yabeken yan, y man xkatok ta chupan ri ruwach'ulew ri nusujun chike ri awinaq israelita, roma rix ix ka'i' xiq'ej ruwi' ri nuch'abel, ri chiri' akuchi xk'oje-wi kan ri ralaxbel-ya' Meribá.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

Wuj Richin ri Isaías 8:13

Kan xaxe yin Jehová ri k'iytisanel richin ronojel, tabana' chuwe chi yin in loq'olej. Kan xaxe yin ri k'o nuq'ij y wejqalen, y kan chinuwech k'a yin taxibij-awi'.

Wuj Richin ri Josúe 15:1

Ri ruwach'ulew ri xuk'ulumaj rik'in sakinik ri tzobaj richin ri Judá, xya'ox k'a chike achi'el ri kajlabal chi kach'alal-ki', y ri kik'ulba't nitiker-el chuchi' ri ruwach'ulew Edom, y ri pa xokon napon rik'in ri tz'iran ruwach'ulew nibix Sin chire, jari' ruchi' ri xokon.

Ez 47:19

Ri k'ulba't ri k'o pa xokon nitiker-el rik'in ri tinamit Tamar y choj nibe pa qajbel-q'ij. Niq'ax-el rik'in ri alaxibel-ya' Meribá-cadés y napon k'a pa ti ch'uti'n raqen-ya' richin Egipto y napon k'a pa palou.