Deut 32:49 - Kaqchiquel Bible

⁴⁹ Kabiyin pa ruwi' taq juyu' Abarim, y kajote-el pa ruwi' ri jun chike ri juyu' Nebo ri k'o wawe' pa ruwach'ulew Moab. Tatz'eta' ri juk'an chik chire ri raqen-ya' Jordán, pa ruchojmilal ri Jericó, y tatz'eta' ri ruwach'ulew Canaán ri xtinbenya' chike ri awinaq richin nikichinaj.

Deut 32:49 ပူးပေါင်းရင်းမြစ်များ

Wuj Richin ri Q'axanri'il 27:12

Y chirij re', ri Jehová xubij chire ri Moisés: Kajote-pe re chuwi' taq juyu' richin ri Abarim y xtatz'et ri ruwach'ulew ri xtinbenya' chike ri awinaq.

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

Wuj Richin ri Isaías 33:17

Rix k'a nuwinaq kan xtitz'et k'a ri ruwech ri qa-rey ri k'o ruq'ij. Chuqa' xtitz'et chi ri rajawaren kan xtapon k'a janila nej.

Hechos 7:45

Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

Wuj Richin ri Chojmirisabelri'il 14:34

Jare' ri ruchojmilal re ninya' yan chiwe richin niben toq ixk'o chik chupan ri ruwach'ulew Canaán: Wi ta yin ninben chi nibek'ulun-pe pus pa jun jay y ri pus ri' nutaluj-ri'.

Deut 3:27

Kajote-el pa ruwi' ri juyu' Pisgá, y katzu'un ri pa xaman, ri pan xokon, ri pa relebel-q'ij y ri pa qajbel-q'ij y tatzu' kan jebel, roma rat kan man xkaq'ax ta apo juk'an chire ri raqen-ya' Jordán.

Wuj Richin ri Jeremías 22:20

Rix ri aj-Jerusalem, ¡Kixjote-el pa ruwi' ri juyu' richin Líbano, kixbiyin pa ruwach'ulew Basán o pan Abarim! y chiri' tiraqa' ichi' roma konojel ri ye'ajowan iwichin, kan xech'akatej yan.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.