Deut 32:46 - Kaqchiquel Bible

⁴⁶ xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Deut 32:46 ပူးပေါင်းရင်းမြစ်များ

1 Crón 22:19

Roma ri' kan rik'in k'a ronojel iwánima y rik'in kikoten, tikanoj ri Jehová ri qa-Dios. Xtipaba' k'a q'anej ri rachoch ri Dios richin xtibeq'axex-pe ri káxa richin ri rujikibel-tzij chiri', y chuqa' ronojel ruwech samajibel ri e ch'aron richin ri jay ri', xcha'.

Ez 40:4

Y ri achin ri' xubij chuwe: Rat Ezequiel, kan tatz'eta' y tawak'axaj jebel ronojel ri nink'ut chawech. Taya' k'a axikin y kan taya' awech chire, roma xa kan richin ri' ri at k'amon-pe re wawe'. Y xeri' xtabebij ronojel chike ri awinaq israelita.

Deut 11:18

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Hebreos 2:1

Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

San Lucas 9:44

Tiwak'axaj k'a jebel re tzij re', y man k'a timestaj: Yin ri xiqaqa-pe achi'el wineq chi'ikojol, xkijach k'a pa kiq'a' ri winaqi', xcha'.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Deut 4:6

Kan tik'oje' chi'ik'u'x y kan tibana', rik'in re' kan xtik'ut chikiwech konojel ri winaqi' chi k'o ina'oj y k'o iwetamabal. Rije' xtikak'axaj k'a ronojel re pixa' re' y xtikibij: Kan qitzij chi re winaqi' re' kan k'o-wi kina'oj y kan jebel niq'ax chikiwech ronojel, kan e jun nimalej ruwach'ulew, xkecha'.

Deut 32:45

Y toq xtane-qa chubixik ri ch'abel richin ri bix chikiwech ri ruwinaq,

Wuj Richin Etamabel-Tzij 12:28

Chupan k'a ri rubey ri wineq ri choj, kan nilitej-wi k'aslen; jak'a chupan ri rubey ri wineq ri nuben xaxe ri nrajo' rija', nilitej kamik.

Ez 44:5

K'ari' ri Jehová xubij chuwe: Rat Ezequiel, kan tajaqa' jebel ri runaq' taq awech y tawak'axaj jebel ronojel ri xtinbij chawe chirij ri ruchojmilal richin ri wachoch. Kan tatz'eta' k'a jebel ri achike ruk'amon ri ye'el-ye'ok chupan ri wachoch.

Am 5:4

Yin Jehová kere' ninbij chiwe rix israelita: Titzolej-pe ik'u'x wik'in yin y xkixk'ase' chi utzil.

Deut 11:19

Ke'itijoj k'a ri iwalk'ual chire re ch'abel re' toq ixk'o pa taq iwachoch, toq ix beneq pa taq bey, toq yixkotz'e-qa y toq yixyakatej-el.

Wuj Richin Bix Chire ri Dios 78:5

Rija' xuya' pixa' chiqe roj ri oj rijatzul kan ri Jacob. Ri rupixa' kan xuya' k'a chiqe roj qonojel. Y xubij k'a chike ri qate-qatata' chi tikik'utu' chikiwech ri kalk'ual,