Deut 32:39 - Kaqchiquel Bible

³⁹ Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Deut 32:39 ပူးပေါင်းရင်းမြစ်များ

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Wuj Richin ri Achin Job 5:18

Roma rija' nisokon, y nupis chuqa' ri sokotajik; rija' nich'ayon rik'in tijoj-poqonal y nuya' ri raq'omal.

Wuj Richin ri Isaías 45:5

Ja yin Jehová y kan man jun chik. Kan man jun chik Dios k'o. Yin kan xtinya' awuchuq'a', stape' rat man jani awetaman ta nuwech.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 43:13

Ja yin ri' ri in Dios richin jantape', y man jun xtitikir xtukol-ri' pa nuq'a'. Toq k'o ninben, man jun xtitikir xtiyojo.

Wuj Richin ri Isaías 46:4

Y kan keri' xtinben iwik'in k'a ja toq xkixrijix na, y toq xtibesaqir-pe ri rusumal-iwi' kan k'a xkixinto' na. Yin xibanon iwichin, kan k'a xkixinto' na, xkixinwilij y xkixinkol.

Wuj Richin ri Isaías 45:18

Roma keri' ri Jehová nubij: Ja yin ri xibanon ri kaj y ri ruwach'ulew. Kan xinya' rutz'uyubal, y kan xinben richin ri winaqi' yek'oje' chuwech. Ja yin Jehová, y kan man jun chik achi'el yin.

Wuj Richin Bix Chire ri Dios 68:20

Ri Dios, ri kan qa-Dios roj, jari' ri xtikolon qichin. Ri Jehová ri qajaw, xqojrujech'ej chuwech ri kamik.

Wuj Richin ri Isaías 41:4

¿Achike ta k'a banayon ronojel re'? ¿Achike ta k'a ri kan pa rutikeribel xuben ronojel re? Ja yin Jehová, ri xik'oje-pe ojer, y ri xkik'oje' ri chiwech apo.

Wuj Richin Bix Chire ri Dios 50:22

Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Deut 4:35

ronojel re' xuk'ut chiqawech richin niqetamaj chi ri Jehová kan jari' ri Dios y kan man jun chik achi'el rija'.

2 Rey 5:7

Toq ri rey richin Israel xusik'ij re wuj re', kan xuretz k'a ri rutziaq chirij, y xubij: ¡Yin, man in Dios ta richin ninya' ruk'aslen re achin re', ni richin ninwelesaj ruk'aslen. ¿Achike k'a roma wik'in yin xuteq-pe richin chi nink'ach'ojirisaj-el chire ri ruyabil? Titz'eta' na pe, ri rey richin Siria kere' xuben xaxe roma nrajo' chi niyakatej-pe chiqij, xcha'.

Wuj Richin Bix Chire ri Dios 102:27

Jak'a rat nimalej Dios kan man yajalatej ta k'a. Rat kan man jun bey k'a xkak'is.

Wuj Richin ri Achin Job 10:7

Stape' rat kan jebel awetaman chi yin kan man in aj-mak ta, man rik'in ri' kan pan aq'a' ink'o-wi, y man jun ri xtitikir xtikolon wichin.

Apocalipsis 2:8

Y chuqa' xubij chuwe chi tintz'ibaj el chire ri ángel kichin ri molaj nimanela' ri chiri' pan Esmirna y tinbij-el; chi ri kan k'o pe pa rutikeribel y pa ruk'isibel, ri xkamisex y xk'oje' chik ruk'aslen kere' nubij:

Wuj Richin ri Miqueas 5:8

Keri' chuqa' ri xkekolotej kan chire ri qawinaq, ri kitalun-ki', xkeyakatej chikij ri e etzelanel kichin achi'el jun koj ri niyakatej chikij ri chikopi' ri ek'o pa k'echelaj. Xkekik'is achi'el jun koj ri yeruwech' ri q'ataj karne'l, y kan yeruk'is konojel. Y kan man jun xtitikir xtuto-ri' chuwech.

Wuj Richin ri Isaías 48:12

Kiniwak'axaj k'a rix israelita, roma kan xixinwoyoj. Kan xaxe yin Jehová, ja yin ri xik'oje' pa nabey, y ja yin ri xkik'oje' pa ruk'isibel.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

Hebreos 1:12

Rat kan xtaben k'a chire ronojel achi'el jun tzieq ri xa nijal kan y kan yejalatej k'a el. Jak'a rat kan man yajalatej ta. Rat kan man jun bey k'a xkak'is.

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Ex 4:7

Y ri Dios xubij k'a chire: Taju' chik apo jun bey la aq'a' chuwa-ak'u'x, xcha'. Y rija' xuju' chik apo jun bey ri ruq'a', y toq xrelesaj-pe ri ruq'a', kan utz chik, achi'el ri pa nabey.

Ex 15:26

Y xubij: Wi kan qitzij xtiwak'axaj ri nuch'abel yin Jehová ri i-Dios, y kan xkixbiyin choj chinuwech, y kan xtiben ronojel ri nubij ri pixa' y kan xtiyek pan iwánima, kan man jun k'a yabil xtinteq-pe pan iwi' achi'el ri xinteq pa kiwi' ri aj-Egipto, roma ja yin Jehová ri in aq'omanel iwichin, xcha' ri Jehová.

Deut 32:12

Kan xaxe ri Jehová ri xok uk'uey kibey rije', y man ja ta ri dios kichin ri tinamit.

Wuj Richin Bix Chire ri Dios 18:31

Roma ri' xa kan xaxe k'a ri Jehová ri Dios k'o. Kan man jun chik achike ta xtito'on qichin.

Wuj Richin Bix Chire ri Dios 51:8

Tabana' chuwe chi kan xkikikot chik. Kan ta k'a xkich'uch'u' chik chire ri q'axo'n ri aya'on chuwe.

Wuj Richin Bix Chire ri Dios 86:10

Roma rat kan janila at nim, y kan ye'abanala' nima'q taq banobel. ¡Kan xaxe rat ri at Dios!

Wuj Richin ri Isaías 19:22

Y kan keri' k'a ri Jehová kan xkerukol toq xuya' yan ri ruk'ayewal pa kiwi'. Rije' kan xtitzolin-pe kik'u'x rik'in, y rija' kan xtujoyowaj kiwech y kan xkeruto'.

Wuj Richin ri Isaías 30:26

Y ri rusaqil ri ik' kan achi'el rusaqil ri q'ij, y ri rusaqil ri q'ij kan wuqu' mul más seq chuwech ri kan rubanon-pe. Ja q'ij ri' ri Jehová kan xtraq'omaj y xtupis ri isokotajik rix.

Wuj Richin ri Isaías 43:10

Jak'a rix israelita ri ix tz'eteyon ronojel, rix nusamajela' ri xixincha' yin, richin chi rix niwetamaj nuwech yin, y richin nikuquba' ik'u'x wik'in, y niq'ax chiwech chi ja yin Jehová. Pa nabey chuwe yin man jun dios xk'oje', y chuwij yin man jun chik dios xtik'oje'.

Ez 37:3

K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.

Ez 37:12

Roma ri' pa nubi' k'a yin kach'on kik'in y tabij re jun rutzijol re' chike: Yin xtinben chiwe chi xkixinwelesaj-pe akuchi ix muqun-wi y xtinben chiwe richin xkixtzolej chik pan iruwach'ulew.

Deut 7:9

Kan tiwetamaj k'a chi ri Jehová ri qa-Dios jari' ri qitzij Dios y kan nuben ri nubij achi'el ri rutzij ri rujikiban, y kan nujoyowaj iwech ri yixajowan richin y nitaqej ri rupixa' ri richin jantape', stape' yeq'ax janila chi sol winaqi' chuwech ri ruwach'ulew.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin ri Achin Job 10:13

K'a wakami k'a niq'ax chinuwech chi yakel pan awánima; kan xinwetamaj k'a chi kan k'o chuqa' chupan ri anojibal.

Wuj Richin Bix Chire ri Dios 102:28

Ri e kijatzul ri yesamajin awichin kan kuqul k'a kik'u'x xkek'ase'. Kan chawech k'a rat xkek'oje-wi ronojel sol winaqi' ri'.

Wuj Richin ri Molojri'il 3:3

Napon k'a ruq'ijul richin kamisanik, y chuqa' napon ruq'ijul richin nawaq'omaj richin nakol chuwech ri kamik. Napon k'a ruq'ijul richin wulanik, y chuqa' napon ruq'ijul richin rupabaxik.

Wuj Richin ri Isaías 43:12

Yin xinbij chiwe chi yixinkol, y kan xinben. Xink'ut-wi' chiwech toq man jani k'o ta chik jun dios chi'ikojol. Ja rix ri ix tz'eteyon wichin chi ja yin Jehová ri in Dios.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.