Deut 32:36 - Kaqchiquel Bible

³⁶ Toq ri Jehová xtutz'et chi ri iwuchuq'a' xa xk'is yan y man yixtikir ta chik nito-iwi', jari' toq xtiyakatej rija' richin xkixruto'. Y toq xtutz'et chi kan man jun chik nito'on iwichin y jujun chiwe rix ix ximil chik pa samaj, jari' toq xtujoyowaj iwech rix rusamajela'.

Deut 32:36 ပူးပေါင်းရင်းမြစ်များ

Wuj Richin Bix Chire ri Dios 135:14

Roma rat kan naq'et k'a tzij pa ruwi' ri atinamit. Kan najoyowaj k'a qawech roj ri oj asamajela'.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

2 Rey 14:26

Y ri Jehová xutz'et k'a ri nimalej poqonal ri nuk'owisaj ri tinamit Israel, y chiri' kan man jun nikolon kichin, stape' jun samajel yuqul pa samaj o man samajel ta.

1 Rey 14:10

Roma k'a ronojel re' xtinya-pe ruk'ayewal pan iwi' rix ri ix aj pa rachoch ri Jeroboam; xkenk'is k'a konojel achi'a' ri e aj pan awachoch, y kan man jun k'a xtitotej kan, stape' yuqul o man yuqul ta pa samaj. Y keri' xkixinmes-el jumul chi'iwonojel, achi'el toq nimes-el q'ayis kichin ri chikopi'.

Wuj Kichin ri To'onela' 2:18

Ri Jehová kan xujoyowala' k'a kiwech ri winaqi' toq rije' xesik'in roma janila k'iy bey xetz'ilox, y roma ri' xeruya' ri to'onela' chikikojol. Y ri Jehová kan xeruto' k'a ri to'onela', y rokik xek'ase-el rije', ri winaqi' kan xekolotej-wi pa kiq'a' ri eleq'oma'.

Hebreos 10:30

Y roj qetaman k'a achike ri biyon chi pa ruq'a' rija' k'o-wi ri ruk'ayewal, y nuya' rutojbalil chike ri yemakun. Chuqa' chupan ri ruch'abel ri Dios nubij: Ri ajaw xtuq'et-tzij pa ruwi' ri rutinamit, nicha'.

Am 7:6

K'ari' ri Jehová xujoyowaj qawech y xubij chi man xtik'uluwachitej ta.

Am 7:3

K'ari' ri Jehová xujoyowaj qawech y xubij chi man xtik'uluwachitej ta.

Joel 2:14

Rik'in juba' rija' xa nutzolij-ri' chirij, y xtuya' kan urtisanik pa qawi'; richin keri' xtik'oje' chik ri vino y ri jalajoj ruwech ixin richin niqaya-apo ri sipanik chire rija'.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Wuj Richin Bix Chire ri Dios 96:13

Ronojel k'a re' tiqabana' chuwech ri Jehová ri xtipe. Kan xtipe k'a richin noruq'ata-tzij pa ruwi' ri ruwach'ulew. Rik'in k'a ruchojmilal xtuq'et-tzij pa qawi' qonojel ri ojk'o chuwech re ruwach'ulew. Xtuq'et-tzij pa kiwi' ri tinamit rik'in ri ruch'abel rija'.

Wuj Richin Bix Chire ri Dios 90:13

¿K'a janipe' k'a xkape chik Jehová richin no'aya' chik ri awutzil pa qawi'? Tabana' utzil tik'o-qa ri awoyowal chiqij roj ri oj asamajela'.

Wuj Richin Bix Chire ri Dios 50:4

Rija' xkeroyoj k'a ri kaj y ri ruwach'ulew, xkeroyoj richin tikitz'eta' toq xtuq'et-tzij pa ruwi' ri rutinamit.

Wuj Richin Bix Chire ri Dios 7:8

Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

2 Rey 9:8

Keri' xkek'is konojel ri e rijatzul kan ri Acab; Kan xkek'is k'a konojel ri achi'a' ri e richin rija'; stape' ri e yuqul pa samaj rik'in o ri man yuqul ta pa samaj.

1 Rey 21:21

Roma ri' ri Jehová Dios rubin-pe: Yin xtinteq-pe ruk'ayewal pan awi', y kan xkenk'is k'a el jumul konojel achi'a' ri aj pan awachoch y ri asamajela' ri e yuqul pa samaj. Kan xkatinwelesaj k'a el jumul pa tinamit Israel.

Wuj Richin ri Chojmirisabelri'il 26:43

Rokik k'a ri iwijatzul ek'o chupan ri kiruwach'ulew ri etzelanel kichin, k'o chi xtitole' k'a kan ri iruwach'ulew rix richin xtuxlan. Jari' k'a toq rije' xtoqaqa chikik'u'x chi ek'o pa ruk'ayewal roma ri kimak, y chuqa' roma man xkiya' ta rejqalen ri nupixa' y man xkinimaj ta ri xinbij chike.

Wuj Richin ri Jeremías 20:11

Jak'a rat Jehová atk'o wik'in yin. Ja rat at nukolonel ri k'o nimalej uchuq'a' awik'in. Roma ri' ri e etzelanel wichin kan xkech'akatej. Y man xketikir ta xkinkich'ek. Xa ja rije' ri xkek'ixbitej y kan xtaqasaj kiq'ij richin jantape'.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.

Wuj Richin ri Jeremías 42:10

Wi rix xkixk'oje-qa chupan re ruwach'ulew re', yin xtinpaba' chik q'anej y man jun bey chik xtinwulaj. Kan xkixinya' wawe' y man xkixinwelesaj ta el roma kan janila yibison roma kere' xinben chiwe.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Joel 2:18

Jari' k'a toq ri Jehová xtujoyowaj chik jun bey ruwech ri ruwach'ulew y xtukuy k'a kimak ri ruwinaq.