Deut 32:35 - Kaqchiquel Bible

³⁵ Juba-apo ri e etzelanel qichin xtikik'ul ri rutojbalil ri ruk'amon. Chaq k'ate' rije' xkejilijo' y xketzaq. Y kan chi'anin k'a xkek'is jumul.

Deut 32:35 ပူးပေါင်းရင်းမြစ်များ

Romanos 12:19

Rix ri yalan yixinwajo', ninbij k'a chiwe chi wi ek'o ri yebanon itzel chiwe, man tiben ruk'exel chike. Xa tiya' pa ruq'a' ri Dios, roma ja rija' ri xtiya'on rutojbalil ri itzel taq kibanobal, kan achi'el ri nubij ri ruch'abel ri Dios ri tz'ibatel kan:*f47* Pa nuq'a' yin k'o-wi ri ruk'ayewal y ninya' rutojbalil chike ri yemakun, nicha'.

Hebreos 10:30

Y roj qetaman k'a achike ri biyon chi pa ruq'a' rija' k'o-wi ri ruk'ayewal, y nuya' rutojbalil chike ri yemakun. Chuqa' chupan ri ruch'abel ri Dios nubij: Ri ajaw xtuq'et-tzij pa ruwi' ri rutinamit, nicha'.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Jeremías 23:12

Roma ri' xtinben chi ri kibey janila liq', richin chi xkejilijo'. Y xkenteq pa jun nimalej q'equ'm akuchi man ink'o ta yin. Keri' toq xtinya-pe nimalej ruk'ayewal pa kiwi'. Yin Jehová ri yibin.

Wuj Richin Bix Chire ri Dios 94:1

Nimalej Jehová, ri yaya'on rutojbalil ronojel ri mak, kan tak'utu' k'a awi' rat richin naya' rutojbalil-mak.

Deut 32:43

Rix ch'aqa' chik tinamit kixkikot k'a qik'in, roma ri Jehová xtuya' rutojbalil ri kimak ri e etzelanel qichin, roma rije' xekikamisaj jujun chiqe roj ri rusamajela'. Ri Jehová ri Dios kan xtuya' k'a ruk'exel chike ri e etzelanel richin, y roj xtijunamatej chik qawech rik'in, y rija' chuqa' utz chik xtutz'et ri qaruwach'ulew, xcha' ri Moisés.

1 Pedro 2:8

Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin ri Jeremías 6:21

Roma ri' ninya' k'a pikbel pan ibey rix richin chi'iwonojel xkixtzaq; chi te'ej-tata'aj, chi alk'ualaxela', ri e iwachk'uljay y ri iwachpochel. Yin Jehová ri yibin.

Romanos 13:4

Roma rije' kan ja ri Dios ri e yoyon, richin yojkisamajij roj. Jak'a wi niqaben ri man utz ta, tiqaxibij-qi' chikiwech, roma ja rije' xkeya'on ruk'ayewal pa qawi'. Kan e ya'on-wi roma ri Dios richin nikiya' ruk'ayewal pa kiwi' ri e banoy taq etzelal.

Wuj Richin ri Isaías 60:22

Chukojol ri nima'q taq tzobaj iwichin rix, ri tzobaj ri janila ko'ol ok, kan janila xkek'iyer. Y re tzobaj re' kan xke'ok k'a nimalej taq tzobaj winaqi'. Ja yin Jehová. Yin xtinben chi xtibanatej chi'anin y pa ruq'ijul, ncha'.

Wuj Richin ri Isaías 8:15

Kan janila e k'iy winaqi' ri xtikipajk'ij kaqen. Xketzaq y xkek'is. Chuqa' kan e k'iy xkeqaqa chupan ri pajk'ibel ri', y kan chiri' xkek'oje-wi kan, xcha' ri Dios.

Wuj Richin ri Isaías 5:19

Rix kan nitze'ej ri Jehová y nibij chi tipe yan chi'anin richin ri nrajo' nuben, kan tubana', richin chi nitz'et rix. Rix chuqa' nibij chi kan tubana' k'a ri ruch'obon richin niq'ax chiwech.

Wuj Richin Etamabel-Tzij 4:19

Jak'a ri kibey k'a ri winaqi' aj-maki', kan q'equ'm-q'equ'm k'a y roma ri' kan man xtiketamaj ta ri akuchi xketzaq-wi roma nikipajk'ij-kaqen.

Wuj Richin ri Rutikeribel 4:23

Y ri Lámec xch'on k'a kik'in ri rixjayil y xubij chike: Adá y Silá, tiwak'axaj k'a re xtinbenbij chiwe: Yin xinchoy jun wineq roma xirusok, kan xinkamisaj k'a kan re ala' re' roma xiruch'ey.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Chojmirisabelri'il 19:18

Man tiben ruk'exel chike ri yebanon itzel chiwe rix, ni man k'a tich'upun ik'u'x chikij ri iwinaq; xa kan tiwajo-iwi', achi'el niwajo-qa-iwi' rix. Yin Jehová ri yibin.

1 Sam 26:10

Kan k'es ri Jehová, chi kan ja rija' ri xtikamisan richin toq xtapon ruq'ij y xtiken, o toq xtibe pa jun oyowal chiri' xtiken-wi.

2 Rey 9:7

Rat kan xke'ak'is k'a ri e rijatzul kan ri Acab, richin chi niqaqa pa kiwi' rije' ri xkiben chike ri nusamajela' ri e q'alajirisey ri nuch'abel, toq ri Jezabel xuben chi xbiyin kikik'el.

Wuj Richin ri Jeremías 8:12

Rije' ruk'amon ta richin nik'oje' kik'ix, roma ri itzel taq kibanobal. Jak'a rije' xa maneq kik'ix. Roma ri' toq xtinya' rutojbalil-mak pa kiwi', kan xtikipajk'ij kaqen y xketzaq achi'el ri ch'aqa' chik. Yin Jehová ri yibin.

Wuj Richin ri Jeremías 20:11

Jak'a rat Jehová atk'o wik'in yin. Ja rat at nukolonel ri k'o nimalej uchuq'a' awik'in. Roma ri' ri e etzelanel wichin kan xkech'akatej. Y man xketikir ta xkinkich'ek. Xa ja rije' ri xkek'ixbitej y kan xtaqasaj kiq'ij richin jantape'.

Wuj Richin ri Jeremías 51:56

Xkepe k'a richin nokik'isa' ri ruwach'ulew Babilonia. Xkekichop ri aj-labal y kan xtikiq'ej ri kik'aqbal-ch'ab. Roma yin Jehová in jun Dios ri kan chike chikijujunal ninya' ri rutojbalil-mak ri kan ruk'amon.

Ez 7:5

Yin Jehová ri ink'o pa ruwi' ronojel, kan xtinya-pe jun nimalej wululen chiwij y chirij chik ri' xtipe chik jun.

Os 13:12

Ri rumak ri tinamit Israel kan tz'ibatel k'a kan, kan yakel k'a kan ri rumak.

2 Sam 22:48

Ja ri Dios ri niya'on ri rutojbalil pa kiwi' ri e etzelanel wichin. Ja rija' ri yejachon pa nuq'a' ri winaqi' ri man nikitzeqelibej ta rija'.

Wuj Richin ri Isaías 13:22

Ri utiwa' xkewuyin chupan ri jay richin tobel, y xkek'ase' chupan ri rachoch kan ri rey. Kan napon yan k'a ri q'ij richin nibek'is ri tinamit Babilonia; kan man k'iy ta chik k'a q'ij xtik'oje' kan, nicha' ri Jehová.