Deut 32:32 - Kaqchiquel Bible

³² Rije' ruyon etzelal xekiben achi'el xekiben ri tinamit Sodoma y Gomorra. Y ri' xa nuk'eyurisaj ri kik'aslen.

Deut 32:32 ပူးပေါင်းရင်းမြစ်များ

Deut 29:18

Wakami k'a man jun tuch'er kan ri' y numestaj ta kan ri Jehová ri qa-Dios, ni ta achi'a', ni ta ixoqi', ni ta ri alk'ualaxela' y ni ta ri iy-mam y ri ach'alalri'il ri richin ri tinamit, richin ye'isamajij y niya' kiq'ij ch'aqa' chik dios kichin ri winaqi' ri e richin ri ruwach'ulew ri'; roma wi k'o jun nibanon keri' chi'ikojol xa kan nok k'a achi'el ruxe' che' ri k'ey-k'ey y nikamisan.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Wuj Richin ri Jeremías 2:21

Yin xixinya' k'a chuwech re ruwach'ulew achi'el ri uva ri más jebel, achi'el ri ija'tz richin ri uva ri más jebel. Jak'a rix xa kan janila ix yojtajineq chik y kan man ninwetamaj ta chik iwech.

Wuj Richin ri Isaías 5:4

¿Achike k'a ri man ta xitikir xinben rik'in ri nutiko'n? ¿Achike roma toq kan woyoben chi nuya' ta pe uva ri kan jebel ki' y xa xuya-pe ch'amilej-uva?

Hebreos 12:15

Titz'eta' jebel chi man jun ta ri man ta nuqi' ri rutzil ri Dios. Richin chi man jun tok achi'el jun q'ayis ri k'ey-k'ey ruxe', ri xa nuben ch'aoj y nusech kik'u'x e k'iy.

San Mateo 11:24

Roma ri' ninbij chi toq xtapon ri q'ij chi nibanatej ri q'atoj-tzij, kan más k'a xtik'o ruwi' ri ruk'ayewal ri xtiqaqa pan iwi' rix ke chuwech ri ruk'ayewal ri xtiqaqa pa kiwi' ri aj-Sodoma, xcha'.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Deut 32:33

Y ri xekiben rije' xa ruk'amon-pe kamik.

Wuj Richin ri Achin Job 14:17

Ri nuxolq'otij ri atzij rat, xa kan yatikir naben chire chi achi'el najitz' ruwi' pa jun costal; xa kan yatikir namatzej ruwi' ri numak.

Wuj Richin ri Jeremías 23:14

Chuqa' chikikojol ri nikibananej chi e q'alajirisey nuch'abel ri ek'o pa Jerusalem, nutz'eton ri itzel banobel ri nikiben chi xkijech-ki' kik'in ri kixjayilal y xekikanoj ch'aqa' chik ixoqi'. Xaxe tz'ukun taq tzij nikiben y kan yekito-apo ri e banoy taq etzelal richin man jun nuch'er kan ri' chubanik ri etzelal. Chinuwech yin konojel rije' e achi'el ri winaqi' richin ri tinamit Sodoma y Gomorra.