Deut 32:3 - Kaqchiquel Bible

³ Yin kan xtintaluj rutzijol ri nuben ri Jehová; y rix ri rutinamit kan tiya' k'a ri ruq'ij chuqa'.

Deut 32:3 ပူးပေါင်းရင်းမြစ်များ

1 Crón 17:19

Jehová, roma ri nimalej ajowabel ri k'o pan awánima kan xajikiba' k'a ri xasuj chuwe, richin chi niq'alajin ri nunimirinen.

1 Crón 29:10

K'ari' ri rey David chikiwech ri winaqi' ri kimolon-ki' chiri' xunimirisaj rubi' ri Jehová, y xubij: ¡Nim ruwa-aq'ij rat Jehová ri qa-Dios tibe-q'ij tibe-seq! Nim ruwa-aq'ij rat ri chuqa' ri ru-Dios ri qatata' Israel.

1 Crón 29:11

Kan awichin rat ri nimirinen; kan xaxe wi rat ri k'o aq'ij. Kan xaxe rat ri k'o uchuq'a' awik'in, y nim ri aq'ij-ak'ojlen. Awik'in rat k'o-wi ri ch'akonik, y pan aq'a' rat k'o-wi ronojel ri k'o chuwech re ruwach'ulew y ri ek'o chikaj. Ja rat ri at Ajaw ri más nim k'o pa ruwi' ronojel.

1 Crón 29:13

Roma ri', qa-Dios, roj niqamatioxij chawe, y niqabixaj ri nimalej abi' ri k'o ruq'ij-ruk'ojlen;

Wuj Richin Bix Chire ri Dios 150:2

Tiya' ruq'ij roma ri nima'q taq banobel ri yeruben. Tiya' ruq'ij roma ri runimirinen rija' kan maneq retabal.

Ex 20:24

Wakami k'a, rix tibana' jun porobel rik'in ulew y pa ruwi' ri' tiya-wi ri chikop ri nik'at chijun y pa ruwi' chuqa' ri' ke'iya-wi ri chikopi' ri ye'isuj chuwe richin jun sipanik richin nijunamatej-qawech. Y xabakuchi k'a ri xtinbij-wi yin chiwe chi tibana' jun natabel wichin, yin xkiqaqa-pe iwik'in y xkixinwurtisaj.

Ex 33:19

Jari' toq ri Jehová xubij chire ri Moisés: Wakami k'a xkiq'ax y rat kan xtawetamaj nuwech chi yin kan in utz wi y xtinq'alajirisaj ri nubi' chawe. Roma yin kan ninjoyowaj-wi ruwech ri ruk'amon richin ninjoyowaj ruwech y ninpoqonaj ruwech ri ruk'amon richin ninpoqonaj ruwech.

Ex 6:3

Jak'a yin ri' ri xink'ut-wi' chuwech ri Abraham, ri Isaac y ri Jacob, y xink'ut-wi' chikiwech achi'el RI DIOS RI NITIKIR NUBEN RONOJEL; y man jun bey xketamaj ta nuwech rik'in ri nubi' Jehová.

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

San Juan 17:26

Kan nuq'alajirisan-wi k'a ri abi' chikiwech, y kan k'a xtinq'alajirisaj na k'a más, richin keri' ri ajowabel ri achoq ik'in in awajowan-wi yin, kan ja ta k'a chuqa' ri' xtik'oje' kik'in rije'. Y yin xkik'oje' pa taq kánima rije', xcha'.

San Juan 17:6

Rat kan xe'aya' tzeqelibey wichin, y yin kan xinben k'a chi xq'alajin-wi ri abi' chikiwech. Re winaqi' re', kan e awichin rat, jari' ri xe'aya' chuwe yin. Y rije' kan kibanon y kichajin k'a ri ach'abel.

Efesios 1:19

Yich'on rik'in pan iwi' roma ninwajo' chi rix chuqa' xtiq'ax ta chiwech chi kan janila nim ri ruchuq'a' ri Dios ri k'o qik'in roj ri qakuquban qak'u'x rik'in. Y ri uchuq'a' ri' junan rik'in ri uchuq'a' ri xukusaj,

Deut 3:24

Ajaw Jehová, rat kan achapon k'a pe ruk'utik chinuwech yin ri asamajel, ri nimalej ak'ojlen y ri awuchuq'a', ¿k'o kami jun chik Dios chila' chikaj y chuwech re ruwach'ulew ri nitikir nuben meyel taq banobel ri achi'el ye'aben rat?

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.