Deut 32:29 - Kaqchiquel Bible

²⁹ Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Deut 32:29 ပူးပေါင်းရင်းမြစ်များ

Wuj Richin Bix Chire ri Dios 81:13

¡K'ate' ta xinkak'axaj ri tinamit Israel! ¡k'ate' ta xkitzeqelibej ri bey wichin yin!

Deut 5:29

K'ate' ta kere' k'o pa taq kánima ronojel mul, kan nikiya' ta nuq'ij y chuqa' kan nikitaqej ta ronojel ri nupixa', richin keri' rije' y ri kalk'ual kan jantape' ta utz xtel ronojel chikiwech.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

Os 14:9

Ri e aj-na'oj kan xtiq'ax k'a chikiwech ronojel re'. Ri kan nowineq kan xtretamaj k'a, chi ri bey ri nibe rik'in ri Jehová kan choj-choj. Ri choj kik'aslen kan chupan k'a re bey re' yebiyin-wi. Jak'a ri kik'uan ri itzel k'aslen xa kan nikipajk'ij k'a ri kaqen chupan re bey re'.

Wuj Richin Bix Chire ri Dios 107:43

Ri kan aj-na'oj k'o chi nik'oje' k'a chuk'u'x ronojel re', niq'ax k'a chuwech ri nimalej rajowabal ri Jehová.

Wuj Richin ri Isaías 47:7

Rix xich'ob chi ri itinamit kan xtik'oje' richin q'asen, achi'el jun reina ri nik'ase' richin jantape'. Jak'a kan man xich'ob ta juba' ri xiben, ni man xoqaqa ta chi'ik'u'x ri nuk'en-pe chiwe.

Wuj Richin ri Isaías 10:3

¿Achike k'a xtiben rix chupan ri q'ij richin ri rutojbalil, toq xkepe nej ri ruk'ayewal? ¿Achoq ik'in xtito-iwi'? ¿Achoq ik'in xke'iya' kan ri ibeyomel?

Wuj Richin ri K'uxla'anik 1:9

Ri kitziaq kan xtz'ilobitej roma ri mak ri', rije' kan man xkich'ob ta k'a ri nuk'en-pe pa kiwi'. Kan nak'en rukiy toq xechapatej chupan ri kimak. Y re wakami kan man jun k'a achike ta nikuquban kik'u'x. Nikik'utuj k'a chire ri Jehová chi tutzu' ri kiq'axo'n. roma ri e etzelanel kichin kan xkinimirisaj-ki'.

Wuj Richin ri Jeremías 17:11

Ri wineq ri numol rubeyomel ri xa man pa ruchojmilal ta ri nuben, xa achi'el jun saqkorowach ri nijupe' pa ruwi' ri saqmolo' ri man richin ta rija'. Y toq pa nik'aj chire ri ruk'aslen ri wineq ri', xa nuya' kan ronojel y pa taq ruk'isibel xa nibeq'alajin-pe chi rija' jun nakanik, xcha' ri Dios.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin Bix Chire ri Dios 107:15

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

Wuj Richin Bix Chire ri Dios 90:12

Tabana' utzil Jehová, tak'utu' chiqawech ri rubanik richin yojk'ase', richin keri' kan ta nipe pa qánima ri na'oj.

Wuj Richin ri Hageo 2:18

Kixch'obon k'a utz chupan re q'ij re', q'ij juwineq kaji' chire ri ik' beleje', roma ja q'ij re' toq xiben-qa ruxe' ri rachoch ri Jehová.

Wuj Richin ri Isaías 42:23

¿Achike ta k'a chiwe rix nrajo' nrak'axaj re'? ¿Achike ta k'a chiwe rix ri kan ja yan re wakami nrak'axaj ri nuch'abel?