Deut 32:25 - Kaqchiquel Bible

²⁵ Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

Deut 32:25 ပူးပေါင်းရင်းမြစ်များ

2 Rey 7:5

Y toq niq'equmer yan qa xeyakatej-el richin xebe akuchi ek'o-wi-qa ri aj-Siria. Y toq xe'apon chuchi', xkinabej chi xa man jun chik chike ri winaqi' ri' ri k'o ta kan chiri';

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

Wuj Richin ri Isaías 30:16

Jak'a rix xa xibij chi más ta utz yixanimej-el chirij kiej, y xa más xikuquba' ik'u'x kik'in ri ikiej. Roma ri' kan qitzij chi rix xkixanimej-el. Niwajo' chi anineq yixbe chikij ri kiej, jak'a ri xketzeqeliben iwichin kan más e anineq chiwech rix.

Wuj Richin ri Jeremías 44:7

Wakami kere' k'a ninbij yin Jehová k'iytisanel richin ronojel: ¿Achike k'a roma rix xik'en-pe re nimalej ruk'ayewal pan iwi' rix, richin chi niben chike chi yeken ri winaqi' aj-Judá: Ri ixoqi', ri achi'a', ri ak'uala' y ja jujun ri k'a juba' ke'alex, xaxe richin chi man jun nik'oje' kan chiri' pa Judá?

Wuj Richin ri Jeremías 44:8

Niben chi niyek woyowal rik'in ri xa iq'a' banayon. Chuqa' nisuj pom chikiwech ch'aqa' chik dios wawe' pa ruwach'ulew Egipto, ri akuchi xixok-wi richin chi yixk'ase'. Rix xa xkixk'is chi'iwonojel. Ri winaqi' xkeyojoben chiwij y xkixok richin k'ixbilal chikiwech konojel tzobaj taq winaqi' richin re ruwach'ulew.

Wuj Richin ri Jeremías 9:21

Ri kamik kan xok yan apo pa taq qachoch, chuqa' xok yan apo chiri' pa taq tobel. Chuqa' ri pa taq bey; ja ri taq ak'uala' ri yeken kan y pa taq nima'q ruwech bey richin molojri'il, ja ri alaboni' ri yeken kan.

Wuj Richin ri K'uxla'anik 1:20

Nimalej Jehová, tabana' utzil qojatzu-pe chi janila oj k'ayewatajineq; kan janila k'a rukiy ri qaq'axo'n. Kan nich'ujer ri qánima, roma kan janila xojmakun chawech. Ri qawinaq ri e eleneq-el chuchi' re tinamit kan xekamisex, y ri ek'o kan chupan, chuqa' kan xoqaqa k'a ri kamik kik'in.

Wuj Richin ri K'uxla'anik 4:4

Ri taq ak'uala' kan janila chaqi'j kichi', y roma ri' ri kaq' kan nutz'om-ri' pa taq kichi'. Rije' kan janila yenum, jak'a kan man jun niya'on juba' kiway.

Ez 7:15

Chupan ri tinamit k'o wayjal y yabil y chirij-el ri tinamit k'o ri espada. Y roma ri', ri ek'o chupan xkeken roma wayjal y yabil. Jak'a ri ek'o pa juyu' xkeken chi espada.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Os 9:12

Wi k'o ta kalk'ual xkenimer-q'anej, xa kan xkenwelesaj k'a el chikikojol. Kan toq'ex k'a kiwech rije' toq yin xkenmalij kan, nicha' ri Jehová.

Os 9:16

Ri tinamit Israel kan xsokotej k'a, ri ruxe' xa xchaqi'j-qa y man xtiwachin ta chik. Stape' ye'alk'ualan, yin man xtinya' ta q'ij richin nik'ase' ri kalk'ual, nicha' ri Dios.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Wuj Richin ri Miqueas 6:14

Xkixwa'; jak'a xa kan man xtinoj ipan. Kan jantape' k'a xtik'oje' wayjal iwik'in. Xtik'ol k'a ri itiko'n, jak'a xa man xtok ta iwichin roma xa xtuk'uex-el chiwech. Y wi k'o ta juba' xtikolotej kan, yin kan xtinben k'a chi xa xtik'is chupan ri labal.

2 Corintios 7:5

Kan xaxe k'a xojoqaqa wawe' pa Macedonia, xqachop niqak'owisaj tijoj-poqonal. Xa kan man yojuxlan ta k'a juba' chire ri tijoj-poqonal. Kan xabakuchi k'a niqil q'axo'n. Ri qik'in-qa roj kan niqatej poqon roma ri qánima niq'axo y chuqa' k'o xibinri'il qik'in.