Deut 32:22 - Kaqchiquel Bible

²² Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Deut 32:22 ပူးပေါင်းရင်းမြစ်များ

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Wuj Richin ri Jeremías 15:14

Y rix xkixok loq'on samajela' kichin ri e etzelanel iwichin, chupan jun ruwach'ulew ri man iwetaman ta, roma kan yakatajineq woyowal achi'el q'aq' y kan xkixruk'is, xcha' chuwe.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Wuj Richin ri Miqueas 1:4

Ri akuchi niq'ax-wi ri Jehová kan yebelel-qa ri nima'q taq juyu', achi'el niya'er-qa ri cera chuwech ri q'aq'. Ri taq'aj kojol taq juyu' kan xkesoboso-qa, achi'el nuben jun raqen-ya' chuwech jun ruwa-xulan.

Wuj Richin ri Jeremías 17:4

K'o chi xtiya' kan ri ruwach'ulew ri xinsipaj chiwe richin xiwichinaj kan. Y kan xtinben chiwe richin kan xkixok iliy kichin ri e etzelanel iwichin, chupan jun ruwach'ulew ri kan man jun bey itz'eton, roma yakatajineq woyowal achi'el jun q'aq' y re' kan xkixruk'is.

Wuj Richin Bix Chire ri Dios 86:13

Roma ri ajoyowanik rat kan janila nim pa nuwi' yin, kan in akolon chuwech ri muqbel kamineq.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Hebreos 12:29

Roma ri qa-Dios kan achi'el q'aq' ri kan nuk'is ronojel.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

San Mateo 23:33

Rix ix q'olonela', y chuqa' ix kijatzul kan ri q'olonela'. ¿Kan k'o ta kami k'a jun rubanik richin man ta yixbe pa q'aq'?

San Mateo 18:9

Y wi xa ta jun chike ri runaq'-awech nibanon chawe chi yamakun, más ta utz nawelesaj y natorij-el. Roma más ta utz chi xaxe jun runaq'-awech k'o y yatok chupan ri k'aslen ri man k'isel ta, ke chuwech ka'i' runaq'-awech k'o y xa chi tz'aqet yabetorix kan chupan ri q'aq'.

San Mateo 10:28

Man k'a tixibij-iwi' chikiwech ri xaxe ok ri ch'akulaj ri yetikir nikikamisaj, jak'a chire ri iwánima xa kan man jun yetikir nikiben. Jak'a kan ruk'amon-wi chi tik'oje' rukiy ri Dios chiwech roma kan nitikir nuya' pa tijoj-poqonal ri iwánima y ri ich'akul chupan ri q'aq' richin jantape'.

Wuj Richin ri Habacuc 3:10

Toq ri juyu' xatkitz'et, kan xkixibij-ki'. Xq'ax k'a ri nimalej raqen-ya' richin ri job. Ri palou kan niwajin k'a, rokik ri ya' nibolqo't y rik'in uchuq'a' nipa'e' chikaj.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Wuj Richin ri K'uxla'anik 2:3

Rik'in ri royowal xrelesaj k'a ri uchuq'a' ri k'o qik'in. Chuqa' kan man xojruto' ta chik toq xeyakatej ri e etzelanel qichin chiqij. Ri royowal ri xyakatej chiqij roj, kan achi'el ri q'aq' ri nuk'is ronojel ri k'o chunaqaj.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Isaías 54:10

Stape' ri juyu' kan xkesilon, chuqa' ri ruwi' taq juyu' kan xketzaq-qa, jak'a yin kan man xtik'is ta ri wajowabal iwik'in. Chuqa' man xtik'is ta ri jikibel-tzij richin uxlanibel-k'u'x ri xinben iwik'in. Yin Jehová ri yijoyowan iwech ri yibin, ncha' ri Dios.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Isaías 24:6

Kan xqaqa itzel pa ruwi' chijun ruwach'ulew, roma re mak re' ri xkiben ri winaqi'. Roma ri' konojel ri winaqi' kan xkeken, y xa kan e juba' ok ri xkek'oje' kan.

Wuj Richin Bix Chire ri Dios 144:5

Nimalej Jehová, tajaqa' k'a ri kaj y kaqaqa-pe. Ke'achapa' ri juyu' richin ye'el-pe sib chupan.

Wuj Richin Bix Chire ri Dios 97:3

Ri chuwech rija' kan ninabeyej k'a jun q'aq'. Ri q'aq' ri' kan yeruk'is k'a ri e etzelanel richin ri ek'o chunaqaj.

Wuj Richin Bix Chire ri Dios 83:14

Kan ke'atzeqelibej k'a rik'in ri awuchuq'a', achi'el ri q'aq' ri nijote-q'anej chi'anin pa jun juyu'. Tabana' chi nisach kik'u'x, achi'el toq ri q'aq' nibe-q'anej chi'anin chuwa taq juyu'.

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

Wuj Richin Bix Chire ri Dios 21:9

Toq xkape rat, rik'in ri awoyowal xke'aya' pa q'aq' ri man ye'ajowan ta awichin. Rik'in ri q'aq' ri', kan xke'ak'is k'a roma awoyowal.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Wuj Richin ri Chojmirisabelri'il 26:20

Kan man jun k'a xtuq'ajuj ri isamaj ri xtiben roma ri itiko'n kan man xtik'ase' ta chik y ni ta ri che' man xtikiya' ta chik kiwech.

Wuj Richin ri Q'axanri'il 16:33

Kan e k'es k'a xebe-qa chuxe' ri ulew, kachibilan ronojel ri k'o kik'in; y k'ari' ri ruwach'ulew xutz'apej chik ri' y keri' toq xe'el-el chikikojol ri kiwinaq.

Ez 38:19

Rik'in ri ruq'aq'arinen ri woyowal kan ninya' nutzij chi chupan ri q'ij ri' xtinbenbana' jun nimalej silonel ri chiri' pa ruwach'ulew Israel.

Am 7:4

Ri Dios xuk'ut chinuwech jun chik achi'el achik' y xintz'et k'a chi xuteq-pe ruk'ayewal rik'in q'aq' pa qawi'. Y kan xuchaqirisaj ri nimalej palou ri k'o chuxe' ri ruwach'ulew y xuchop yan nuporoj ri qasanbel ulew.*f2*

Wuj Richin ri K'uxla'anik 2:2

Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.

Wuj Richin ri K'uxla'anik 2:4

Ri Dios kan xok k'a achi'el jun etzelanel qichin; xuchojmirisaj k'a ri ruk'aqbal-ch'ab richin chi xojruq'ijuj. Kan xuk'is k'a ronojel ri kan jebel rubanon, ri royowal kan xuya' k'a pe pa qawi' achi'el jun q'aq'.

Ez 19:12

Jak'a k'o jun q'ij rik'in oyowalen xk'uq y xtorix pan ulew. K'ari' xpe ri meq'en kaq'iq' pa relebel-q'ij y xuchaqirisaj. Ri ruwech ri jebel kibanon xewux-el, Y ri ruq'a' xa xeya'ox pa q'aq'.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.