Deut 32:13 - Kaqchiquel Bible

¹³ Rija' xixruto' richin xe'ich'ek ri winaqi' ri ek'o chuwech ri taq'aj, y xixwa' jebel chuwech ri ulew ri ek'o chiri'. Chuqa' xe'itz'ub ri kab ri nikiya' ri taq chikopi' ri chuwa taq abej, y kojol wajweq taq abej xek'iy-pe che' olivo.

Deut 32:13 ပူးပေါင်းရင်းမြစ်များ

Wuj Richin ri Isaías 58:14

Wi keri' xtiben, kan xtiwil kikoten wik'in yin, y kan xtinben chiwe richin chi'anin xkixbe pa jotol chupan ri iruwach'ulew, y rix kan xkixkikot chupan ri iruwach'ulew ri xiwichinaj kan, ri ix rijatzul kan ri Jacob. Yin Jehová ri yibin, xcha'.

Wuj Richin ri Achin Job 29:6

Ri q'ij ri' ri waqen kan yech'eqe' rik'in ri janila chi leche ri nikiya' ri nuwákix y ri nuk'arnel. Chuqa' kan janila chi aceite richin olivo nibiyin-pe chikikojol ri abej ri akuchi niyitz'-wi.

Wuj Richin Bix Chire ri Dios 81:16

Jak'a ri nutinamit yin, kan ta xinya' ri jebelej trigo chike; kan ta rik'in kab ri nikiya' ri taq chikopi' xink'owisaj ri chaqi'j kichi', xcha'.

Ez 36:2

Y jare' k'a ri rutzijol ri xuya': Ri e etzelanel qichin kan nikina-qa-ki' chi kan ja rije' e rajaw ri ruwach'ulew y ri ruwi' taq juyu'.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.

Deut 33:26

Kan man jun chik Dios k'o achi'el ri qa-Dios. Rija' achi'el xa ta pa ruwi' ri sutz' niqaqa-pe chikaj richin yixruto-el chi'anin, y chuqa' achi'el xa ta pa sutz' nipe-wi rik'in ri nimalej ruq'ij-ruk'ojlen.

Wuj Richin ri Isaías 48:21

Toqaqa k'a chi'ik'u'x chi ri ite-itata' man xchaqi'j ta kichi' toq xebe pa tz'iran ruwach'ulew. Yin xinpaxij ri nima-abej richin chiri' xel-pe ri ya'.

Ez 21:17

Yin chuqa' kan xtinpaq'apa' k'a nuq'a' roma ri ch'akonik ri', y xtiqaqa ruwi' ri woyowal. Yin Jehová ri yibin, xcha'.

Deut 8:8

Jun ruwach'ulew ri akuchi niwachin ri trigo, ri cebada, ri uva, ri wíkix, ri granada, ri olivo y ri kab ri nikiya' taq chikopi'.

Deut 8:15

Ri Jehová xuben chiqe richin xojruk'uaj chupan ri nimalej tz'iran ruwach'ulew ri kan nak'en rukiy, ri nojineq rik'in kumatzi' y alacrán ri yekamisan, y akuchi janila xchaqi'j qachi' roma maneq ya'. Y rija' xuya' ri qaya' richin xqaqum ri xel-pe pa jun nimalej abej.

2 Sam 22:34

Kan xuya' wuchuq'a' richin anineq xibiyin chupan ri k'echelaj, achi'el nanin jun masat.

Wuj Richin ri Achin Job 20:17

Kan man xtutz'et ta chik kan ri aceite toq achi'el ti raqen-ya' nibiyin-pe. Chuqa' kan man xtutz'et ta chik kan ri beyomel ri nuya-pe ri Dios, ri kan nibiyin-pe achi'el leche y achi'el ri kab ri nikiya' ri taq chikopi'.

Wuj Richin Bix Chire ri Dios 18:33

Kan xuya' wuchuq'a' richin anineq xibiyin chupan ri k'echelaj, achi'el nanin jun masat.

Os 13:6

Jak'a toq xinya' ri away pa ruk'iyal xa jari' k'a toq xpe nimirisanen awik'in, xa jari' toq xinamestaj kan.

Deut 28:47

Roma man xisamajij ta ri Jehová ri qa-Dios rik'in ronojel iwánima y rik'in kikoten, toq rija' janila k'iy beyomel ri xuya' chiwe,

Ez 16:13

Keri' xatinwiq rik'in q'anapueq y saqipueq y ri atziaq kan e banon rik'in jebelej lino ri kan jebel e tz'ison y kan jebejoj ok ri yetzu'un. Y keri' jebel ok xaben. Xatinwilij rik'in jebelej kaxlan-wey, rik'in kab ri nikiya' ri taq chikopi' y ri aceite banon rik'in olivo. Kan janila jebel ok xaben-q'anej y kan janila xk'oje' awejqalen, achi'el jun reina.