Deut 32:11 - Kaqchiquel Bible

¹¹ Ri Jehová kan xuben chike achi'el nuben ri kot toq yerutijoj ri taq ral. Xerutijoj toq xerisq'opej kan pa kaq'iq' richin xketamaj yexik'an. Xeruk'ul pa ruwi' ri ruxik' richin xeruto'. Keri' k'a xuben ri Jehová kik'in ri qate-qatata'.

Deut 32:11 ပူးပေါင်းရင်းမြစ်များ

Wuj Richin ri Rutikeribel 1:2

Y toq ri ruwach'ulew kan k'a man jun ruchojmilal y kan k'a man jun k'o chuwech, ri q'equ'm rutz'apen ruwi' ronojel ri nimalej taq palou y ri Espíritu richin ri Dios nisilon pa ruwi'.

Wuj Richin Bix Chire ri Dios 18:10

Xch'oke' k'a el chirij jun querubín,*f16* y xexik'an-el pa kaq'iq'.

Ex 19:4

Rix kan xitz'et k'a jebel ri xinben yin kik'in ri aj-Egipto, ri xinben richin xixink'en-pe wawe' wik'in yin, achi'el xa ta xixpe pa ruwi' ruxik' jun kot.

Wuj Richin ri Isaías 31:5

Ri Jehová k'iytisanel richin ronojel kan nibiyaj pa ruwi' ri rutinamit, achi'el nuben jun aj-xik' chikop ri nixik'an pa ruwi' ri rusokaj. Keri' k'a xtuchajij ri Jehová ri Jerusalem. Kan xkeruchajij, xkeruto' y xkerukol ri aj-Jerusalem.

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

Wuj Richin ri Isaías 46:4

Y kan keri' xtinben iwik'in k'a ja toq xkixrijix na, y toq xtibesaqir-pe ri rusumal-iwi' kan k'a xkixinto' na. Yin xibanon iwichin, kan k'a xkixinto' na, xkixinwilij y xkixinkol.

Wuj Richin ri Isaías 63:9

Toq rije' xek'oje' pa jun nimalej bis, chuqa' rija' kan xbison kik'in. Y kan ja ri ru-ángel ri xto'on kichin. Roma ri rajowabal y ri rujoyowanik, roma ri' xerukol y kan xeruyek chik el jun bey, y kan keri' ri rubanon-pe.

Wuj Richin ri Jeremías 13:11

Yin kan xenxim ri tinamit Israel y ri Judá, achi'el toq jun achin nuxim-ok kow ri ximibel-rupan. Keri' xinben kik'in richin yek'oje-pe naqaj wik'in, richin chi ye'ok nutinamit y nikiq'alajirisaj ta ri nubi'. Y kan ja ta rije' ri e nuruwaq'ijaj y e nuk'ojlemal. Jak'a xa man xinkinimaj ta.

Os 11:3

Man rik'in ri' yin kan xentijoj k'a rije' richin yebiyin chupan ri ruchojmilal. Kan xenyuqej k'a chikiq'a'. Jak'a rije' xa man xkiya' ta rejqalen chi kan ja yin ri in chajiyon kichin.

Deut 33:12

Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

Hebreos 11:3

Y roj chuqa' roma ri kuqubabel-k'u'x, niq'ax chiqawech chi kan ja wi ri Dios ri xbanon ronojel ri k'o, xaxe rik'in ri ruch'abel. Keri' ronojel ri niqatz'et wakami xban rik'in ri xa man tz'etel ta.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

Apocalipsis 12:4

Y re itzel chikop re', xaxe k'a rik'in ri rujey xerumes-pe jun chire ri oxi' chike ri ch'umila' ri ek'o chikaj, y xeruk'eq k'a pa ruwi' ri ruwach'ulew. K'ari' xbek'oje-apo chuwech ri ixoq ri nik'oje' yan ral. Ruchajin-apo jampe' xtik'oje' ri ak'ual, richin nutej-el.