Deut 32:1 - Kaqchiquel Bible

¹ Tawak'axaj k'a rat kaj ri xtinbij, tawak'axaj chuqa' rat ruwach'ulew ri nuch'abel.

Deut 32:1 ပူးပေါင်းရင်းမြစ်များ

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Deut 4:26

Roma ri' kan chikiwech k'a ri kaj y ri ruwach'ulew ninbij, wi keri' xtiben, kan xkixken. Man k'iy ta k'a q'ij xkixk'ase' chiri' y xa kan xkixk'is k'a el.

Wuj Richin ri Jeremías 22:29

Iwonojel rix aj-Judá, kan tiwak'axaj k'a chi utzil ri nuch'abel, yin Jehová.

Wuj Richin Bix Chire ri Dios 49:1

Tiwak'axaj k'a chi'iwonojel rix tinamit, kan tiya' ixikin chi'iwonojel rix winaqi', richin chijun ruwach'ulew;

Wuj Richin ri Jeremías 6:19

Ninbentaqa' k'a pe jun nimalej ruk'ayewal pa ruwi' re tinamit re' roma ri itzel taq kich'obonik. Man xkinimaj ta ri nuch'abel y xa kan xketzelaj kan ri nupixa'.

Wuj Richin Bix Chire ri Dios 50:4

Rija' xkeroyoj k'a ri kaj y ri ruwach'ulew, xkeroyoj richin tikitz'eta' toq xtuq'et-tzij pa ruwi' ri rutinamit.

Deut 31:28

Wakami k'a, ke'imolo-pe re wawe' chinuwech yin ri achi'a' ri k'o kiq'ij ri ek'o chupan konojel ri tzobaj, y chuqa' ri samajela' ri e richin ri tinamit, richin keri' kan xtinq'alajirisaj k'a chuqa' chike rije' re ch'abel re'. Y ri kaj y ri ruwach'ulew kan xtikitz'et k'a ronojel re'.

Deut 30:19

Chupan re q'ij re' kan chuwech k'a ri kaj y ri ruwach'ulew ninbij chiwe chi ninya' chiwech ri k'aslen o ri kamik, ri urtisanik o ri etzelanik. Kan ticha' k'a ri k'aslen, richin chi yixk'ase' rix y ri iwijatzul.

Wuj Richin ri Jeremías 2:12

Roma ri', chi'iwonojel rix ri ixk'o chuwech ri kaj kan tik'ama' rukiy. Kixbaybot k'a. Yin Jehová ri yibin.

Deut 31:30

K'ari' ri Moisés xuben chik k'a re bix re' chikiwech ri ruwinaq richin chi tikak'axaj; xuchop-el pa rutikeribel k'a pa ruk'isibel, y kere' k'a xubij:

Wuj Richin ri Isaías 34:1

Rix winaqi' richin chijun ruwach'ulew, kan kixjel-pe richin niwak'axaj. Rix tzobaj winaqi' kan jebel tiya' ixikin. Tiwak'axaj k'a rix ri ixk'o pa taq ronojel ruwach'ulew.

Deut 31:19

Wakami k'a tatz'ibaj re jun bixanik re' y ke'atijoj ri awinaq richin chi nikibixaj; y re bix re' xtok jun q'alajirisabel nuch'abel chikij ri awinaq israelita.