Deut 31:9 - Kaqchiquel Bible

⁹ Ri Moisés xutz'ibaj k'a re pixa' re' y xujech kan pa kiq'a' ri sacerdote ri e rijatzul kan ri Leví, ri ye'uk'uan ri káxa richin ri rujikibel-tzij ri Jehová, y chike chuqa' konojel ri achi'a' ri k'o kiq'ij.

Deut 31:9 ပူးပေါင်းရင်းမြစ်များ

Wuj Richin ri Q'axanri'il 4:15

Y toq ri Aarón y ri e ruk'ajol e k'achojineq chik richin nikipis-rij ronojel ri richin ri wachoch y ronojel ri taq samajibel ri ye'ukusex chuqa' chupan ri wachoch; y toq ri tinamit jari' ek'o chik richin ye'el-el chiri' richin chi yebe juk'an chik, jari' toq yepe ri e rijatzul kan ri Quehat y yekik'uaj-el ronojel ri e pisil chik. Jak'a man jun bey tikichop jun chike ronojel ri samajibel ri', richin keri' man yeken ta. Jare' ri kisamaj ri e rijatzul kan ri Quehat chupan ri wachoch richin molojri'il.

Wuj Richin ri Josúe 3:3

y xkibij chike ri winaqi': Toq xtitz'et chi ri e sacerdote ri e rijatzul kan ri Leví kik'uan-el ri káxa richin ri rujikibel-tzij ri Jehová ri qa-Dios, jari' toq xkixk'olon-el ri akuchi ixk'o-wi-qa y xkixtzeqe-el chikij rije',

San Juan 5:46

Roma wi ta kan qitzij chi rix ninimaj ri e rutz'iban kan ri Moisés, kan yininimaj ta chuqa' yin, roma ri e rutz'iban kan rija', kan chuwij yin yech'on-wi.

San Juan 1:45

Y ri Felipe, xberuk'ulu-pe ri jun achin rubini'an Natanael, y xubij k'a chire: Xqil yan k'a ri runatan kan ri Moisés chupan ri pixa' y ri kinatan chuqa' kan ri xeq'alajirisan ruch'abel ri Dios ojer, ri chupan ri kiwuj e kitz'ibalon kan. Rija', ja ri Jesús ri ruk'ajol ri José aj-Nazaret, xcha'.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

San Lucas 20:28

Tijonel, ri Moisés nubij chi toq jun achin niken-el y nik'oje' kan ri rixjayil y man jun ralk'ual nik'oje' kan, jun rach'alal kan rija' ri k'o chi nik'ule' rik'in ri malka'n ixoq, richin keri' yek'oje' ta ralk'ual pa rubi' ri kamineq.

Marcos 12:19

Tijonel, ri Moisés nubij chi toq jun achin niken-el y nik'oje' kan ri rixjayil y man jun ralk'ual nik'oje' kan, jun k'a rach'alal kan rija' ri k'o chi nik'ule' rik'in ri malka'n ixoq, richin keri' yek'oje' ta ralk'ual pa rubi' ri kamineq.

Wuj Richin ri Malaquías 4:4

Kan xtoqaqa ta k'a chi'ik'u'x ri nupixa' ri xinya' chire ri Moisés ri nusamajel chiri' pa juyu' Horeb. Ri pixa' ri' rachibilan ri ch'aqa' chik ruchojmilal ri xinya' chire richin tubij chiwe rix aj-Israel.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Dn 9:13

Kan xpe k'a ri ruk'ayewal pa qawi' achi'el ri tz'ibatel kan chupan ri wuj richin ri pixa' ri ruya'on kan ri Moisés. Man rik'in ri' kan man at qakanon ta k'a y man qaya'on ta kan ri itzel banobel, richin ta chi yojbiyin pa ruchojmilal chawech rat.

1 Crón 15:2

K'ari' xubij: Wakami xa kan xaxe k'a ri e levita ri ye'uk'uan ri káxa richin ri rujikibel-tzij ri Dios, y man jun achike ta chik, roma ri Jehová kan e rucha'on rije' richin jantape' nikik'uaj ri káxa y nikisamajij, xcha'.

1 Rey 8:3

Y toq xe'apon ri achi'a' ri k'o kiq'ij, jari' toq ri e sacerdote xbekitzeqej-pe ri káxa

Wuj Richin ri Josúe 6:12

Y ri Josué xuben k'a chike chi xeyakatej nimaq'a' yan. Y ri sacerdote xkik'uaj k'a el ri káxa richin ri Jehová.

Deut 31:28

Wakami k'a, ke'imolo-pe re wawe' chinuwech yin ri achi'a' ri k'o kiq'ij ri ek'o chupan konojel ri tzobaj, y chuqa' ri samajela' ri e richin ri tinamit, richin keri' kan xtinq'alajirisaj k'a chuqa' chike rije' re ch'abel re'. Y ri kaj y ri ruwach'ulew kan xtikitz'et k'a ronojel re'.

Deut 17:18

Toq ri rey xtitz'uye' kan, jari' k'a xtubij chi titz'ibex chupan jun k'ak'a' wuj ri pixa' ri k'o pa kiq'a' ri sacerdote.

Wuj Richin ri Q'axanri'il 33:2

Ri Moisés xutz'ibaj ri bi'aj toq xe'el-pe y ri akuchi ye'uxlan-wi achi'el ri ruchojmilal ri xubij-pe ri Jehová chire. Jare' ri kibinen y ri ruchojmirisaxik xban toq xe'el-pe.

Ex 24:4

Ri Moisés kan xutz'ibaj k'a ronojel ri xubij-pe ri Jehová chire. Y ri ruka'n q'ij xyakatej nimaq'a' yan y xupaba-q'anej jun porobel richin kamelabel, chuxe-apo ri juyu' ri'. Chuqa' xerupaba-q'anej kablajuj abej, kik'exewach ri kablajuj tzobaj kichin ri rijatzul kan ri Israel.

Wuj Richin ri Q'axanri'il 4:5

Jak'a toq nuchop chik el bey ri tinamit Israel xa ja ri Aarón y ri e ruk'ajol ri yeqasan-el ri tzieq ri achoq ik'in ch'aron-wi rupan ri wachoch y jari' ri nikiya-el chirij ri káxa ri richin ri nujikibel-tzij.

Wuj Richin ri Q'axanri'il 4:6

Y k'ari' nikiya' chik el jun sale'y chirij ri kan jebejoj ok rubanik y pa ruwi' chik ri' nikirik' chik el jun raxroj tzieq y k'ari' nikiju-el ri che' pa taq ruxikin richin chi utz nuk'uex.

Deut 10:8

Chupan ri q'ij ri' ri Jehová xucha' ri tzobaj richin kan ri Leví richin chi ja rije' ri ye'uk'uan ri káxa richin ri rujikibel-tzij, y richin nikisuj kamelabel y nikik'utuj urtisanik pa qawi', achi'el nikiben k'a re q'ij re'.

Deut 33:10

Rix xtik'ut ri q'atbel-tzij chikiwech ri iwinaq israelita, xtik'ut ri pixa' chuwech ri itinamit. Xtiporoj k'a ri pom chuwech ri Jehová, y xtisuj ri chikop pa ruwi' ri porobel.

Wuj Richin ri Nehemías 8:2

Y chupan ri nabey q'ij chire ri ik' wuqu', ri sacerdote Esdras, xuk'en k'a pe ri pixa' ri', y xusik'ij chikiwech ri achi'a', ri ixoqi' y ri ak'uala' ri niq'ax chik chikiwech, ri kan kimolon-ki' chiri'.

2 Rey 17:37

Tibana' k'a ronojel ri pixa' ri nuya'on chiwe, y man ke'isamajij ch'aqa' chik dios.

Wuj Richin ri Nehemías 8:3

Y rija' xusik'ij k'a ri wuj chiri' chikiwech ri winaqi'. Nimaq'a' yan k'a xuchop y xtane' k'a pa nik'aj-q'ij. Y konojel k'a ri winaqi' ri' kan xkiya' k'a kixikin chire ri wuj richin ri rupixa' ri Jehová.