Deut 31:3 - Kaqchiquel Bible

³ Kan ja rija' ri xtinabeyej-el chiwech richin yixq'ax-apo y kan chiwech k'a rix xkeruk'is-el ri winaqi' ri ek'o chupan ri ruwach'ulew ri', richin xtok iwichin rix. Chuqa' ri Josué xtok uk'uey iwichin richin yixq'ax-apo, achi'el rubin ri Jehová.

Deut 31:3 ပူးပေါင်းရင်းမြစ်များ

Deut 9:3

Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Wuj Richin ri Josúe 4:14

Chupan k'a ri q'ij ri', ri Jehová xunimirisaj ruq'ij ri Josué chikiwech konojel ri ruwinaq, kan xkiya' k'a rejqalen y xkinimaj k'a rutzij ri Josué ronojel q'ij chire ri ruk'aslen, achi'el xkiben rik'in ri Moisés.

Wuj Richin ri Josúe 1:2

Rat xatz'et chi ri nusamajel Moisés xken-el. Wakami k'a, rat xkayuqen richin ri atinamit Israel, xke'aq'axaj k'a apo chupan ri raqen-ya' rubini'an Jordán, richin chi ninya' ri ulew chiwe rix.

Deut 31:23

K'ari' ri Jehová xuya' ri ruchojmilal chire ri Josué, y xubij chire: Kan kow k'a kak'oje' y tatija' aq'ij, roma ja rat k'a ri xkatukusan-apo kichin ri awinaq chupan ri ruwach'ulew ri kan nuya'on chik nutzij chi kan ninya' chike; y yin kan xkik'oje' k'a awik'in rat, xcha' ri Jehová chire.

Deut 3:28

Xaxe k'a tabij chire ri Josué chi tutija' ruq'ij y tukuquba' ruk'u'x, roma ja rija' xtuk'uan richin ri tinamit y ja rija' xtibejachon ri ruwach'ulew chikiwech ri winaqi' ri xtabetz'eta' kan, xcha' ri Jehová chuwe.

Hebreos 4:8

Y ri uxlanen ri xusuj chire ri David kan niq'alajin chi man nich'on ta chirij ri uxlanen ri xokila' wawe' ri qati't-qamama' toq e k'amon-pe roma ri Josué.

Hechos 7:45

Ja rachoch ri Dios ri' ri kik'amon-pe ri qati't-qamama' toq xe'ok-pe chupan re ruwach'ulew re', toq e k'amon-pe roma ri Josué. Xek'oje' k'a qa wawe', toq kichapon chik yekich'ek ri winaqi' ri ek'o chupan re ruwach'ulew re'. Kan jak'a ri Dios xto'on kichin. Y ri rachoch ri Dios ri kik'amon-pe toq xe'oqaqa, kan jari' ri k'a k'o na pa ruq'ijul ri David.

Wuj Richin ri Josúe 3:7

K'ari' ri Jehová xubij chire ri Josué: Chupan k'a re q'ij re', xtinchop ninnimirisaj aq'ij chikiwech konojel ri awinaq, richin chi niq'ax chikiwech chi achi'el xik'oje' rik'in ri Moisés, kan keri' chuqa' xkik'oje' awik'in rat.

Deut 34:9

Y chirij re' ri Josué kan xuk'ul ri espíritu richin na'oj, roma ri Moisés kan ruya'on kan ri ruq'a' pa ruwi'. Keri' ri israelita kan xkinimaj rutzij y xkitaqej ronojel ri rubin kan ri Jehová chire ri Moisés.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Wuj Richin ri Rutikeribel 48:21

K'ari' xubij chire ri José: Yin yibeken yan, jak'a ri Dios xtik'oje' kan iwik'in rix, y xtuben chiwe chi yixtzolin chupan ri ruwach'ulew ri akuchi xek'oje-wi ri iwati't-imama'.

Deut 31:4

Ri Jehová xtuben chike ri winaqi' ri' achi'el xuben chike ri Sihón y ri Og, ri e rey kichin ri amorreo, toq kan xeruk'is junan kik'in ri tinamit ri ek'o pa kiq'a'.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Josúe 11:15

achi'el k'a ri xubij ri Jehová chire ri Moisés ri rusamajel; keri' chuqa' xubij kan ri Moisés chire ri Josué. Y ri Josué kan xuben k'a ronojel achi'el xubij ri Jehová chire ri Moisés.