Deut 31:2 - Kaqchiquel Bible

² wakami k'o chik 120 nujuna' y man yitikir ta chik yixink'uaj. Y pa ruwi' re' ri Jehová rubin chik chuwe chi yin man xtinq'axaj ta apo ri raqen-ya' Jordán.

Deut 31:2 ပူးပေါင်းရင်းမြစ်များ

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

Wuj Richin ri Q'axanri'il 27:17

ri kan nitikir yeruk'uaj y yeruk'en-pe; ri kan nok jun uk'uey kichin, richin keri' man xtikiben ta achi'el jun tzobaj karne'l ri maneq kiyuq'unel, xcha'.

1 Rey 3:7

Wakami k'a Jehová Dios wajaw yin, rat xinaya' pa ruk'exel kan ri nata' richin ninq'et-tzij, stape' k'a in ala' na y man jani k'o nuna'oj, y kan man jun wetamabal.

Wuj Richin ri Q'axanri'il 20:12

Kan jari' toq ri Jehová xubij chire ri Moisés y chire ri Aarón: Roma rix xa man xikuquba' ta ik'u'x wik'in, y xa maneq nuq'ij xiben chuwe chikiwech ri winaqi', roma ri' xa kan man ja ta k'a rix ri xkixukusan-apo re winaqi' re' chupan ri ruwach'ulew ri kan kichin rije', xcha'.

Ex 7:7

Ri Moisés k'o k'a jumuch' rujuna' y ri Aarón k'o k'a jumuch' oxi' rujuna', ri q'ij toq xech'on rik'in ri rey.

Hechos 20:25

Yin xiyaloj xik'oje-el iwik'in richin xintzijoj chiwe chirij toq ri winaqi' ye'ok pa rajawaren ri Dios. Jak'a man rik'in ri', rix xa kan man xkinitz'et ta chik el chuwech re ruwach'ulew.

Hechos 7:23

Jak'a toq ri Moisés rutz'aqatisan chik kawineq rujuna', xbe chikitz'etik ri ruwinaq judío.

Wuj Richin Bix Chire ri Dios 90:10

Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

Deut 1:37

Chuqa' ri Jehová xyakatej royowal wik'in yin iwoma rix y xubij chuwe chi chuqa' yin man xkinok ta apo chupan ri ruwach'ulew ri'.

Deut 31:1

Ri Moisés kere' k'a xubij chike konojel ri ruwinaq,