Deut 31:16 - Kaqchiquel Bible

¹⁶ Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Deut 31:16 ပူးပေါင်းရင်းမြစ်များ

Wuj Richin ri Rutikeribel 15:15

Jak'a rat k'a k'o na k'iy ajuna' ri xtakochij-el y kan k'o k'a uxlanibel-k'u'x awik'in toq xkaken y xkamuq.

Wuj Richin ri Rutikeribel 25:8

Ri Abraham xken k'a roma rurijixinen y keri' k'a xk'olotej-el chuwech ri ruwach'ulew.

Wuj Richin ri Rutikeribel 47:29

Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

Wuj Richin ri Rutikeribel 47:30

Roma ri nurayibel yin chi toq xkiken, yinawelesaj-el re wawe' y yinak'uaj-el richin yinabemuqu' kan kik'in ri nte-nata', xcha'. Y ri José xubij chire: Xtinben k'a achi'el ri nawajo' rat, xcha'.

2 Sam 7:12

Y toq xkaken, yin xtinkusaj kan pan ak'exel jun chike ri ak'ajol. Y kan xtinjikiba' ri ruq'atbal-tzij rija'.

1 Rey 1:21

Wi man xtaq'alajirisaj ta kan, rik'in juba' toq xkaken rat xa xtipe ruk'ayewal pa qawi', ri qalk'ual Salomón y yin, y keri' xa xqojbekamisex, xcha' ri Betsabé.

1 Rey 18:18

Y ri Elías xubij: Yin man nusachon ta kik'u'x ri qawinaq israelita: Ja rat y ri ek'o pa rachoch ri atata'. Rix xa xiya' k'a kan ri rupixa' ri Jehová richin xe'itzeqelibej ri Baal.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

2 Rey 18:12

Rije' xkik'uluwachij keri' roma kan man xkinimaj ta rutzij ri Jehová ri ki-Dios. Xa kan xkiq'ej k'a ri rujikibel-tzij. Ronojel ri rubin ri Moisés ri rusamajel, rije' man xkak'axaj ta k'a ni man xkiben ta.

2 Rey 20:1

Chupan k'a ri q'ij ri' ri Ezequías xuchop k'a jun nimalej yabil y kan niken yan. Y xapon k'a rik'in rija' ri Isaías ri q'alajirisey ruch'abel ri Dios y xubij chire: Ri Jehová nubij chi tachojmirisaj kan ronojel ri pan awachoch, roma kan xkaken. Xa man xkak'achoj ta chik, xcha'.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

Wuj Richin ri Achin Job 20:11

Ri wineq ri maneq Dios chuwech kan k'a e kow ri rubaqil; toq kan ja yan ri' xtiken-el y xtibe kan pan ulew.

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Ex 32:6

Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Ex 34:15

Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Wuj Richin ri Isaías 48:8

Rix man jun bey iwajowan iwak'axan ta re', ni man jun bey iwajowan ta niwetamaj, roma ri' man xiwajo' ta xiwak'axaj. Yin kan wetaman chik chi rix kan ix q'olonel-wi, roma kan k'a ja toq man jani kixalex, rix kan ix yakatajineq chik chuwij.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri Jeremías 36:7

Rik'in juba' xtapon ri kich'owen rik'in ri Jehová y chikijujunal nitzolin-pe kik'u'x chupan ri itzel bey ri kik'uan, roma ri Jehová kan janila yakatajineq royowal y ri royowal ri yakatajineq kan xuk'ut pa ruwi' re tinamit re', xicha' chire.

Ez 16:15

Jak'a roma kan at jebejoj ok y eleneq atzijol, kan xakuquba' ak'u'x rik'in ri' y xachop rubanik itzel k'aslen y kan xajech-awi' chike konojel ri xeq'ax-el chi'anaqaj.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Wuj Richin ri Chojmirisabelri'il 26:15

y wi rix xtiwixowaj ri pixa' ri nuya'on chiwe, y man xtitaqej ta ri nuch'abel, y wi xtiq'ej ruwi' ri jikibel-tzij ri qabanon,

Wuj Richin ri Q'axanri'il 27:13

Y toq atz'eton chik na kan ri ruwach'ulew ri', rat chuqa' xkaken y xtabek'ulu-awi' kik'in ri awati't-amama' achi'el xbanatej rik'in ri awach'alal Aarón.

Hechos 13:36

Jak'a ri David, toq xa kan ruk'ison chik k'a kan ri samaj ri ruya'on-pe ri Dios chire, xken, y xbemuq kan ri akuchi e muqul-wi ri e rati't-rumama'. Xa kan xq'ey-wi k'a ri'.

Deut 31:18

Toq xtapon ri q'ij ri' yin kan xkenmalij wi kan, roma ronojel ri itzel ri yekibanala' chi xekiyala' kiq'ij ch'aqa' chik dios.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Deut 32:50

Pa ruwi' ri juyu' ri achoq pa ruwi' xkajote-q'anej xkaken-wi kan, achi'el xuben ri animal Aarón pa ruwi' ri juyu' Hor;

Deut 34:5

Y keri' ri Moisés, ri rusamajel ri Jehová, xken pa ruwach'ulew Moab, kan achi'el rubin ri Jehová chire.

Deut 4:25

Toq rix ek'o chik iwalk'ual, iwiy-imam y xixrijix yan chupan ri ruwach'ulew ri', man ke'ibanala-q'anej wachibel e paban o xabachike wachibel ri man niqa' ta chuwech ri qa-Dios richin man niyek royowal.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

Wuj Kichin ri To'onela' 10:13

Jak'a rix xa xinimalij kan, y xe'isamajij ri ch'aqa' chik dios. Roma ri' yin man xkixinkol ta chik.

Wuj Kichin ri To'onela' 10:6

Jak'a ri israelita xa xkichop chik rubanik itzel taq banobel chuwech ri Jehová, y xekisamajij ri dios Baal y ri Astarté, y chuqa' ri ki-dios ri aj-Siria, ri aj-Sidón, ri aj-Moab, ri aj-Amón y ri aj-Filistea. Rije' xa xkimalij kan ri Jehová y man xkisamajij ta chik.

Wuj Kichin ri To'onela' 2:11

Ri e rijatzul ri Israel xkichop k'a rubanik itzel taq banobel chuwech ri Jehová, y kan xekisamajij ri wachibel kichin ri dios kibini'an Baal.

Wuj Kichin ri To'onela' 2:12

Xkiya' k'a kan ri Jehová ri ki-Dios ri kati't-kimama' ri xelesan-pe kichin pa ruwach'ulew Egipto, y xa xekitzeqelibej ri ch'aqa' chik dios, ri ek'o pa taq tinamit chikinaqaj rije', y kan xkiya' kiq'ij; y rik'in ri' xkiyek royowal ri Jehová.